སྡེབ་ངོས་རྩོམ་ཡིག་ཀློག་ཐབས།
དཀར་རིལ་མནན་ཏེ་རིགས་དབྱེ་ལ་ལྟ་བ།
རྒྱལ་ཡོངས་བོད་ཀྱི་ཡིག་གཟུགས་བགྲོ་གླེང་ཚོགས་འདུ་སྐབས་དང་པོ་ཟི་ལིང་དུ་བསྡུས་པ།
རྩོམ་པ་པོ། འབྲུག་བྱམས་རྒྱལ། རྩོམ་སྒྲིག་པ། Michung དུས་ཚོད། 2017-4-17 11:32:00 རྩོམ་ཁུངས། མཚོ་སྔོན་པོ་དྲ་བ། ཀློག་གྲངས།
ཚོགས་རའི་ཡུལ་དངོས།
       སྤྱི་ཟླ4ཚེས15ནས16ཉིན་གཉིས་ཀྱི་རིང་ལ། རྒྱལ་ཡོངས་བོད་ཀྱི་ཡིག་གཟུགས་བགྲོ་གླེང་ཚོགས་འདུ་སྐབས་དང་པོ་དེ།  མཚོ་སྔོན་མི་རིགས་སློབ་ཆེན་བོད་རིག་པའི་སློབ་གླིང་དུ་བསྡུས།  ཐེངས་འདིའི་ཚོགས་འདུའི་ནི་མཚོ་སྔོན་མི་རིགས་སློབ་ཆེན་བོད་རིག་པའི་སློབ་གླིང་གིས་གཙོ་སྒྲུབ་དང་། རྒྱལ་ཡོངས་བོད་ཀྱི་ཡིག་གཟུགས་དུས་ཆེན་ཉིན་མོ་གྲ་སྒྲིག་ཚོགས་ཆུང་གིས་རོགས་སྒྲུབ་བྱས་ཏེ་སྤེལ་བ་ཞིག་ཡིན།

ཀྲུང་གོའི་རྩོམ་རིག་མཐུན་ཚོགས་ཀྱི་ཀྲུའུ་ཞི་གཞོན་པ་བསྟན་འཛིན་ལགས་ཀྱིས་གསུངས་བཤད་གནང་བཞིན་པ།
      ཐེངས་འདིའི་ཚོགས་འདུ་ལ་ཀྲུང་གོའི་རྩོམ་རིག་མཐུན་ཚོགས་ཀྱི་ཀྲུའུ་ཞི་གཞོན་པ་བསྟན་འཛིན་ལགས།  རོང་བོ་དགོན་པའི་ཨ་ལག་ཤར་ཚང་། འདན་ཚང་དགེ་འདུན་དབང་ཕྱུག  བོད་ཀྱི་ཡིག་མཁན་གྲགས་ཅན་རྡོ་དགོན་གསང་བདག་རྡོ་རྗེ།  མཚོ་སྔོན་མི་རིགས་སློབ་ཆེན་གྱི་ཏང་ཨུའི་ཧྲུང་ཅི་ཀྲའོ་ཡན་ཝུའུ་དང་སློབ་གཙོ་བསོད་དོན་འགྲུབ། བོད་ཀྱི་གསོ་རིག་ཆེད་མཁས་པ་འཇིགས་མེད་ཕུན་ཚོགས། གངས་ལྗོངས་ཤེས་རིག་ནོར་བུའི་སློབ་གླིང་གི་སློབ་གཙོ་འཇིགས་མེད་རྒྱལ་མཚན་སོགས་འབྲེལ་ཡོད་མགོ་ཁྲིད་དང་།  གཞན་བོད་ལྗོངས་དང་སི་ཁྲོན། ཀན་སུའུ། ཡུན་ནན། མཚོ་སྔོན་བཅས་ནས་ཕེབས་པའི་བོད་ཀྱི་ཡིག་མཁན་མི་སྣ57དང་།  མཚོ་སྔོན་མི་རིགས་སློབ་ཆེན་བོད་རིག་པ་སློབ་གླིང་གི་དགེ་སློབ་ཡོངས།  སྤྱི་ཚོགས་ལས་རིགས་ཁག་གི་བོད་ཀྱི་ཡིག་གཟུགས་ལ་མོས་པ་ཡོད་པའི་མི་སྣ་སོགས་ཞུགས་ཡོད།
      ཐེངས་འདིའི་ཚོགས་འདུ་ལས་རིམ་གསུམ་དུ་བགར་ཡོད་དེ།   ལས་རིམ་དང་པོར་འབྲེལ་ཡོད་མགོ་ཁྲིད་རྣམ་པས་བོད་ཀྱི་ཡིག་གཟུགས་དང་འབྲེལ་བའི་གསུང་བཤད་གནང་བ་དང་།  ལས་རིམ་གཉིས་པར་བོད་ཀྱི་ཡིག་མཁན་རྣམ་པས་མཚོ་སྔོན་མི་རིགས་སློབ་ཆེན་གྱི་རྟེན་རྫས་བཤམས་སྟོན་ཁང་ལ་ཕུལ་བའི་ཡིག་གཟུགས་འགྲེམ་སྟོན་དང་། ཡིག་མཁན་རྣམ་པས་ཡུལ་དངོས་ནས་ཕྱག་བྲིས་གནང་བ།  ལས་རིམ་གསུམ་པར་བོད་ཀྱི་ཡིག་གཟུགས་སྐོར་གྱི་བགྲོ་གླེང་དང་།  རྒྱལ་ཡོངས་བོད་ཀྱི་ཡིག་གཟུགས་དུས་ཆེན་གྱི་མིང་དང་ཉིན་མོ་དེ་ཚོགས་ཐོག་ཏུ་དམངས་གཙོ་ངང་བགྲོ་གླེང་གྲོས་བསྡུར་བྱས་ཏེ།  དུས་ཆེན་གྱི་མིང་ལ༼བོད་ཀྱི་ཡིག་གཟུགས་དུས་ཆེན༽དང་། དུས་ཆེན་གྱི་ཉིན་མོ་ནི༼སྤྱི་ཟླ4ཚེས30ཉིན༽གཏན་འཁེལ་བྱས་པ་རེད།
འབྲེལ་ཡོད་པར་རིས་ཁག

ཡིག་མཁན་གྲགས་ཅན་རྡོ་དགོན་གསང་བདག་རྡོ་རྗེས་གསུངས་བཤད་གནང་བཞིན་པ།

ཡིག་གཟུགས་འགྲེམ་སྟོན།

རྒན་འཇིགས་མེད་ཆོས་དར་གྱིས་ཕྱག་བྲིས་གནང་བཞིན་པ། 

རྒན་བསྟན་འཛིན་གྱིས་ཕྱག་བྲིས་གནང་བཞིན་པ།

ཚོགས་མིའི་མཉམ་པར།

འདི་རུ་དཔྱད་བརྗོད་འཇོག་པའམ་ཡང་ན་དཔྱད་བརྗོད་ལ་གཟིགས་ཆོག
དཔྱད་འཇོག་ཤོག་ངོས་ཕབ་བཞིན་པ།
正在加载评论列表...