གསོ་རིག་རྒྱུད་བཞི་ལས་འཕྲོས་པའི་བདེ་ཐང་གི་ཤེས་བྱ།

       གསོ་རིག་རྒྱུད་བཞི་ལས། དུས་ཚིགས་གཞན་དང་བསྡུར་ན་དཔྱིད་དུས་ལ་ཉི་ཐུན་རིམ་བཞིན་རིང་དུ་འགྲོ་གི་ཡོད་པས་ཚ་བ་ཅུང་ཆེན་པོ་ཡོད། དེར་བརྟེན་ཉི་མ་ཡུན་རིང་པོ་ལྡེ་ན་པགས་ནད་དང་ཁྲག་མཁྲིས་ཀྱི་ནད་གཞི་སློང་སྲིད་པས། བསིལ་གྲིབ་འོག་ཏུ་སྡོད་དགོས་པར་གསུངས།
       གསོ་རིག་རྒྱུད་བཞི་ལས། དཔྱིད་དུས་གནམ་གཤིས་སྐམ་ཤས་ཆེ་ཞིང་མཚན་ཐུང་བས། རླུང་གི་ནད་གཞི་འཕེལ་སླ་པོ་ཡོད། གལ་ཏེ་ཉིན་མོ་གཉིད་ཅུང་ཟད་ཉལ་ན་རླུང་གི་ནད་གཞི་འགོག་ཐུབ། ཁྱད་པར་དུ་ལུས་སྟོབས་ཞན་པའི་མིས་དཔྱིད་དུས་ཉིན་མོ་གཉིད་ཅུང་ཟད་ཉལ་དགོས་པར་གསུངས།
       གསོ་རིག་རྒྱུད་བཞི་ལས། དཔྱིད་དུས་ཕོ་བའི་མེ་དྲོད་ཞན་པས་ཟས་གྲང་མོ་དང་རྗེན་པའི་རིགས་སོགས་མང་པོ་བསྟེན་མི་རུང་བར་གསུངས།
       གསོ་རིག་རྒྱུད་བཞི་ལས། དལ་ཆེ་ཞིང་འགུལ་དྲགས་པ་སོགས་མིན་པར། ལུས་པོ་རྔུལ་ཆུ་ཐོན་ཙམ་གྱི་ལུས་རྩལ་རྩེ་བ་ནི་ཡག་ཤོས་ཡིན་པར་གསུངས།
       གསོ་རིག་རྒྱུད་བཞི་ལས། མ་གོམས་པའི་ཟས་རིགས་བསྟེན་སྐབས་ཐོག་མར་ཉུང་ངུ་ནས་རིམ་བཞིན་ཇེ་མང་དུ་གོམས་འདྲིས་སུ་འཇུག་དགོས་པ་དང་། ཡང་ཡུན་རིང་གོམས་འདྲིས་སུ་གྱུར་བའི་ཟས་རིགས(དཔེར་ན་ཆང་རག་ལྟ་བུ)སྤང་དགོས་ཚེ་རིམ་བཞིན་ཇེ་ཉུང་དུ་གཏོང་དགོས། འཕྲལ་དུ་སྤང་བའམ་བསྟེན་ན་གཟུགས་པོར་དེ་བས་གནོད་པར་གསུངས།