«གྲུབ་ཆེན་ཐང་སྟོང་རྒྱལ་པོའི་མཛད་འཕྲིན་ཞིབ་འཇུག»ཅེས་པའི་དེབ་གསར་འགྲེམས་སྤེལ་ཚོགས་འདུ་ལྷ་ས་རུ་བསྡུས་པ།

       དེབ་འདི་ནི་ལྷ་ས་དགེ་འོས་སློབ་གླིང་གི་འབུམ་རམས་པ་པད་མ་ཚེ་རིང་གིས་ལོ་ངོ་བརྒྱད་རིང་ལ་ཡུལ་དངོས་རྟོག་ཞིབ་དང་རྒྱུ་ཆ་ཁུངས་ཐུབ་འཚོལ་སྡུད་བྱས་ཏེ་བརྩམས་པ་ཡིན། ཐང་སྟོང་རྒྱལ་པོ་ནི་བོད་ཀྱི་ལོ་རྒྱུས་སྟེང་ཆེས་ཤུགས་རྐྱེན་ལྡན་པའི་སྔོན་ཐོན་མི་སྣ་ཞིག་ཡིན་པས། བཟོ་བཀོད་དང་སྒྱུ་རྩལ། གསོ་རིག་སོགས་ལ་བྱང་ཆུབ་ཀྱང་མི་རིགས་ཕན་ཚུན་བར་སྤེལ་རེས་དང་མཉམ་འདྲེས་ལ་ཤུགས་རྐྱེན་ཆེས་ཆེར་ལྡན་པའི་ལོ་རྒྱུས་མི་སྣ་ཞིག་ཡིན།        ཚོགས་ཞུགས་ཆེད་མཁས་པ་ཚོས་མགྲིན་གཅིག་ཏུ་བསྟན་དོན། དེབ་འདི་ལ་མཚོན་ན་རིག་གཞུང་ཞིབ་འཇུག་ལས་བརྒལ་བའི་ཁུངས་ཐུབ་ཀྱི་ཚད་ལྡན་ཡིག་ཆ་དང་ཡུལ་དངོས་རྟོག་ཞིབ་ཟུང་དུ་འབྲེལ་པའི་ཞིབ་འཇུག་གི་ཁ་ཕྱོགས་གསར་བ་དང་རིག་གཞུང་གི་རྨང་གཞི་བརྟན་པོ་ལྡན་པར་རེད།
       ཐེངས་འདིའི་དེབ་གསར་ཁྱབ་བསྒྲགས་བཞུགས་མོལ་ཚོགས་འདུ་བསྡུས་པ་དེ་ནི་བོད་ལྗོངས་ཀྱིས་བོད་རིག་པ་ཞིབ་འཇུག་དང་ས་གནས་སྲོལ་རྒྱུན་རིག་གནས་ལ་གསོན་ཤུགས་རྒྱས་པའི་ལག་ལེན་གལ་ཆེན་ཡིན་པར་མ་ཟད། མ་འོངས་པར་བོད་རང་སྐྱོང་ལྗོངས་ཀྱིས་མུ་མཐུད་སྔར་ལས་མང་བའི་ཆེད་མཁས་མི་སྣ་གསོ་སྐྱོང་བྱས་ཏེ་ཕུལ་བྱུང་རིག་གནས་ཞིབ་འཇུག་ནང་ཞུགས་པར་སྐུལ་སློང་དང་རྒྱབ་སྐྱོར་བྱེད་པ་དང་། རང་ཚུགས་ཐུབ་པ་དང་རྒྱུད་འཛིན་ཐུབ་པའི་རིག་གཞུང་རྩེ་གྲ་མང་དུ་སྤེལ་ཏེ། སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་བ་བསྐྲུན་པའི་ཐད་ལག་རྗེས་དང་སྟོབས་ཤུགས་འབུལ་རྒྱུ་རེད། །