མཐོ་རྒྱུགས་ལ་ཞུགས་མཁན་ཚོས་བཟའ་བཏུང་ལ་ཇི་ལྟར་ཡིད་གཟབ་བྱ་དགོས་སམ།

       མཐོ་རྒྱུགས་སྤྲོད་པའི་དུས་ཚོད་སླེབས་ལ་ཉེ་བས། བཟའ་བཏུང་ཐད་འགན་ལེན་ཇི་ལྟར་བྱེད་དམ། ཟས་ཇི་ལྟར་བསྟེན་ན་ད་གཟོད་རྒྱུགས་སྤྲོད་སློབ་མས་རྒྱུགས་མ་སྤྲད་གོང་དང་རྒྱུགས་སྤྲོད་སྐབས་སུ་ཆེས་བཟང་བའི་རྣམ་པ་རྒྱུན་འཁྱོངས་བྱེད་ཐུབ། ཆེད་མཁས་པས་ཟས་རིགས་བདེ་འཇགས་དང་འཚོ་བཅུད་ཀྱི་ཕྱོགས་ནས་གྲོས་མགོ་གསུམ་བཏོན་འདུག
       ཐོག་མར“ཁ”ལེགས་པར་བསྲུང་དགོས། རྒྱུགས་སྤྲོད་སློབ་མས་རྒྱུགས་ལེན་པའི་སྐབས་སུ་རང་ཁྱིམ་དང་ཡང་ན་སློབ་གྲྭའི་ཟ་ཁང་ནས་ཟ་མ་ཟ་དགོས། གཉིས་པ་ནི་འཚོ་བཅུད་འདང་ངེས་ཤིག་རྒྱུན་འཁྱོངས་བྱ་དགོས། རྒྱུགས་སྤྲོད་སློབ་མའི་ལུས་ཤུགས་དང་ཀླད་པའི་ཟད་གྲོན་ཧ་ཅང་ཆེ་བས། ཉིན་རེར་ངེས་པར་དུ་གཙོ་ཟས་འདང་ངེས་ཤིག་ཁག་ཐེག་བྱས་ཏེ། ཀླད་པར་ནུས་ཚད་འདང་ངེས་ཤིག་མཁོ་སྤྲོད་བྱེད་དགོས། གཙོ་ཟས་ཟ་སྐབས། ད་དུང་རྩིང་ཞིབ་ཀྱི་སྡེབ་སྒྲིག་ལ་ཡིད་གཟབ་བྱ་དགོས་ཏེ། ཚང་མ་འབྲས་དང་བྱེ་ཐུག་ལྟ་བུའི་གཙོ་ཟས་ཡིན་ན། ཁྲག་མངར་གྱི་འཕར་ཆག་ཅུང་ཆེ་ཞིང་རྒྱུགས་སྤྲོད་སློབ་མའི་གནས་ཚུལ་ལ་ཤུགས་རྐྱེན་ཐེབས་སྲིད། ཞོར་ཟས་ལ་ཤིང་ཏོག་དང་། ཤུན་མཁྲེགས་ཤིང་འབྲས། ཁྲོག་ལེ་ནག་པོ་བཅས་ཟ་ཆོག་པ་དང་། དགོང་ཟས་ལ་ཞག་ཚི་ཉུང་བ་དང་འཇུ་བདེ་བའི་ཟས་རིགས་ཟོས་ན་རྒྱུགས་སྤྲོད་སློབ་མས་གཉིད་འདང་ངེས་ཤིག་ཁུག་ཐུབ།
       འདིར་སློབ་གྲྭ་དང་ཁྱིམ་བདག་ལ་བཟའ་བཏུང་འགན་ལེན་བྱེད་སྐབས་ཀྱི་གྲོས་མགོ་ཙམ་བཏོན་པ་ཡིན། ཚང་མར་རྒྱུན་ལྡན་གྱི་བསམ་པ་ཞིག་ཡོད་དགོས་པ་ལས། གློ་བུར་དུ་རྒྱུགས་སྤྲོད་སློབ་མའི་རྒྱུན་ལྡན་གྱི་བཟའ་བཏུང་སྒྲིག་གཞི་ལེགས་སྒྲིག་ཆེན་པོ་བྱེད་མི་རུང་། གལ་སྲིད་ལེགས་སྒྲིག་བྱེད་དགོས་ན་རྒྱུགས་སྤྲོད་སློབ་མའི་རྒྱུན་ལྡན་གྱི་བཟའ་བཏུང་གོམས་གཤིས་ཀྱི་རྨང་གཞིའི་ཐོག་རིམ་བཞིན་ལེགས་སྒྲིག་བྱས་ན། ཕོ་བ་དང་རྒྱུ་མ་མི་བདེ་བའི་གནས་ཚུལ་འབྱུང་བར་སྔོན་འགོག་བྱེད་ཐུབ་པ་ཡིན།