སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
མཚོ་ལྷོ་ཁུལ་གྱིས་ཁུལ་ཡོངས་ཀྱི་དགོན་སྡེའི་གྲྭ་བཙུན་གསོ་སྦྱོང་བྱ་བར་སྔར་ལས་ཤུགས་སྣོན་རྒྱུ་ཡིན་པ།
རྩོམ་པ་པོ། ཚེ་རིང་འབུམ། རྩོམ་སྒྲིག་པ། Michung དུས་ཚོད། 2017-2-13 8:41:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།

མཚོ་ལྷོ་ཁུལ་གྱིས་ཁུལ་ཡོངས་ཀྱི་དགོན་སྡེའི་གྲྭ་བཙུན་གསོ་སྦྱོང་བྱ་བར་སྔར་ལས་ཤུགས་སྣོན་རྒྱུ་ཡིན་པ།
     གསར་འགོད་པས་རྒྱུས་ལོན་པ་ལྟར་ན།  མཚོ་ལྷོ་ཁུལ་བོད་བརྒྱུད་ནང་བསྟན་གྲྭ་བཙུན་གསོ་སྦྱོང་ལྟེ་གནས་ནི་ཁུལ་ཡོངས་ཀྱི་བོད་བརྒྱུད་ནང་བསྟན་གྲྭ་བཙུན་གསོ་སྦྱོང་རྟེན་གཞི་ཡིན་པ་མ་ཟད། ཁུལ་མི་རིགས་མཐུན་སྒྲིལ་ཡར་ཐོན་སྔོན་ཐོན་ཁུལ་འཛུགས་སྐྲུན་གྱི་སློབ་གསོའི་གསོ་སྦྱོང་རྟེན་གཞིའང་ཡིན། གོང་རིམ་འགོ་ཁྲིད་དང་འབྲེལ་ཡོད་སྡེ་ཁག་གིས་ཐུགས་ཁུར་དང་རྒྱབ་སྐྱོར་འོག གསོ་སྦྱོང་ལྟེ་གནས་འདིས་གསོ་སྦྱོང་བྱ་བར་ཁྱད་ཆོས་དམ་འཛིན་དང་། དཔེ་སྟོན་གསར་སྒྲུབ། ཕན་འབྲས་ལེགས་པོ་འབྱུང་བར་དམིགས་ཏེ་དགོན་སྡེའི་གྲྭ་བཙུན་རྣམས་ལ་གསོ་སྦྱོང་གི་འདོད་བློ་སྐོང་བར་ནུས་པ་གང་ལེགས་བཏོན།

གསོ་སྦྱོང་ལ་ཞུགས་པའི་བླ་གྲྭའི་ཚོགས།
     མཚོ་ལྷོ་ཁུལ་གྱིས་ཞིང་ཆེན་ཡོངས་སུ་བོད་བརྒྱུད་ནང་བསྟན་གྲྭ་བཙུན་གསོ་སྦྱོང་ལྟེ་གནས་ཐོག་མར་འཛུགས་སྐྲུན་ལེགས་འགྲུབ་བྱུང་བ་དང་།2015ལོའི་ཟླ11པར་གསོ་སྦྱོང་སྒྲུབ་མགོ་བརྩམས་པ་ནས་བཟུང་།སྔ་རྗེས་སུ་བོད་བརྒྱུད་ནང་བསྟན་དགོན་པའི་དཔེ་ཁྲིད་དགེ་རྒན་གྱི་གསོ་སྦྱོང་དང་།དགོན་པའི་དོ་དམ་པའི་ཁོངས་མིའི་གསོ་སྦྱོང་། དགོན་བདག་བླ་མ། དགོན་སྡེའི་རྩིས་གཉེར་བའི་གསོ་སྦྱོང་། དགོན་སྡེའི་དོ་དམ་ལས་བྱེད་གསོ་སྦྱོང་། མཚོ་ལྷོ་ཁུལ་མི་རིགས་མཐུན་སྒྲིལ་ཡར་ཐོན་སྔོན་ཐོན་ཁུལ་འཛུགས་སྐྲུན་བྱ་བའི་རྐང་འཛིན་མི་སྣའི་གསོ་སྦྱོང་དང་ཏང་ཕྱིའི་མི་སྣ། གནད་འཁེལ་དབུལ་སྐྱོར་བཅས་སྤྱི་བསྡོམས་པས་གསོ་སྦྱོང་འཛིན་གྲྭ་ཐེངས32སྤེལ་ཞིང་། སློབ་མ་མི་ཐེངས2539ལྷག་གསོ་སྦྱོང་བྱས།
དེའི་རིང་ལ་མཚོ་སྔོན་ཞིང་ཆེན་ཏང་ཨུའི་འཐབ་སྒྲིལ་པུའུ་དང་། ཞིང་ཆེན་མི་རིགས་ཆོས་ལུགས་ལས་དོན་ཨུ་ལྷན། ཞིང་ཆེན་ནང་བསྟན་མཐུན་ཚོགས། ཁུལ་ཨུ་དང་ཁུལ་སྲིད་གཞུང་། ཁུལ་དམངས་ཆེན། ཁུལ་སྲིད་གྲོས་སོགས་སྡེ་ཁག་གི་འགོ་ཁྲིད་གསོ་སྦྱོང་ལྟེ་གནས་སུ་ཕེབས་ནས་ལྟ་ཞིབ་མཛུབ་སྟོན་བྱས་ཤིང་། གསོ་སྦྱོང་བྱ་བར་རྒྱབ་སྐྱོར་དང་ཐུགས་ཁུར་བླ་མེད་གནང་བ་མ་ཟད། གསོ་སྦྱོང་རིགས་སྣ་ཚོགས་སྤེལ་ནས་ཕན་འབྲས་ལེགས་པོ་བསྐྲུན་པར་གདེང་འཇོག་ཁས་ལེན་བཟང་བོ་ཐོབ་པ་རེད།

གཟིགས་ཞིབ་ཕེབས་པའི་འགོ་ཁྲིད་ལ་གནས་ཚུལ་སྙན་སེང་ཞུ་བཞིན་པ།
     རྗེས་ཕྱོགས་མཚོ་ལྷོ་ཁུལ་བོད་བརྒྱུད་ནང་བསྟན་གྲྭ་བཙུན་གསོ་སྦྱོང་ལྟེ་གནས་ཀྱིས་མུ་མཐུད་དུ་གསོ་སྦྱོང་བྱ་བར་ཤུགས་བསྣན་ནས། བོད་བརྒྱུད་ནང་བསྟན་གྱི་དགོན་སྡེའི་གྲྭ་བཙུན་རྣམས་ཀྱིས་ཆོས་ཀྱི་སྙིང་བོ་དང་རིག་གནས་ཤེས་བྱའི་སློབ་སྦྱོང་འདུ་ཤེས་ཇེ་དྲག་ཏུ་བཏང་ནས། ཏང་དང་ཆོས་ལུགས་ལས་རིགས་ཀྱི་རྒྱལ་གཅེས་འཐབ་ཕྱོགས་གཅིག་གྱུར་བྱ་བ་རྒྱུན་ཆད་མེད་པར་སྲ་བརྟན་དུ་ཕྱིན་པ་དང་། ཆོས་ལུགས་ལས་དོན་གྱི་ཁྲིམས་སྐྱོང་ཅན་འཛུགས་སྐྲུན་བྱེད་པ། ཕྱོགས་ཡོངས་ནས་ཀྲུང་དབྱང་འཐབ་སྒྲིལ་བྱ་བ་དང་། བོད་ཁུལ་བྱ་བ། མི་རིགས་ཆོས་ལུགས་བྱ་བའི་དགོངས་དོན་ལག་བསྟར་ནན་མོ་བྱས་ནས། བོད་བརྒྱུད་ནང་བསྟན་དགོན་པའི་གྲྭ་བཙུན་གྱི་ཕྱོགས་ཡོངས་སྤུས་ཚད་མཐོར་འདེགས་དང་ཞབས་འདེགས་བཟང་པོ་ཞུ་བར་རང་ནུས་ཡོད་རྒུས་འབད་བརྩོན་ལྷུར་ལེན་བྱ་ངེས།

གསོ་སྦྱོང་ལྟེ་གནས་ཀྱི་ཐོག་ཁང་།

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...