གངས་རིའི་སྲས་མོ། ཨ་ཆེན།

རྩོམ་པ་པོ།:ཨ་ཆེན། 2011-12-10
མཚོ་སྔོན་པོ་དྲ་བ།

གངས་རིའི་སྲས་མོ།

                         མཐོ་གཉིས་གསུམ་པ།  ཨ་ཆེན།

                                                 ཁ་བཏགས་སྐར་པོ་ལྟ་བུའི་ལྷག་བསམ་ཟོལ་མེད།
                                                 དྲན་ཤེས་མདའ་མོ་ལས་ལྷག་འཆི་མེད་སྲས་མོ།
                                                 ཉ་གང་གི་བཞིན་དཔལ། ནམ་རྒྱུན་གསལ་ཞིང་དྭངས།
                                                 སྐར་ཆེན་གྱི་འདྲེན་བྱེད། རྟག་ཏུ་འཚེར་ཞིང་འཚེར།
                                                 དུང་ཞེན་གྱི་མྱོས་བུམ། མ་སྨིན་མ་སྨིན་འདྲ།
                                                 རེད་ལགས།   ད་དུང༌།
                                                 བྱུར་དམར་གྱི་སྐག་འཆང༌།  སིལ་སིལ་སིལ།
                                                 དངུལ་དཀར་གྱི་གདུ་བུ། འོད་ལམ་ལམ།
                                                 གསེར་གྱི་མཛུབ་དཀྲིས།  ནོར་བུའི་མེ་ལོང༌།
                                                 ཨ་ལ་ལ་ཡིད་འོང་གི་དྭངས་མ།
                                                 ཨོ་ཧོ་ཧོ་ཡོད་འཕྲོག་གི་གངས་ཕྲུག
                                                 གོམ་པའི་འདེགས་འཇོག   ག་ལེར་ག་ལེར།
                                                 སྣ་གླུ་ཐར་ཐོར།  འགུག་གིན་འགུག་གིན།
                                                 ལུས་ཀྱི་ཆ་བྱེད།   ལྡེམ་གྱིན་ལྡེམ་གྱིན།
                                                 ཨ་ལ་ལ་སྒྱུ་རྩལ་གྱི་ཉིང་བཅུད་ཅན།
                                                 ངོ་མ།  མིའི་བཟོས་སྒེག་ཆས་དེ་མེད་ཀྱང་ཆོག་གི

སྙིང་གསེང་ནས་བྱུང་དེ་རུས་གསེང་ལ་འཐིམ།

                                                 དུངས་བ་རེ་རེའི་རྒྱབ་ན་གསང་བ་རེ།།
                                                 གསང་བ་རེ་ལ་ཆགས་པའི་དགའ་སྐྱོ་ཞིག།
                                                 དགའ་སྐྱོ་འདྲེས་མའི་བར་གྱི་བསླུ་བྲིད་དེ།།
                                                 སྐྱེས་བུ་སོ་སོའི་ལུས་ན་ཁྲག་བཞིན་རྒྱུ།།
                                                 ཐོག་མའི་མཛེས་སྡུག་མཛེས་པའི་དྭངས་མར་འདོད།།
                                                 བར་གྱི་དུངས་བ་དུང་གི་མཆོག་མར་བསམ།།
                                                 ཐ་མའི་དགའ་བདེ་རྫུན་དང་ཕྲ་མར་འདོད།།
                                                 ཐོག་མཐའ་བར་གསུམ་བསླུ་བའི་ཆོ་འཕྲུལ་བསམ།།