ངོས་དང་པོ > རྩེད་འཇོ། > ལུས་རྩལ། > རྨ་ལྷོ་ཁུལ་གྱི“རྨ་ཀླུང་སྔོན་མོའི་ཡུལ་སྐོར་རྒྱུད”ཀྱི་སྐོར་བྲོ་འགྲན་སྡུར་སྐབས་དང་པོའི་བསལ་འགྲན་སྤེལ་བ།

རྨ་ལྷོ་ཁུལ་གྱི“རྨ་ཀླུང་སྔོན་མོའི་ཡུལ་སྐོར་རྒྱུད”ཀྱི་སྐོར་བྲོ་འགྲན་སྡུར་སྐབས་དང་པོའི་བསལ་འགྲན་སྤེལ་བ།

རྩོམ་པ་པོ།：ཕག་རྡོ། གཡང་འབུམ། ཚེ་རྡོ། ཡོང་ཁུངས།：མཚོ་སྔོན་བོད་ཡིག་ཚགས་པར། དུས་ཚོད།：2026-03-04 08:30:38 ཀློག་གྲངས།：

གནའ་བོའི་ཤེས་རིག་གི་ཕ་སར་དཔྱིད་དཔལ་གྱི་བསིལ་རླུང་ལྷོད་ཀྱིས་ལྡང་བས་གསེར་ལྗོངས་ཡུལ་ལ་དགའ་བདེའི་དཔལ་གྱིས་ཁྱབ། ཟླ3པའི་ཚེས2ཉིན་གྱི་ཕྱི་དྲོར། རྨ་ལྷོ་བོད་རིགས་རང་སྐྱོང་ཁུལ་གྱི་གྲོང་ཁྱེར་གཅིག་དང་རྫོང་གསུམ་གྱི་སྐོར་བྲོ་རུ་ཁག་རྣམས་རྨ་ལྷོ་ཁུལ་ལུས་རྩལ་ར་བར་འཛོམས་ནས“རྨ་ཀླུང་སྔོན་མོའི་ཡུལ་སྐོར་རྒྱུད”ལས་རྨ་ལྷོ་ཁུལ་གྱི་སྐོར་བྲོ་འགྲན་སྡུར་སྐབས་དང་པོའི་བསལ་འགྲན་སྤེལ།

ཐེངས་འདིའི་བྱ་འགུལ་ནི་རྨ་ལྷོ་ཁུལ་ཨུ་དང་ཁུལ་མི་དམངས་སྲིད་གཞུང་གིས་གཙོ་སྒྲུབ་དང་། རྨ་ལྷོ་ཁུལ་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུས་དང་གྲོང་ཁྱེར་གཅིག་དང་རྫོང་གསུམ་གྱི་མི་དམངས་སྲིད་གཞུང་གིས་འགན་སྒྲུབ་བྱས་པ་རེད། རྨ་ལྷོ་ཁུལ་གྱི་རིགས་སོ་སོའི་མི་དམངས་རྣམས་ཀྱིས་མཐུན་སྒྲིལ་ལག་གདང་གཅིག་ཏུ་སྦྲེལ་ནས་སྐྱེ་ཁམས་འཕེལ་རྒྱས་ཀྱི་དགོངས་པ་གླུ་རུ་བླངས་ཤིང་། རིག་གནས་ཡུལ་སྐོར་མཉམ་འདྲེས་འཕེལ་རྒྱས་ཀྱི་དགའ་བ་བྲོ་རུ་འཁྲབ་ནས། རིགས་སོ་སོའི་མི་དམངས་རྣམས་ཀྱི་མཐུན་སྒྲིལ་མདུན་སྐྱོད་དང་འཕེལ་རྒྱས་ཡར་བརྩོན་གྱི་ཉམས་བཟང་མངོན་ཡོད།

རྨ་ལྷོ་ནི་རྨ་ཀླུང་སྔོན་མོའི་ཡུལ་སྐོར་རྒྱུད་ཀྱི་སྐྱེ་ཁམས་དག་ཞིང་དང་རྒྱལ་ཁབ་རིམ་པའི་རེབ་གོང་རིག་གནས་སྐྱེ་ཁམས་སྲུང་སྐྱོང་ས་ཁུལ་རེད། འདི་ནི་མི་རིགས་ཉེར་གསུམ་འགྲོ་འོང་བརྗེ་རེས་མཉམ་འདྲེས་བྱེད་སའི་བདེ་སྐྱིད་ཀྱི་ཁྱིམ་གཞིས་ཡིན་ལ། ལོ་ངོ་སྟོང་གི་ཡབ་མེས་རྣམས་ཀྱི་རིག་གནས་དྲོན་མོ་གནས་འདི་རུ་མི་རབས་ནས་མི་རབས་སུ་སྤེལ། མི་རིགས་མཐུན་སྒྲིལ་གྱི་གླུ་དབྱངས་གནས་འདིར་སྙན་ཞིང་། ཞི་གནས་བདེ་སྐྱིད་ཀྱི་སྐོར་བྲོ་གནས་འདིར་མཛེས། གྲོང་ཁྱེར་གཅིག་དང་རྫོང་གསུམ་ནས་ཐོན་པའི་སྐོར་བྲོ་རུ་ཁག་བཅུ་ཡིས་ཛ་དྲག་གི་འགྲན་སྡུར་བརྒྱུད། དེའི་ཁྲོད་ཀྱི་སྐོར་བྲོ་རུ་ཁག་གསུམ་ཐེངས་འདིའི་རྟིང་རྩོད་འགྲན་སྡུར་དུ་ཚུད་པ་རེད།