༢༠༢༤ལོའི«གསེར་གྱི་ལྷ་དར»ལོ་སྨད་དེབ་ཀྱི་རྩོམ་བསྡུའི་བརྡ་ཐོ།

       «གསེར་གྱི་ལྷ་དར»ལོ་ཕྱེད་དེབ་ནི་བྲག་དཀར་རྫོང་ཨུ་དང་རྫོང་མི་དམངས་སྲིད་གཞུང་གིས་གཙོ་སྒྲུབ་དང་བྲག་དཀར་རྫོང་མི་རིགས་སྐད་ཡིག་བྱ་བའི་ལྟེ་གནས་ཀྱིས་གཙོ་གཉེར་བྱས་ཤིང་། «གསེར་གྱི་ལྷ་དར»རྩོམ་སྒྲིག་ཁང་གིས་རྩོམ་སྒྲིག་བྱེད་བཞིན་པའི་རྩོམ་རིག་དུས་དེབ་ཅིག་ཡིན་ལ། རང་ས་གནས་ཀྱི་རྩོམ་རིག་དགའ་མོས་ཅན་གསོ་སྐྱོང་དང་བོད་འབྲེལ་ས་ཆ་སོ་སོར་ཁ་ཕྱོགས་ཏེ་བརྩམས་སྒྲུང་ལེགས་གྲས་དང་དཔྱད་རྩོམ། བསྒྱུར་རྩོམ། སྙན་ངག ལྷུག་རྩོམ། གླེང་སྟེགས། གནའ་རྩོམ། སློབ་མའི་སྦྱངས་རྩོམ་བཅས་ཀྱིས་གྲུབ་པའི་སྣ་འཛོམས་རང་བཞིན་གྱི་དེབ་ཅིག་ཡིན། ད་ལོའི(ལོ་སྨད་དེབ)མི་འགྱངས་པར་པར་སྐྲུན་བྱ་འཆར་ཡོད་པས་རྩོམ་མཁན་ལྷན་རྒྱས་ནས་སྔར་བཞིན་ངེད་རྩོམ་སྒྲིག་ཁང་དུ་རྩོམ་ཡིག་བསྐུར་གནང་ཡོང་བར་ཐུགས་འཇགས་འཚལ།
རྩོམ་ཡིག་སྐུར་དུས་མཉམ་འཇོག་དགོས་པ།
       ༡ དུས་དེབ་དང་ཚགས་པར་སོགས་སུ་བཀོད་ཟིན་པའི་བརྩམས་ཆོས་དང་བཤུ་འབྲི་བྱས་པའི་རྩོམ་ཡིག་སོགས་མི་སྐུར་བར་མཁྱེན། ཆབ་སྲིད་དང་འགལ་བའི་ནང་དོན་ཐད་རྩོམ་པ་པོ་རང་ཉིད་ཀྱིས་འགན་ཡོད་ཚད་འཁུར་དགོས།
       ༢ རྩོམ་མཁན་གྱི་དངོས་མིང་དང་ས་གནས། ཁ་པར་ཨང་གྲངས། རྩོམ་ཡིག་གི་ཁ་བྱང་བཅས་བོད་རྒྱ་ཡིག་རིགས་གཉིས་ཀྱི་ལམ་ནས་བྲིས་ཏེ་བསྐུར་གནང་ཞུ།
       ༣ རྩོམ་ཡིག་སྐུར་ཡུལ་ནི་མཚོ་སྔོན་ཞིང་ཆེན་བྲག་དཀར་རྫོང་མི་རིགས་སྐད་ཡིག་བྱ་བའི་ལྟེ་གནས«གསེར་གྱི་ལྷ་དར»རྩོམ་སྒྲིག་ཁང་། ཡིག་ཟམ། xhsjld@163.com
       ༤ རྩོམ་ཡིག་སྐུར་བའི་དུས་ཚོད། ད་ལོའི་ལོ་སྨད་དེབ་ཀྱི་རྩོམ་བསྡུའི་དུས་ཡུན་ནི2024ལོའི་ཟླ9པའི་ཚེས2ཉིན་ནས་ཟླ10པའི་ཚེས1ཉིན་བར་ཡིན།