བོད་ལ་ཡོད་པའི་ཕྱེ་མ་ལེབ་འདི་འདྲ་ཁྱེད་ཀྱིས་མཐོང་མྱོང་ངམ།

       བོད་རང་སྐྱོང་ལྗོངས་དབུ་བརྙེས་ནས་ལོ་ངོ༦༠འཁོར་མཚམས་འདིར། བོད་རང་སྐྱོང་ལྗོངས་སྐྱེ་ཁམས་ཁོར་ཡུག་ཐིང་གིས་ཆེད་དུ་པར་ལེན་སྒྲིག་བཟོ་བྱས་པའི་སྐྱེ་ཁམས་ཀྱི་དངོས་མཚོན་པར་གཞི«ཧི་མ་ལ་ཡའི་མེ་ཏོག་ལྷ་མོ»དངོས་སུ་སྤེལ་འདུག

       པར་གཞི་འདིའི་ནང་བོད་དུ་ཡོད་པའི་ཕྱེ་མ་ལེབ་ཀྱི་རིགས་དང་། ཚེ་སྲོག དེ་བཞིན་འཚོ་བའི་ཁོར་ཡུག་སོགས་པར་དུ་བླངས་ནས། བོད་ཀྱི་སྐྱེ་ཁམས་ཁོར་ཡུག་བཟང་བ་དང་། སྐྱེ་དངོས་སྣ་མང་ཕུན་སུམ་ཚོགས་པ་མངོན་པར་བྱས་ཡོད་ཅིང་། ཏང་གི་ཚོགས་ཆེན་བཅོ་བརྒྱད་པ་འཚོགས་པ་ནས་བཟུང་། བོད་ཀྱི་སྐྱེ་ཁམས་ཁོར་ཡུག་སྲུང་སྐྱོབ་ལ་ལོ་རྒྱུས་རང་བཞིན་གྱི་གྲུབ་འབྲས་ཐོབ་པ་དང་། དེ་བཞིན་སྐྱེ་ཁམས་ཤེས་དཔལ་གྱི་མཐོ་ས་དང་མཛེས་སྡུག་ལྡན་པའི་བོད་ལྗོངས་འཛུགས་སྐྲུན་བྱེད་པའི་ཐད་གཡུར་ཟའི་གྲུབ་འབྲས་ཐོབ་པའང་མཚོན་ཡོད་ལ། འཛམ་གླིང་ལ་བོད་ནི་སྔར་བཞིན་སའི་གོ་ལའི་ཐོག་སྐྱེ་ཁམས་ཁོར་ཡུག་གི་སྤུས་ཚད་ལེགས་ཤོས་ཀྱི་ས་ཆའི་གྲས་ཤིག་ཡིན་པ་ར་སྤྲོད་བྱས་ཡོད།