བོད་ཀྱི་རྩོམ་རིག་ཞིབ་འཇུག་དེབ་ལྔ་པའི་རྩོམ་བརྡ།

       བོད་ལྗོངས་སློབ་གྲྭ་ཆེན་མོའི་རིག་གཞུང་སློབ་གླིང་བོད་ཀྱི་རྩོམ་རིག་ཚན་ཁག་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རིག་རྩལ་ཐད་ཀྱི་དགོངས་དོན་གལ་ཆེན་རྒྱུན་འཁྱོངས་དང་། སློབ་གསོ་པུའུ་ཡི་རིག་ཚན་རྩེར་སོན་འཛུགས་སྐྲུན་བྱེད་པའི་ཁ་ཕྱོགས་དང་བསྟུན་པ། བོད་ཀྱི་རྩོམ་རིག་གསར་རྩོམ་ལ་སྐུལ་འདེད་དང་རྩོམ་རིག་གཞུང་ལུགས་འཐུས་ཚང་དུ་གཏོང་བ། བོད་ཀྱི་རྩོམ་རིག་ཞིབ་འཇུག་ལ་ཆེད་དུ་དམིགས་པའི་དཔེ་དེབ་ཉུང་བའི་དངོས་དོན་བཅས་ལ་གཞིགས་ཏེ། རིག་གཞུང་གི་བསམ་ཚུལ་སྤེལ་རེས་དང་བགྲོ་གླེང་བྱ་ཡུལ་གྱི་གར་སྟེགས«བོད་ཀྱི་རྩོམ་རིག་ཞིབ་འཇུག»འདོན་ཐེངས་ལྔ་པའི་དཔྱད་རྩོམ་བསྡུ་འཆར་ཡོད་པས། རྒྱ་ཆེའི་བོད་ཀྱི་རྩོམ་རིག་ལ་ཐུགས་བཞེས་ཟབ་ཅིང་། མཁྱེན་རྒྱ་ཡངས་པ་དག་གིས་ཅིས་ནས་ཀྱང་ཕྱག་རྩོམ་སྩོལ་གནང་ཡོད་པ་ཞུ།

རྩོམ་བསྡུའི་ནང་དོན་གྱི་ཐད།
       བོད་ཀྱི་རྩོམ་རིག་གཞུང་ལུགས་ཞིབ་འཇུག རྩོམ་རིག་ལོ་རྒྱུས་ཞིབ་འཇུག རྩོམ་རིག་མཐའ་དཔྱོད། བོད་རྩོམ་ཞིབ་འཇུག་ཐད་ཀྱི་ཐབས་ལམ་གསར་པ། རྩོམ་རིག་བཅར་འདྲི། རྩོམ་རིག་གི་ཆ་འཕྲིན་གསར་པ། རྩོམ་རིག་བརྡ་ཆད་གསལ་འགྲེལ་སོགས་ཡོད་ལ། སྐབས་བབ་ཀྱི་རྩོམ་བསྡུའི་ནང་དོན་ལ་བལྟས་ཏེ་ལེ་ཚན་གསར་པ་བཀོད་སྒྲིག་ཀྱང་བྱེད་འཆར་ཡོད།
ཐུགས་འཇགས་གནང་རྒྱུའི་ཐད།
       རྩོམ་པའི་རྒྱུའི་ཀུན་སློང་དག་པ་དང་། དཔྱད་རྩོམ་གྱི་ལྟ་བ་གསལ་པོ་ཡིན་པ། བརྗོད་དོན་འབུར་དུ་ཐོན་པ། སྒྲུབ་བྱེད་ཁུངས་བཙན་པ། གསར་དཔྱད་ཀྱི་ཁྱད་ཆོས་མངའ་བ། ཁ་བྱང་བོད་རྒྱ་གཉིས་དང་ལྡན་དགོས། གནད་བསྡུས་དང་གནད་ཚིག ལུང་འདྲེན་དཔྱད་ཡིག་སོགས་འགོད་ལུགས«བོད་ལྗོངས་སློབ་ཆེན་རིག་གཞུང་དུས་དེབ»（བོད་ཡིག་པར་མ）དང་གཅིག་མཚུངས་ཡིན་དགོས། དེ་བཞིན་རྩོམ་པ་པོའི་མཚན་དང་། གོ་མིང་། ལས་ཁུངས། ཞིབ་འཇུག་གི་ཁ་ཕྱོགས། ཞལ་པར། ཡིག་ཟམ་བཅས་ཁ་གསལ་འབྲི་དགོས། ཡིག་གཟུགས་ངེས་པར་དུ་ཧི་གཟུགས་དང་། ཡིག་གྲངས་ལྔ་སྟོང་ཡས་མས་ཤིག་ཡིན་དགོས། ཁྱེད་ཉིད་ཀྱི་དཔྱད་རྩོམ་དུས་དེབ་ཐོག་ཏུ་བདམས་ཏེ་པར་དུ་བསྐྲུན་རྗེས་དུས་དེབ་ཚར་གཉིས་དང་རྩོམ་ཡོན་འོས་འཚམས་ཤིག་འབུལ་གྱི་ཡིན།
རྩོམ་བསྡུའི་ཡུན་ཚད་ནི།
       སྤྱི་ལོ2024ཟླ2ཚེས1ནས་ཟླ4པའི་ཚེས1བར་ཡིན།
བསྐུར་ཡུལ་ཡིག་ཟམ། zzwxyjkw@163.com
བསྐུར་ཡུལ། 拉萨市江苏路36号西藏大学文学院藏文学系《藏族文学研究》编辑小组
སྦྲག་སྲིད་ཨང་གྲངས། 850000
འབྲེལ་གཏུག་བྱ་ཡུལ།
དགྲ་འདུལ། 13908995936
བསྟན་འཛིན་ཆོས་གྲགས། 17888011125
དོན་གྲུབ་ཚེ་རིང་། 13518901765
ཤ་བོ་ཚེ་བརྟན། 13549001339