སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
བཀྲ་ཤིས་ལྷུན་པོ་དགོན་དུ“ གཟིགས་མོ་ཆེན་པོའི”ལྷ་འཆམ་དུས་ཆེན་སྤེལ།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2017-9-28 11:17:00 རྩོམ་ཁུངས། ཀྲུང་གོའི་བོད་ལྗོངས་དྲ་བ། ཀློག་གྲངས།


བཀྲ་ཤིས་ལྷུན་པོ་དགོན་དུ“ གཟིགས་མོ་ཆེན་པོའི”ལྷ་འཆམ་དུས་ཆེན་སྤེལ།


བཀྲ་ཤིས་ལྷུན་པོ་དགོན་དུ“ གཟིགས་མོ་ཆེན་པོའི”ལྷ་འཆམ་དུས་ཆེན་སྤེལ།


བཀྲ་ཤིས་ལྷུན་པོ་དགོན་དུ“ གཟིགས་མོ་ཆེན་པོའི”ལྷ་འཆམ་དུས་ཆེན་སྤེལ།

     ཟླ་9པའི་ཚེས་22ཏེ་བོད་ལུགས་ཀྱི་ཟླ་བརྒྱད་པའི་ཚེས་གཉིས་ཀྱི་ཉིན། པཎ་ཆེན་སྐུ་ཕྲེང་རིམ་བྱོན་གྱི་གདན་ས་བཀྲས་ལྷུན་དགོན་དུ་སྲོལ་རྒྱུན་གྱི་“གཟིགས་མོ་ཆེན་པོའི”ལྷ་འཆམ་དུས་ཆེན་སྤེལ་ཞིང་། སྒོ་རའི་ཕྱི་ནང་ཀུན་ཏུ་དུང་སྐད་དང་ཆོས་སྐད། རྔ་སྒྲ་སོགས་ལྷང་ལྷང་དུ་གྲགས་ཏེ་ལྷ་འཆམ་གྱི་འཁྲབ་སྟོན་དངོས་སུ་མགོ་ཚུགས།
     ཐོག་མར་ཡོང་བ་ནི་ལྐོག་གྱུར་དང་རྔམ་བརྗིད་ལྡན་པའི་ཞལ་འབག་གྱོན་པའི་ལྷ་ཡིན་པ་དང་། དེ་ནས་རྐང་ལག་ཕྲ་ཞིང་རིང་བོ་ཡོད་པའི་འདྲེ་བཞི་ཡོང་བ་ཡིན། ཁོ་ཚོས་རྔ་སྒྲའི་འགྱུར་ཁུགས་དང་བསྟུན་ནས་ལག་ཏུ་མཚོན་ཆའམ་མཆོད་ཆས་བཟུང་སྟེ་ལུས་པོ་འཁོར་བཞིན་གདོན་བགེགས་ཀྱི་བྲོ་འཁྲབ་ཅིང་། གོམ་སྟབས་བརྟན་ཞིང་ཉམས་འགྱུར་ཕུན་སུམ་ཚོགས་པོ་ལྡན།
     ཉིན་གསུམ་རིང་གི་ལྷ་འཆམ་དུས་ཆེན་གྱི་དམིགས་ཡུལ་ནི་གནོད་ཟློག་གེགས་སེལ་དང་རྒྱལ་དམངས་བདེ་སྐྱིད། ཆར་ཆུ་དུས་སུ་འབབ་པའི་སྨོན་ལམ་འདེབས་པ་ཡིན།
     “གཟིགས་མོ་ཆེན་པོའི”ལྷ་འཆམ་དུས་ཆེན་ནི་པཎ་ཆེན་སྐུ་ཕྲེང་བདུན་པ་བསྟན་པའི་ཉི་མས་དར་སྤེལ་བཏང་བ་ནས་བཟུང་ད་ལྟའི་བར་དུ་ལོ་ངོ་200ལྷག་གི་ལོ་རྒྱུས་ཡོད། ལོ་རེའི་ལྷ་འཆམ་དུས་ཆེན་གྱི་སྐབས་སུ་བཀྲས་ལྷུན་དགོན་གྱི་གྲྭ་པ་རྣམས་ཀྱིས་རྡོ་རྗེ་དང་། ཐོད་སྐམ། ཤ་བ་གླང་མགོ་དང་། དགེ་སློང་། བྱ་རོག་དང་འུག་པ། ཚེ་རིང་རྣམ་དྲུག་སོགས་རིགས་མི་མཐུན་པ་བཅུ་ལྷག་གི་འཆམ་རྩེ་བ་ཡིན།
     བཀྲས་ལྷུན་དགོན་གྱི་བོད་ཡིག་གི་ནང་དོན་ནི་“བཀྲ་ཤིས་རི་རབ་”ཅེས་པའི་དོན་ཡིན་ཞིང་། དེ་ནི་བོད་ལྗོངས་གཞིས་རྩེ་གྲོང་ཁྱེར་གྱི་ཉི་མ་རི་བོའི་འདབས་སུ་ཆགས་ཡོད། པཎ་ཆེན་སྐུ་ཕྲེང་བཞི་པའི་རྗེས་ནས་བཟུང་པཎ་ཆེན་ཨེར་ཏེ་ནི་སྐུ་ཕྲེང་རིམ་བྱོན་གྱི་གདན་སར་གྱུར། པར་རིས་འདི་ནི་ལྷ་འཆམ་ལ་གཟིགས་པར་ཡོང་བའི་སེར་སྐྱའི་ལྟད་མོ་བ་ཡིན།


འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...