སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
མཚོ་ལྷོ་ཁུལ་གྱིས2017ལོའི་བོད་བརྒྱུད་ནང་བསྟན་དགོན་སྡེའི་དཔེ་ཁྲིད་དགེ་རྒན་ཟབ་སྦྱོང་འཛིན་གྲྭ་བསྡུས་པ།
རྩོམ་པ་པོ། ཚེ་རིང་འབུམ། རྩོམ་སྒྲིག་པ། Michung དུས་ཚོད། 2017-5-24 9:47:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།
 
       གསར་འགོད་པས་རྒྱུས་ལོན་པ་ལྟར་ན། སྤྱི་ཟླ5པའི་ཚེས14ནས19ཉིན་བར། 2017ལོའི་མཚོ་ལྷོ་ཁུལ་བོད་བརྒྱུད་ནང་བསྟན་དགོན་སྡེའི་དཔེ་ཁྲིད་དགེ་རྒན་ཟབ་སྦྱོང་འཛིན་གྲྭ་དེ་ཁུལ་བོད་བརྒྱུད་ནང་བསྟན་གྲྭ་བཙུན་གསོ་སྦྱོང་ལྟེ་གནས་སུ་བསྡུས་ཤིང་། ཁུལ་ཡོངས་ཀྱི་བོད་བརྒྱུད་ནང་བསྟན་དགོན་སྡེའི་དཔེ་ཁྲིད་དགེ་རྒན60ཐེངས་འདིའི་ཟབ་སྦྱོང་ལ་ཞུགས།
ད་ལོའི་ལོ་སྟོད་ཀྱི་གསོ་སྦྱོང་འཆར་འགོད་ལྟར། མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་ཁུལགསར་འཛུགས་བྱ་བ་དམ་པོར་དམིགས་ཏེ། བོད་བརྒྱུད་ནང་བསྟན་གྱི་དགོན་སྡེའི་དཔེ་ཁྲིད་དགེ་རྒན་གྱི་འདུ་ཤེས་སྔར་བས་མཐོ་རུ་བཏང་སྟེ།  ཆབ་སྲིད་ཐད་བློས་འཁེལ་ཐུབ་པ་དང་། ཤེས་ཡོན་ཐད་མཁྱེན་རྒྱ་ཡངས་པ། ཀུན་སྤྱོད་ཐད་ཚང་མས་ཁས་ལེན་པ། གནད་འགག་ལ་ཐུག་དུས་ནུས་པ་འདོན་ཐུབ་པའི་དགོན་སྡེའི་དཔེ་ཁྲིད་དགེ་རྒན་གྱི་དཔུང་ཁག་ལེགས་པོར་སྐྱོང་བར་ནུས་པ་གང་ལེགས་བཏོན།
སེམས་ཞིབ་མོས་སློབ་ཁྲིད་ནང་དོན་ཇུས་འགོད་བྱས་ཐོག གསོ་སྦྱོང་སྐབས་སུ་གཙོ་བོར་བོད་བརྒྱུད་ནང་བསྟན་ཆོས་ལུགས་ལས་དོན་སྲོལ་ཡིག་དང་། བོད་བརྒྱུད་ནང་བསྟན་དགོན་པའི་གྲྭ་བཙུན་ཤེས་ལྡན་མི་སྣའི་སློབ་གསོ་དང་དོ་དམ་སྐོར་གྱི་བྱེད་ཐབས། གནས་བབ་གསར་བའི་འོག་ཏུ་བོད་བརྒྱུད་ནང་བསྟན་སྤྱི་ཚོགས་རིང་ལུགས་སྤྱི་ཚོགས་དང་མཐུན་སྦྱོར་ཅི་ལྟར་བྱེད་དགོས་པའི་སྐོར། སྐབས་བཅོ་བརྒྱད་པའི་ཀྲུང་དབྱང་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་སློབ་སྦྱོང་བྱེད་པ། བོད་བརྒྱུད་ནང་བསྟན་ཆོས་སྤྱོད་དོ་དམ་སྐོར་གྱི་བསམ་ཚུལ་གླེང་བ། ཏང་གི་མི་རིགས་ཆོས་ལུགས་བྱ་བའི་སྲིད་ཇུས་སྐོར་གླེང་བ། རྩ་ཁྲིམས། བོད་བརྒྱུད་ནང་བསྟན་དགོན་པའི་གྲྭ་བཙུན་ཤེས་ལྡན་མི་སྣའི་གསོ་སྐྱོང་ཐད་ཀྱི་བསམ་འཆར་བཅས་ཀྱི་སྐོར་ནས་འཆད་ཁྲིད་བྱས་པ་མ་ཟད། སློབ་ཁྲིད་ནང་དོན་སྐོར་ནས་བགྲོ་གླེང་བྱས་པ་དང་། དེ་མིན་ཁུལ་ལས་རིགས་ལག་རྩལ་སློབ་གྲྭའི་སློབ་སྒྲུབ་གནས་ཚུལ་ལ་ལྟ་སྦྱོང་བྱས་པ་རེད།
      ཐེངས་འདིའི་གསོ་སྦྱོང་བརྒྱུད་དེ། གསོ་སྦྱོང་ལ་ཞུགས་པའི་དཔེ་ཁྲིད་དགེ་རྒན་རྣམས་ཀྱིས་ཆོས་ཀྱི་སྙིང་བོ་དང་རིག་གནས་ཤེས་བྱའི་སློབ་སྦྱོང་འདུ་ཤེས་ཇེ་དྲག་ཏུ་བཏང་ནས།ཏང་དང་ཆོས་ལུགས་ལས་རིགས་ཀྱི་རྒྱལ་གཅེས་འཐབ་ཕྱོགས་གཅིག་གྱུར་རྒྱུན་ཆད་མེད་པར་སྲ་བརྟན་དུ་ཕྱིན་པ། ཆོས་ལུགས་ལས་དོན་གྱི་ཁྲིམས་སྐྱོང་ཅན་འཛུགས་སྐྲུན་བྱེད་པ། དགོན་སྡེའི་བཅའ་ཡིག་སྒྲིག་བཟོ་དང་ལག་བསྟར་བྱེད་པར་རྨང་གཞི་ལེགས་པོ་བཏིངས་པ་རེད།

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...