ང་ཚོའི་སློབ་ཁང་། རྡོ་རྗེ་ཚེ་རིང་།

རྩོམ་པ་པོ།:རྡོ་རྗེ་ཚེ་རིང་། 2018-09-20
མཚོ་སྔོན་པོ་དྲ་བ།
རུས་མིང་། རྡོ་རྗེ་ཚེ་རིང་།
འཛིན་གྲྭ། བདུན་བཞི་འཛིན་གྲྭ
     ང་རང་ཡངས་ཤིང་གསལ་བའི་སློབ་ཁང་དུ་འགྲོ་ཐེངས་རེར། ངའི་ཡིད་ལ་བརྗོད་ལས་འདས་པའི་དྲོད་སྐྱིད་དང་སྤྲོ་སེམས་ཀྱིས་ཁེངས་འོང་།
     སློབ་ཁང་དུ་འཛུལ་མ་ཐག ཐོག་མར་མིག་ལམ་དུ་འཆར་འོང་བ་ནི་གྲལ་ཤར་གསུམ་ཡོད་པ་དེ་ཡིན་ཞིང་། དེའི་གསེར་མདོག་ལྡན་པའི་ཅོག་ཙེའི་ངོས་སུ་འོད་ཆེམ་ཆེམ་བྱེད་པ་དང་། ཨར་འདམ་བླུགས་པའི་ཐང་ཕྱགས་ནས་གཙང་མར་བྱས་འདུག དཔེ་ཁུག་རྒྱབ་ནས་ཕོག་སྟེ་རྐུབ་སྟེགས་སྟེང་ནས་ཙོག་པ་ན། མདུན་ཕྱོགས་སུ་ནག་ཅིང་འོད་འཁྱུག་པའི་སྒོ་སམ་མིག་ལམ་དུ་འཆར་འོང་། དེ་ནི་མུ་མཐའ་མེད་པའི་རྒྱ་མཚོ་ཆེན་པོ་ཞིག་དང་འདྲ་བར་ཤེས་བྱའི་ཟེགས་མ་མཁའ་ལ་འཕྱོ་བ་དང་། གཏིང་དུ་ཤེས་བྱའི་གཏེར་མཛོད་སྦས་ཏེ་ང་ཚོས་རིན་ཆེན་ནོར་བུ་ལེན་པར་སྒུག་འདུག་པ་དང་འདྲ་ལ། སྒོ་སམ་སྟེང་གི་ཡིག་འབྲུ་རེ་རེ་དང་ཨང་ཀི་རེ་རེའི་ནང་དུ་དགེ་རྒན་གྱི་སེམས་ཤུགས་དང་རྔུལ་ཆུ་སིམ་ཞིང་།ང་ཚོས་རིག་པ་བརྡར་ནས་གསལ་ཞིང་རྣོ་བར་གྱུར་བ་རེད།
     སློབ་ཁང་། ཁྱེད་ནི་ང་ཚོ་འཚར་ལོངས་འབྱུང་བའི་ས་ཞིང་ཡིན་ལ། དགེ་རྒན་ནི་ང་ཚོ་སྐྱེད་སྲིང་བྱེད་པའི་ལྡུམ་རའི་བདག་པོ་ཡིན། ང་ཚོ་ནི་མྱུ་གུ་ཆུང་ཆུང་དང་འདྲ་བར། ཉི་འོད་འོག་ཏུ་ཉིན་རེ་བཞིན་འཚར་ལོངས་བྱུང་སྟེ་མེས་རྒྱལ་གྱི་མ་འོངས་པ་མཚར་སྡུག་སྐྲུན་པའི་སྟ་གོན་བྱེད་བཞིན་ཡོད།