སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
བོད་ཡུལ་གྱི་མི་འགྱུར་བའི་གཟེར་བཅུ་གཉིས།
རྩོམ་པ་པོ། མི་གསལ། རྩོམ་སྒྲིག་པ། Lhamo དུས་ཚོད། 2018-9-27 9:58:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།
     བོད་ཡུལ་སྲིན་མོ་གན་རྐྱལ་དུ་འགྱེལ་བ་ལྟ་བུའི་སྙིང་ཀར་ར་ས་འཕྲུལ་སྣང༌། ཡན་ལག་དང་ཉིང་ལག་གནོན་པར་བྱེད་པ་ལ་མི་འགྱུར་བའི་གཟེར་བཅུ་གཉིས་བཏབ་སྟེ། 1.དཔུང་པ་གཡས་པའི་སྟེང་དུ་དབུ་རུ་ན་ཀ་ཚལ་གཙུག་ལག་ཁང༌། དེའི་འོག་ཏུ་གསེར་ཤ་གྷིརྟི་ལྷ་ཁང་བཏབ། 2.སྲིན་མོའི་དཔུང་པ་གཡོན་དུ་གཡོ་རུ་ཁྲ་འབྲུག་བཀྲ་ཤིས་བྱམས་པ་མི་འགྱུར་བའི་གཙུག་ལག་ཁང༌། དེའི་འོག་ཏུ་བཙན་ཐང་ལྷ་ཁང༌། 3.དཔྱི་གཡས་སུ་གཡས་རུ་གཙང་འཕྲང་གཙུག་ལག་ཁང༌། དེའི་འོག་ཏུ་དགེ་དྲུང་གི་ལྷ་ཁང༌། 4.དཔྱི་གཡོན་དུ་ཁྲོམ་གྱི་རྒྱང་ཞུ་རུ་ལག་གྲུམ་པ་རྒྱང་དྲི་མེད་རྣམ་དག་གི་གཙུག་ལག་ཁང༌། དེའི་འོག་ཏུ་འབྲེའི་ལྷ་ཁང་སྟེ་རུ་གནོན་བཞིའོ། ། 5.གྲུ་མོ་གཡས་ཤར་སྟག་སྐྱ་བོའི་མགོར་ཀོང་པོ་བུ་ཆུ་མཐར་ལེགས་ལྷ་ཁང༌། 6.གྲུ་མོ་གཡོན་ལྷོ་འབྲུག་གི་ཟེ་བའི་སྟེང་དུ་ལྷོ་བྲག་མཁོ་མཐིང་ལྷ་ཁང༌། 7.པུས་མོ་གཡོན་ནུབ་བྱང་དམར་མོའི་སྒལ་སྟེང་དུ་མོན་བུ་དགེ་གནས་ཀྱི་གཙུག་ལག་ཁང༌། 8.པུས་མོ་གཡས་བྱང་རུས་སྦལ་གྱི་སྟེང་དུ་པྲ་དུམ་རྩེའི་གཙུག་ལག་ཁང་སྟེ་ཡང་འདུལ་བཞིའོ། ། 9.ལག་མཐིལ་གཡོན་དུ་ཤར་མདོ་ཁམས་ཀློང་ཐང་སྒྲོལ་མ། 10.ལག་མཐིལ་གཡས་སུ་ལྷོར་བུམ་ཐང་སྐྱེ་ཆུ། 11.རྐང་མཐིལ་གཡས་སུ་ནུབ་དཔེ་ལ་ཁ་ཆེའི་ཡུལ་དུ་ཚལ་རིགས་ཤེས་རབ་སྒྲོལ་མའི་ལྷ་ཁང་ཞེས་མང་ཡུལ་མ་བྱས་སྤྲིན། 12.རྐང་མཐིལ་གཡོན་དུ་བྱང་ཕྱོགས་ཚངས་པ་རླུང་གནོན་གྱི་ལྷ་ཁང་ཞེས་སྤ་གྲོ་སྐྱེ་ཆུའི་ལྷ་ཁང་སྟེ་མཐའ་འདུལ་གྱི་ལྷ་ཁང་བཞིའོ། །གཞན་ཡང་ཤར་དུ་ཀ་ཆུ་གླིང་ཆུ་གཉིས། ཉི་ཟླ་གཟའ་སྐར་གཏན་ལ་འབེབས་ཕྱིར་བཞེངས། ལྷོ་རུ་སྙལ་སྣང་གྲོ་ལྷ་ཁང༌། གླིང་ཐང་གཉིས་མེད་ལྷའི་ཁ་གནོན་དུ་བཞེངས། ནུབ་ཏུ་གུ་ལང་ཤིང་ཀུན་གཉིས་ཆུའི་ཁ་གནོན་དུ་བཞེངས། བྱང་དུ་དགེ་དང་དཔལ་རི་གཉིས་རླུང་གི་ཁ་གནོན་དུ་བཞེངས་སོ། །གཞན་ཡང་ས་གནོན་འདི་རྣམསབཞེངས་སོ། །མང་ཡུལ་བྱམས་སྤྲིན་ལྷ་ཁང༌། རྒྱང་རོར་པ་ཆད་ལྷ་ཁང༌། སྤུ་བོར་འདོང་ཆུ་ལྷ་ཁང༌། སྟོད་ལུང་སྣང་རྩེའི(འདི་ལ་སྐྱོ་འདུན་རྩེ་ཟེར་བ་འདྲ)སྐྱོའི་ལྷ་ཁང(བློན་པོ་མགར་གྱི་ལྷ་ཁང)འཕན་ཡུལ་བྱེ་རེའི་གཙུག་ལག་ཁང༌། ཁྱད་པར་ར་ས་འཕྲུལ་སྣང་བལ་བཟས་བཞེངས། རྒྱ་སྟག་ར་མོ་ཆེ་རྒྱ་མོས་བཞེངས། དེའི་བར་ལ་མཐའ་འདུལ་ཡང་འདུལ་ལ་སོགས་སྤྲུལ་པའི་རྒྱལ་པོས་དེ་ཡང་ཀུན་གྱི་སྔོན་དུ་ཁྲ་འབྲུག་བཞེངས་སོ། །དེ་ལྟར་སྤྲུལ་པའི་རྒྱལ་པོ་འདིས་སྐུ་ལུས་ཀྱི་སྤྲུལ་པ་ལྔ་སྟོང་འགྱེད་ནས་མཐའ་འདུལ་དང་རྒྱལ་པོས་དགུང་ལོ་བཅུ་གསུམ་བཞེས་ནས་མདོ་ཁམས་སུ་ཡོངས་རྫོགས་རབ་སྒང་གི་ལྷ་ཁང་བཞེངས་པ་ལ་སོགས་མཐའ་འདུལ་གྱིས་གཙུག་ལག་ཁང་སྟོང་རྩ་གཉིས་བཞེངས་པའོ། །ཆོས་རྒྱལ་ཁྲི་སྲོང་ལྡེའུ་བཙན་གྱི་དབུ་རྩེ་རིམ་གསུམ་རི་རབ་ཀྱི་ཚུལ་དུ་བཞེངས་ཏེ་འོག་ཁང་བོད་ལུགས་འདག་པའི་འདེར་སོ། །བར་ཁང་རྒྱ་ནག་ལུགས་ཀོ་བའི་ལྷ། སྟེང་ཁང་རྒྱ་གར་ལུགས་ཤོག་འདག་དང་རས་འདག་གི་ལྷའོ། །

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...