དགེ་རྒན་གྱི་དུས་ཆེན་ལ་བསྟོད་པ། གདུགས་དཀར་སྐྱིད།

རྩོམ་པ་པོ།: 2013-11-01

སློབ་གྲྭ། བསང་ཆུ་རྫོང་རྒན་གྱ་སློབ་གྲྭ།
སློབ་རིམ། ལོ་རིམ་བཞི་བ།
རུས་མིང་། གདུགས་དཀར་སྐྱིད།

      ཁྱེད་ནི་འཛམ་གླིང་གོ་ལ་ཧྲིལ་བོ་འདིར་དྲོད་ཁོལ་སྦྱིན་པའི་གསེར་མདོག་གི་ཉི་མ་དང་འདྲ་ལ། ཁོས་བཤད་པའི་ཚིག་རྐང་རེ་རེ་ནི་འཁྲུལ་བ་མེད་པའི་ལེགས་བཤད་ཅིག་དང་འདྲ་བས་ང་ཚོས་ཁོའི་སྐད་ཆ་རེ་རེ་དང་ཚིག་རྐང་རེ་རེ་རྡོ་ལ་རི་མོ་བརྐོས་པ་བཞིན་ཡིད་ལ་དམ་པོར་འཛིན་དགོས། ད་དུང་ཁོ་ཚོ་ནི་བྱམས་བརྩེ་རི་རབ་ལས་ཀྱང་མཐོ་ལ་སྙིང་རྗེ་རྒྱ་མཚོ་ལས་ཀྱང་ཟབ་པའི་བརྩེ་ལྡན་གྱི་ཕ་མ་དང་ཀུན་ནས་མཚུངས་པ་ཡིན།
      ད་དུང་དགེ་རྒན་གྱི་སེམས་ནི་གྲྭ་བའི་སེམས་ལས་ཀྱང་བཟང་ལ་དག་གཙང་གི་སེམས་ཤིག་ཡིན། དགེ་རྒན་གྱི་ཉམས་འགྱུར་ལས་ཀྱང་ང་ཚོས་ཁོས་ང་ཚོར་ཁྱོད་ཀྱིས་དཀའ་སྤྱད་འབད་བརྩོན་གྱིས་སློབ་སྦྱོང་བྱས་ཚེ་ནམ་ཉི་མ་ཞིག་ལ་ཁྱོད་ལ་གླག་ཕྲུག་གི་གཤོག་པ་ཐོགས་པ་བཞིན་གཤོག་པ་ཞིག་ཐོགས་ཁོ་ཐག་ཡིན་ཅེས་ཟེར། དགེ་རྒན་གྱི་དྲིན་ལན་ནི་བསྐལ་བ་སྟོང་ཕྲག་གི་རིང་ལ་འང་འཇལ་མི་ཐུབ་པས་ང་ཚོའི་སློབ་མ་རྣམས་ཀྱིས་དགེ་རྒན་ལ་བརྩི་བཀུར་བྱེད་དགོས་པ་ང་ཚོའི་ཆེས་ཐོག་མའི་ཆ་རྐྱེན་གཙོ་བོ་ཞིག་ཡིན། དགེ་རྒན་གྱིས་ང་ཚོར་ཀ་ཞེས་པའི་ཡི་གེ་འདི་ཁྲིད་མ་ཐག གློ་བུར་དུ་ངའི་སེམས་སུ་བླ་མ་མེད་པའི་གོང་རོལ་ན། སངས་རྒྱས་བྱ་བའི་མིང་ཡང་མེད་ཅེས་པའི་ཚིག་རྐང་འདི་གཉིས་དྲན་བྱུང་ངོ་། ། དགེ་རྒན་ལགས། ཁྱེད་ཀྱི་དྲིན་ལན་ནམ་མཁའ་ལས་ཀྱང་མཐོ་བ་དང་ཁྱེད་ཀྱི་དུས་ཆེན་ནི་དེ་ལས་ཀྱང་གལ་ཆེ་བས་ངས་ཁྱེད་ཀྱི་དུས་ཆེན་ལ་རྟེན་འབྲེལ་ཞུ།
      ཨེ་མ། དགེ་རྒན་གྱི་དྲིན་ལན་ནི་རི་རབ་ལས་ཀྱང་མཐོ་ཞིང་དགེ་རྒན་གྱིས་ང་ཚོར་བཅོལ་བའི་བྱམས་བརྩེ་དང་སྙིང་རྗེ་སོགས་ནི་ཇི་འདྲའི་རླབས་ཆེན་ཞིག་རེད་ཨང་། དགེ་རྒན་གྱི་མཛད་རྗེས་ནི་ཇི་འདྲའི་བརྗོད་དཀའ་བ་ཞིག་རེད་ཨང་། ངས་དེ་རིང་ཆེད་དུ་དགེ་རྒན་གྱི་དུས་ཆེན་ལ་རྟེན་འབྲེལ་ཞུ།

མཛུབ་སྟོན་དགེ་རྒན་ནི་བཀྲ་ཤིས་འཚོ་ཡིན།