བསླབ་ཕྱིའི་དཔེ་ཀློག་གིས་སློབ་མའི་རིག་པ་ཇེ་བཟང་དང་སློབ་སྦྱོང་གི་ནུས་པ་ཇེ་ལེགས་སུ་གཏོང་ཐུབ་པས།བསླབ་ཕྱིའི་དཔེ་ཀློག་བྱ་རྒྱུ་ནི་རིགས་ལམ་ཇེ་གསལ་དང་རྩོམ་འབྲིའི་ནུས་པ་གོང་མཐོར་གཏོང་བྱའི་གནད་འགག་ཅིག་ཡིན་ཅིང་།བསྟན་བཅོས་ཚད་ཐུབ་ཀློག་པ་དང་སྐྱེས་ཆེན་དམ་པ་དག་གི་མི་ཚེའི་བཞུད་ལམ་ལ་དཔེ་ངོས་ནས་མཇལ་བ་དེས་སློབ་མའི་བསམ་སྤྱོད་གཉི་ག་དང་རིན་ཐང་ལྟ་བ་སོགས་ལ་ཤུགས་རྐྱེན་ཟབ་མོ་ཐེབས་ནས་སྤྱོད་ལམ་དྲང་ཞིང་གཤིས་རྒྱུད་འཇམ་པ།བསམ་པའི་དཔངས་མཐོ་ཞིང་སྙིང་རུས་ལྡན་པའི་མི་རབས་གསར་པ་སྐྱེད་སྲིང་བྱེད་པར་རམ་འདེགས་ཆེན་པོ་བྱེད་ཐུབ།བསླབ་དེབ་ངོས་ཀྱི་སློབ་ཚན་དག་ལ་མཚོན་ན་ནང་དོན་དང་དུས་ཚོད་ཀྱི་བཀག་རྒྱ་ཐེབས་ཡོད་པས།བསླབ་ཕྱིའི་དཔེ་ཆ་བཀླག་པར་རྨང་གཞི་གདིང་བ་ལས་ཤེས་བྱའི་ངོས་རྒྱ་མི་ཆེ་བའི་ཞན་ཆ་འདུག...

དུས་ཚོད་ནི་བསམ་བློའི་སྐྱེས་སྟོབས་ཀྱི་འཚར་ལོངས་ལ་བཀོལ་རྒྱུ་ངོ་མ་ནི་དཔེ་ཀློག་ལས་གཞན་ཅི།མིའི་རིགས་ཀྱི་བསམ་བློའི་རྒྱུ་ནོར་ཉར་ཚགས་བྱེད་སྟངས་ནི་དཔེ་ཆ་ཡིན་པ་ང་ལ་ཐེ་ཚོམ་ཅི་ཡང་མེད་པས་དྲྭ་རྒྱ་ཇི་འདྲ་ཞིག་ཡིན་ཡང་དཔེ་ཆའི་ཚབ་བྱེད་མི་ཐུབ།དྲྭ་རྒྱ་ལའང་ཁོ་རང་གི་བཟང་ཆ་ཡོད་དེ་ཁྱབ་སྤེལ་རང་བཞིན་གྱི་ཐབས་ལམ་བསྐྲུན་པ་དང་ཆ་འཕྲིན་ཁྲོམ་བསྒྲགས་ཅན།ཆབ་སྲིད་དམངས་གཙོ་ཅན་འོས་སྦྱོར་བྱེད་བཞིན་ཡོད།འོན་ཀྱང་དྲྭ་རྒྱས་མི་རྣམས་ཀྱི་བསམ་པའི་འཚོ་བར་ལྡོག་ཕྱོགས་ཀྱི་ནུས་བ་ཐོན་འདུག་པ་མ་ཟད་དཔེ་ཀློག་ལ་བར་ཆད་བཟོས་ཏེ་བགྲོ་གླེང་གི་རྣམ་པ་ཕྱི་ཚུལ་ཅན་དུ་ཆགས་པར་བྱེད།...

སྔ་རབས་མཁས་པའི་རིམས་སྲུང་ཞལ་གདམས།ཁག་གཉིས་པ།...

བོད་ལུགས་གསོ་བ་རིག་པའི་མཁས་དབང་གོང་མ་རྣམས་ཀྱི་རིམས་སྲུང་ཞལ་གདམས་བདུད་རྩིའི་ཐིགས་པ།ཁག་དང་པོ།...

བྱིས་པར་ཀློག་འདོན་མ་བྱས་གོང་ལ།ཨ་མས་བྱིས་པ་དང་མཉམ་དུ་དཔེ་ཆའི་ནང་དོན་ལ་བལྟ་དགོས།དཔེར་ན་དཔེ་ཆའི་ནང་གི་རི་མོ་དང་།དེ་ནས་གཏམ་རྒྱུད་ནང་གི་ཁ་བརྡ་ཡག་པོ་ལྟ་བུ།དེ་དག་རྙེད་ཚེ་ཀློག་འདོན་བྱེད་དགོས།གཞི་གྲངས་ལྟར་ན།ཀློག་འདོན་ནུས་པ་ནི་སློབ་སྦྱོང་ནུས་པའི་རྨང་གཞི་ཡིན།ཉེ་དུས་ཤིག་ལ་ཨ་མ་ཞིག་གིས་རང་གི་བྱིས་པར་དགེ་རྒན་གྱི་བསྟོད་བསྔགས་ཐོབ་སོང་ཟེར།རྒྱུ་མཚན་ནི་ལོ་རིམ་གསུམ་པའི་བུ་མོའི་རྩོམ་ཡིག་གི་ནུས་པ་ལོ་རིམ་ལྔ་པ་དང་མཉམ།ཡོད་ཚད་ཆུང་དུས་ནས་ཀློག་འདོན་བྱས་པར་རག་ལས་ཟེར།དུས་རབས་ཇི་ལྟར་འགྱུར་རུང་།ང་ཚོས་དཔེ་ཀློག་ལ་ཡིད་ཆེས་བྱེད་དགོས།ལྷག་ཏུ་ཁྱིམ་ཚང་ཕལ་བ་དང་།སློབ་སྦྱོང་གི་རྒྱུ་ཆ་དེ་འདྲ་མོད་པོ་མེད་པ་རྣམས་ཀྱིས།དཔེ་ཀློག་གི་ལམ་ནས་ཤེས་བྱ་མང་པོ་གསོག་ཉར་བྱ་རྒྱུ་ནི་གྲོན་ཆུང་ལ་ཁེ་བཟང་བའི་ལས་ཤིག་ཡིན།ཕ་མའི་མིག་རྒྱང་དང་སེམས་རྒྱས་བྱིས་པའི་སེམས་རྒྱ་ཐག་གཅོད་བྱེད་ཐུབ།...

ཀློག་འདོན་ལ་དུས་ཚོད་ཆེད་དུ་བསྐྱུར་དགོས།དགོང་ཟས་རོལ་རྗེས་ལྟ་བུའང་ཆོག་སྟེ།ཁྱོད་ཀྱི་བརྙན་འཕྲིན་དང་དྲ་སྒོ་བརྒྱབ་རྗེས།ཆེད་དུ་དུས་ཚོད་གཅིག་བཀོལ་ནས་དཔེ་ཀློག་བྱས་ཆོགཁྱོད་ཀྱིས་ཀྱང་ཁྱོད་ཀྱི་ཁྱིམ་མི་དང་མཉམ་དུ་དུས་ཚོད་གཅིག་ལ་དཔེ་ཆར་བལྟ་བ་ལས་ལས་ཀ་གཞན་ཅི་ཡང་མི་བྱེད་པའི་གྲོས་བྱས་ཆོགཉིན་གཅིག་ཆེད་དུ་དཔེ་ཀློག་གི་ཉིན་མོར་གཏན་འཁེལ་བྱེད་པའང་ཐབས་ཤེས་དགའ་ཞིག་ཡིན་ཏེ།ཁྱིམ་མི་ཚང་མའང་ནང་དུ་ཞུགས་པར་སྐུལ་མ་བྱོས་དང་།དོན་སྙིང་ཤིན་ཏུ་ལྡན།དེ་ལས་བྱིས་པར་དཔེ་ཀློག་གི་གོམས་གཤིས་ཆགས་པར་ཕན།བདག་དབང་གསལ་ཁ་འབྱེད་དགོས།བྱིས་པའི་ཁང་པའི་ནང་དུ་ངེས་པར་དུ་དཔེ་སྒྲོམ་ཆུང་ཆུང་ཞིག་གམ་ཅོག་ཙེ་ཞིག་དགོས།དེ་དག་གི་བདག་དབང་བྱིས་པར་སྤྲོད་དགོས།ཡང་ན་བྱིས་པའི་དཔེ་ཆའི་ངོས་སུ་རང་ཉིད་ཀྱི་མིང་འབྲི་རུ་འཇུག་དགོས།བདག་དབང་ཧ་ཅང་གལ་ཆེ།ཕ་མ་ལ་ལས་བྱིས་པར་དཔེ་བྱང་བཟོ་ཚུལ་དང་བཀོལ་སྤྱོད་བྱེད་ཚུལ་འོས་སྦྱོར་བྱེད་པ་ཡིན།...

“བག་ཆགས་ཡག་པོ་ཐོབ་པ”ཞེས་པའི་ཚིག་འདི་ཧ་ཅང་གནད་དུ་ཁེལ་བ་ཞིག་འདུག་ཅིང་།དཔེ་ཆ་བཟང་པོའི་ཤུགས་རྐྱེན་ཐེབས་པ་ནི་ཤོག་བུ་སྣུམ་གྱིས་ཟོས་པ་ལྟ་བུའི་གོ་རིམ་ཞིག་ཡིན་པ་དང་།གོ་རིམ་དེ་ནི་ཤེས་མེད་ཚོར་མེད་དང་ངང་ངམ་ཤུགས་ཀྱི་གོ་རིམ་ཞིག་ཡིན་པས།དཔེ་ཆ་གང་ཞིག་དང་སྐད་ཆ་གང་ཞིག་གིས་ཁྱོད་ལ་ཤུགས་རྐྱེན་ཅི་ཐེབས་པ་སོགས་ངེས་པར་དུ་གསལ་པོར་དབྱེ་བ་ལ་དགོས་པ་མ་མཆིས་ཤིང་།དེ་འདྲ་ཡོང་བའང་མི་སྲིད།།...

བྱིས་པས་ཀློག་འདོན་ལ་མི་དགའ་བའི་རྒྱུ་མཚན་གླེང་དུས་ཞིབ་ཏུ་མཉན་དགོས།བྱིས་པས་དཔེ་ཀློག་བྱེད་མི་འདོད་དུས།ཁྱོད་ཀྱིས་ངེས་པར་དུ་བྱིས་པའི་སྐད་ཆ་བཤད་ཚར་བར་བསྒུག་དགོས།བྱིས་པར་སེམས་གཏམ་བཤད་ས་ཞིག་ཡོད་པའི་གོ་སྐབས་བསྐྲུན་པ་ནི་འབྲེལ་འདྲིས་ཀྱི་འཕེལ་རྒྱས་ཆེན་པོ་ཞིག་སྟེ།བྱིས་པའི་ཁ་བརྡའི་ནང་དུ་བྱིས་པ་དཔེ་ཀློག་ལ་མི་དགའ་བའི་རྒྱུ་མཚན་ངེས་ཅན་ཡོད་དེ།གལ་ཏེ་དེ་བརྗོད་ཚར་ན་ང་ཚོས་ད་གཟོད་གནད་དོན་ཐག་གཅོད་པར་ཐབས་ཤེས་འཐེན་ཆོག...

ཀློག་འདོན་གྱི་དབང་ཆ་བྱིས་པར་སྤྲོད་དགོས།བྱིས་པས་དཔེ་ཆ་གང་འདྲ་ཞིག་ཀློག་འདོད་པ་དང་།གང་ནས་ཀློག་པ།ཀློག་འདོན་བྱེད་རོགས་སུ་ཞིག་དགོས་པ།ཀློག་འདོན་དུས་སུ་ཟ་འདོད་པའི་ཞོར་ཟས་བྱིས་པ་རང་ལ་འདེམས་སུ་འཇུག་དགོས།བྱིས་པས་རང་དབང་ངང་གདམ་གསེས་བྱས་ཆོག་པའི་སྔོན་འགྲོའི་ཆ་རྐྱེན་ནི་ཁྱིམ་ཚང་ནང་དུ་དཔེ་ཆ་མང་པོ་ཡོད་དགོས།དཔེ་ཆ་ལེགས་པོ་མང་དུ་ཡོད་དགོས།བྱིས་པ་མང་པོ་དགའ་བའི་དཔེ་ཆ་དང་བྱིས་པར་འཚམ་པའི་དཔེ་ཆ་མང་དུ་ཡོད་དགོས།...

ང་ཚོས་ཇི་ལྟར་དཔེ་ཆ་ཀློག་དགོས་སམ།མི་ཚང་མ་མི་འདྲ།ངས་སྤྱི་མཚན་དུ་མི་བཤད་པར་བྱེ་བྲག་ཏུ་བཤད་རྒྱུ་ཡིན།ཐོག་མར་དཔེ་ཆ་ཀློག་པ་ནི་ཅི་ཞིག་གི་ཆེད་དུ་ཡིན་པ་གསལ་བོར་ཤེས་དགོས།དམིགས་ཡུལ་མི་འདྲ་བས་དཔེ་ཆ་ཀློག་པའི་ཐབས་ལམ་དང་ཕན་འབྲས་མི་འདྲ་བ་ཐག་གཅོད་བྱས་འདུག...