“མཚོ་སྔོན་པོ་དྲ་བ་རྟགས་མའི”སྒྱུར་རྩོམ་འགྲན་བསྡུར་སྐབས་གཉིས་པའི་བྱ་དགའ་ཐོབ་པའི་མིང་ཐོ་ཁྱབ་བསྒྲགས།

རྩོམ་པ་པོ།:མཚོ་ལྷོ་མི་རིཊ་སྐད་ཡིག་ལྟེ་གནས ཡོང་ཁུངས།:མཚོ་སྔོན་པོ་དྲ་བ། དུས་ཚོད།:2025-11-28 10:59:44 ཀློག་གྲངས།:
       མཚོ་ལྷོ་ཁུལ་མི་རིགས་སྐད་ཡིག་བྱ་བའི་ལྟེ་གནས་ཀྱིས་གཙོ་སྒྲུབ་བྱས་པའི“མཚོ་སྔོན་པོ་དྲ་བ”རྟགས་མའི་སྒྱུར་རྩོམ་འགྲན་བསྡུར་སྐབས་གཉིས་པའི་མཇུག་འབྲས་དེ་སྤྱི་ཟླ11པའི་ཚེས28ཉིན་དངོས་སུ་ཁྱབ་བསྒྲགས་བྱས།
       བྱ་འགུལ་འདི་ནི། “ལོ་ཙཱའི་དཔལཀྲུང་ཧྭ་མི་རིགས་ཀྱི་ཐུན་མོང་བསམ་པའི་ཁྱིམ་གཞིས་བསྐྲུན་པ”བརྗོད་གཞི་དང་། མི་རིགས་ལས་དོན་ལ་ཤུགས་སྣོན་དང་ཇེ་ལེགས་ཇེ་རྒྱས་སུ་གཏོང་བའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་ལག་བསྟར་དོན་འཁྱོལ་དང“ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པ”གཙོ་གནད་དུ་བཟུང་སྟེ། ལོ་ཙཱ་སྦྲེལ་ཟམ་དང་སྦྲེལ་ཐག་ཏུ་བྱས་ནས་སྤྱི་ཚོགས་ལས་རིགས་ཁག་གི་ལོ་ཙཱར་དགའ་མོས་ཡོད་མཁན་ཚོར་སྣེ་ཁྲིད་སྒོས། ལོ་ཙཱའི་ཐབས་རྩལ་ལས་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་ཀྱི་རྒྱུན་འཛིན་གསར་གཏོད་དང་རིག་གནས་བརྗེ་རེས་འབྲེལ་འདྲིས་ལ་སྐུལ་འདེད་གཏོང་ཆེད་ཡིན།
       ཟླ༨པའི་ཚེས༧ཉིན་འགྲན་བསྡུར་གྱི་བརྡ་ཐོ་བཀྲམས་པ་ནས་སྤྱི་ཟླ༡༠པའི་ཚེས༣༠ཉིན་བར་བརྩམས་སྒྲུང༡༦དང་ལྷུག་རྩོམ༧༥ སྙན་ངག༣༥བཅས་ཁྱོན་བསྡོམས་འགྲན་ཞུགས་སྒྱུར་རྩོམ་བརྩམས་ཆོས༡༢༧འབྱོར། འགྲན་བསྡུར་གྱི་གོ་རིམ་དང་སྒྲིག་སྲོལ་གཞིར་བཟུང་། ཟླ༡༡པའི་ཚེས༤ཉིན་ནས་ང་ཚོས་སྐུར་འབྱོར་བྱུང་བའི་སྒྱུར་རྩོམ་དག་ལས་སྒྱུར་མཁན་གྱི་མིང་ཡིག་སོགས་ཆ་འཕྲིན་གང་ཡང་མི་གསལ་བར་བྱས་རྗེས་རེ་རེ་བཞིན་དཔྱད་འདེམས་པ་དག་ལ་སྤྲད་དེ་ཚེས༡༤ཉིན་བར་ཐོག་མའི་དཔྱད་འདེམས་གནང་བ་དང་། ཚེས༡༦ནས་ཚེས༢༡བར་བསྐྱར་འདེམས་གནང་། ཚེས༢༢ཉིན་མཐའ་བཤེར་ཚོགས་འདུ་ཟི་ལིང་གྲོང་ཁྱེར་དུ་འཚོགས་ཤིང་། དཔྱད་འདེམས་པ་ཚོས་ནན་ཏན་གྱིས་བརྩམས་ཆོས་རེ་རེ་བཞིན་དཔྱད་ཞིབ་བྱས་པ་དང་། དཔྱད་འདེམས་ཀྱི་གོ་རིམ་ཁྲོད་དྲང་གཞག་གི་རྩ་དོན་གཙིགས་སུ་བཟུང་ཞིང་། “མཐུན་བདེ་སྙན”གསུམ་གྱི་ལོ་ཙཱའི་རྩ་དོན་གཞིར་བཟུང་སྟེ། འགྱུར་ཡིག་གི་སྐད་ཆའི་ཚད་ལྡན་རང་བཞིན་དང་མ་ཡིག་ལས་མངོན་པའི་རིག་གནས་རྒྱབ་ལྗོངས་སྔོག་འདོན། རྩོམ་ཉམས་བསྐྱར་མཚོན། རིག་གནས་འཕྲོད་མཐུན་རང་བཞིན་སོགས་ཕྱིར་མངོན་ཡོད་མེད་གཙིགས་སུ་བཟུང་ནས་མཐར་བརྩམས་ཆོས་བཅུ་བདུན་ཐེངས་འདིའི་འགྲན་བསྡུར་དུ་བདམས་ཐོན་བྱུང།
       ཐེངས་འདིའ་འགྲན་བསྡུར་གྱི་དཔྱད་འདེམས་པ་དག་ནི། མཚོ་སྔོན་དགེ་ཐོན་སློབ་ཆེན་མི་རིགས་དགེ་འོས་སློབ་གླིང་གི་དགེ་རྒན་ཆེན་མོ། འབུམ་རམས་པའི་མཛུབ་སྟོན་དགེ་རྒན་རྒྱ་ཡེ་བཀྲ་བྷོ་ལགས་ཀྱིས་དཔྱད་འདེམས་ཚོ་ཆུང་གི་ཚོགས་གཙོའི་འགན་བཞེས་ཤིང་བསྐྱར་འདེམས་དང་མཐའ་བཤེར་ཚོགས་འདུར་མཉམ་ཞུགས་གནང་། མཚོ་སྔོན་མི་རིགས་དཔེ་སྐྲུན་ཁང་གི་ཧྲེ་ཀྲང་གཞོན་པ། རྩོམ་པ་པོ་ཨ་སྨྱོན་བཀྲ་ཤིས་དོན་གྲུབ་ལགས་དང་མཚོ་སྔོན་མི་རིགས་སློབ་ཆེན་གྱི་དགེ་རྒན་ཆེན་མོ། རབ་འབྱམས་ཞིབ་འཇུག་སློབ་མའི་མཛུབ་སྟོན་དགེ་རྒན་རིན་ཆེན་རྡོ་རྗེ་ལགས། མཚོ་སྔོན་དགེ་ཐོན་སློབ་ཆེན་མི་རིགས་དགེ་འོས་སློབ་གླིང་གི་དགེ་རྒན་ཆེན་མོ། སྙན་ངག་པ་རྨོག་རུ་དོན་གྲུབ་ཚེ་རིང་ལགས་བཅས་ཡིན།
འབྲེལ་ཡོད་འོས་སྦྱོར།
    暂无相关信息roking

འབྲེལ་གཏུག་ཁ་པར།:0974-8512858

འཕྲིན་སྐུར་ཡིག་ཟམ།:amdotibet@163.com

མཚོ་སྔོན་པོའི་ཞོགས་ཟེར།