མཚོ་ལྷོ་ཁུལ་གྱི་སྨན་བཅོས་མི་སྣ་མཚོ་ནུབ་ཏུ་བསྐྱོད།

        ཟླ8པའི་ཚེས23ཉིན། ཁུལ་ཨུ་དང་ཁུལ་སྲིད་གཞུང་གི་གཅིག་གྱུར་བཀོད་སྒྲིག་གཞིར་བཟུང་ནས་ཁུལ་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གིས་མྱུར་དུ་སྨན་བཅོས་མི་སྣ20སྐོང་འཐེན་བྱས་ནས། མཚོ་ནུབ་ཀྱི་རིམས་ནད་སྔོན་འགོག་ཚོད་འཛིན་བྱ་བའི་རུ་ཁག་བཙུགས་ཏེ། ན་གོར་མོ་གྲོང་ཁྱེར་གྱི་ཁོངས་མི་ཡོངས་ལ་ཉིང་སྐྱུར་བརྟག་དཔྱད་བྱ་བ་སྤེལ་རོགས་བྱས་པ་རེད།

        བྱ་བའི་རུ་ཁག་དེ་ཁུལ་རིམ་པའི་སྨན་བཅོས་འཕྲོད་བསྟེན་སྒྲིག་གཞི་དང་རྫོང་ལྔའི་འཕྲོད་བསྟེན་ཁོངས་གཏོགས་ཀྱི་མི་སྣ་ལས་གྲུབ་པ་དང་དེའི་ནང་ཁུལ་སྨན་ཁང་ནས་མི6དང་ཁུལ་བོད་སྨན་ཁང་ནས་མི4།  རྫོང་རེ་རེ་ནས་མི2རེ་བཅས་སྐོང་འཐེན་བྱས་ཤིང་། ཁོང་ཚོ་ན་གོར་མོ་གྲོང་ཁྱེར་དུ་འབྱོར་རྗེས་ན་གོར་མོ་གྲོང་ཁྱེར་གྱི་སྨན་བཅོས་མི་སྣ་དང་མཉམ་དུ་ཉིང་སྐྱུར་བརྟག་དཔྱད་བྱ་རྒྱུ་རེད། རྒྱུས་ལོན་པ་ལྟར་ན་རོགས་སྐྱོར་རུ་ཁག་དེས་འགོག་སྲུང་དངོས་ཟོག་ཁྱོན་སྒམ90ཁྱེར་ནས་ཚེས23ཉིན་གྱི་དགོང་མོའི་ཆུ་ཚོད19སྟེང་གུང་ཧོ་རྫོང་ནས་ལམ་ལ་ཆས་རྒྱུ་རེད།