མགུལ་སྐྱོང(古什群村)སྡེ་བ་ནི་མཚོ་སྔོན་ཞིང་ཆེན་ཞུན་ཧྭ་རྫོང་གི་ཆུ་དཀར་མདོ་ཞང་གི་ནུབ་བྱང་ཕྱོགས་ཀྱི་རྨ་འགྲམ་དུ་ཡོད་ཅིང་།ད་ལྟ་དེ་ནི་ཟ་ལར་རིགས་རྐྱང་རྐྱང་གི་སྡེ་བ་ཞིག་ཡིན།ཤར་དུ་ཆུ་དཀར་མདོའི་མཐུན་སྒྲིལ་སྡེ་བ་དང་ལྷོ་ནི་ཀ་རིང་ཡུལ་དང་འབྲེལ་ཡོད།ནུབ་ཏུ་ཆུ་དཀར་མདོའི་ཟམ་འབིགས་སྡེ་བ་དང་བྱང་ནི་རྨ་ཆུ་དང་འབྲེལ་ཡོད།དུད་ཁྱིམ154དང་མི་གྲངས568འདུགམགུལ་སྐྱོང་སྡེ་བའི་སྔོན་ཆད་ཀྱི་ཆགས་ཡུལ་ནི་ད་ལྟའི་ཤ་བོ་འགག་གི་ཆུ་མཛོད་བསྐྱིལ་ཡོད་སའི་གནས་དེ་ཡིན་ཞིང་།«ཞོན་ཧྭ་ཏིང་གི་ལོ་རྒྱུས»ནང་དུ“ཟ་ལར་གྱི་ཀུང་སོ་སོར་བོད་ཀྱི་གྲོང་སྡེ་ཡོད་པ་དང་།ཁྲ་ཧན་ཏ་སི་རུ་བོད་སྡེ་གཉིས་ཡོད”ཅེས་བྲིས་ཡོད་པ་བཞིན་བོད་སྡེ་གཉིས་ནི་ཤ་བོ་ཆུ་མཛོད་བསྐྱིལ་ཡོད་སའི་ལུང་ཁུག་དེར་ཆགས་ཡོད་པའི་མགུལ་སྐྱོང་སྡེ་བ་དང་ཟམ་འབིགས་ཐང་དུ་བསྡད་མྱོང་བའི་སྟོང་སྐོར་སྡེ་བ་གཉིས་ཡིན།...

གནའ་ནས་ད་ལྟའི་བར་ས་སྒོ་མེ་དང་གནམ་སྒོ་མེ་ཞེས་སྙན་པའི་བ་དན་རིང་མོ་མ་ཉམས་མ་ཡལ་པར་ཡུལ་ཕྱོགས་ཀུན་ན་གཡོ་བཞིན་མཆིས།དེ་ཡང་ཆིང་རྒྱལ་རབས་ཅཱ་ཆིན་དུས་སུ་སྐུ་གཞོགས་ཏིང་ཀྱཱ་སྐུ་ཕྲེང་སྔ་ཤོས་ཤིག་གིས་ཡུལ་ཕྱོགས་འདིར་མངའ་མཛད་གནང་སྐབས་སུ་ས་རྩོད་དང་ཆུ་རྩོད་ཀྱི་ཁ་མཆུ་མེད་པར་བཟོ་ཆེད།སྒོ་མེ་ཚོ་སྒོ་སྟོད་སྨད་བར་གསུམ་ཞེས་ས་མཚམས་དབྱེ་འབྱེད་བྱས་ཏེ།ཁྲི་ཀའི་ལྕང་རའི་ལོ་ཡག་ཏུ་སྒོ་ཆེན་ཞིག་དང་བྲག་དཀར་རྫོང་གི་ཆུ་སྔོན་ཆུ་བོའི་མཚམས་སུ་སྒོ་ཆེན་ཞིག་བཟོ་སྐྲུན་མཛད་དེ་སྒོ་མེ་ས་མཚམས་ལྕང་རའི་ཤིང་སྒོ་ཡན་ཆད་ནས་ཆུ་སྔོན་ཆུ་བོ་མན་ཆད་ཡིན་པ་ཐད་གཅོད་མཛད་ཅེས་སྐད།...

འཁྱམས་རུའི་སྒར་ཆག་གི་རྗེས་ཤུལ་ལ་ངེས་ཤེས་རྙེད་པས།དགའ་བ་དུང་དུང་བ་ཞིག་གི་ཞར་ལ་མེས་པོ་སྔ་མ་རྣམས་ནི་དང་པོ་གཙང་ས་སྐྱ་ནས་མདོ་སྨད་དུ་སླེབས།དེ་ནས་མཚོ་སྔོན་པོ་དང་།དེ་ནས་རོང་བོ་བློན་ཆོས།དེ་ནས་སླར་ཡང་རྨ་ཀླུང་རིང་མོ་བརྒལ་བ་དང་འགོག་རྒོལ་མང་པོ་བརྟོལ་བ་ལ་ཇི་མི་སྙམ་པར་རང་སྲོག་འབེན་ལ་བཙུགས་ནས་མཚོ་སྔོན་པོའི་ཕྱོགས་སུ་སྐྱས་བཏེགས་ཏེ་རང་ཡུལ་སྲུང་འཛིན་གྱི་དོན་ལ་ཤིན་ཏུ་འོ་བརྒྱལ་ལོ་སྙམ་དུ་སེམས།ལ་མོ་བདེ་ཆེན་དགོན་གྱི་ཁྲི་རབས་ཉེར་བཞི་པ་འཁྱམས་རུའི་ཨ་ལགས་ཚུལ་ཁྲིམས་སྙན་གྲགས་ནས་རིམ་གྱིས་བསྐྱངས་འོངས་པའི་འཁྱམས་རུ་དགོན་བཀྲ་ཤིས་དགེ་འཕེལ་གླིང་ཞེས་ཉིན་ལུང་པ་རྣམས་ཀྱི་མཆོད་པའི་ཞིང་དུ་གྱུར་པའི་འདུས་སྡེ་ད་ལྟ་དམ་པའི་མགོན་དང་འཕྲད་པས་འཁོར་ལོ་གསུམ་གྱི་བྱ་བ་ཡར་ལྡན་དུ་འགྲོ་བཞིན་པ་འདིའང་དེ་འདྲའི་དཀའ་བ་བརྒྱ་ཕྲག་སྤྱད་ནས་འོངས་པའི་ཚུལ་ལ་ཡིད་གཡོ་དགོས་པ་བྱུང་།ལྷག་པར་རུ་སྡེ་སྐྱས་བཀལ་བ་དང་ལྷན་དུ་མཆོད་གནས་དགེ་འདུན་གྱི་སྡེ་རྟེན་གསུམ་དང་བཅས་པའང་ཁང་དགོན་ནས་གུར་སྒར་དང་གུར་སྒར་ནས་ཁང་དགོན་སོགས་སུ་འཕོས་ཏེ་རུ་སྡེ་མ་འཐོར་ན་དགོན་སྡེ་མི་འཇིག་པར་ཐ་གུའི་སྐྱ་མ་ཡ་མ་བྲལ་བའི་ཚུལ་དུ་མཉམ་འགྲོ་མཉམ་འདུག་མཉམ་གནས་བྱས་པའི་བྱུང་བ་སྒྲུང་རབས་ཆེན་མོ་ལྟ་བུ་འདི་ནི་རང་རེའི་ཐུན་མོང་མ་ཡིན་པའི་རང་ལུགས་ཤིག་ཏུ་ངེས་ཤེས་རྙེད་ན་གནད་ཀྱི་དོན་ལ་གོ་བ་ཆེན་པོ་ཞིག་སྐྱེས་པ་ཨེ་ཡིན་སྙམ།...

ད་ལྟའི་གདུང་བརྒྱུད་མ་ཆད་པར་བཞུགས་ཡོད།གཉོས་རབས་དང་འབྲེལ་བའི་སྒོ་ནས་ཞིབ་ཆ་གླེང་ན་བརྗོད་ཀྱིས་མི་ལང་བས་ལོགས་སུ་བཤད་པར་བྱ་བ་ཁོ་ན་ཡིན་གཤིས། འདིར་རང་རེའི་ས་མིང་དང་གནའ་ཤུལ་གྱི་མིང་གི་བྱུང་བ་ཇི་བཞིན་མ་ནོར་བར་མི་རབས་རྗེས་མར་བརྒྱུད་སྤྲོད་ཡང་དག་པ་ཡོད་དགོས་པའི་གནད་ཀྱིས་ན།རིག་གནས་ལས་དོན་པ་ཀུན་གྱིས་དོ་སྣང་ཡོང་ཆེད་མཛུབ་མོས་རི་སྟོན་ཙམ་མམ།སྣ་ཐོག་མཛུབ་བཙུགས་ཀྱི་ཉུང་ངུ་ཅིག་གསལ་བཤད་དུ་སྤེལ་བ་ལགས་སོ།།...

དཔྱད་རྩོམ་འདིར་རྒྱ་བོད་ཡིག་ཚང་དུ་མར་ཁུངས་བཅོལ་ནས་རྒྱའི་ཡིག་ཚང་ཏུ་འཁོད་པའི་པའེ་ལང(白狼)དང་།པའེ་ལན(白兰)པིས་ལིས(必里)བཅས་ནི་གནས་ཡུལ་དང་སྒྲ་གདངས་སོགས་ལ་གཞིར་བཟུང་ནས་མདོ་སྨད་ཙོང་ཀའི་ཡུལ་གྱི་ལྡོང་བེ་རི་ཡིན་པར་བསྒྲུབས་ཡོད་ལ།ཕྱིས་སུ་རུས་རྒྱུད་འདི་བོད་ཡུལ་སྟོད་སྨད་བར་གསུམ་ལ་མཆེད་པ་དང་།ལྷག་པར་དུ་དུས་རབས་བཅུ་གཉིས་པའི་སྟོད་ནས་བཟུང་རུས་རྒྱུད་འདིས་མདོ་ཁམས་སྟོད་སྨད་ལ་གྲགས་པའི་བྱས་པ་མང་དུ་བགྱིས་ཤིང་། བླ་མ་ཏི་ཤྲཱི་རས་པ་དང་ས་སྐྱ་པཎྚི་ཏ་ཀུན་དགའ་རྒྱལ་མཚན་གྱི་སྐུ་དུས་སུ་བོད་ཤར་རྒྱུད་ཀྱི་ལྡོང་བེ་རི་ནི་བོད་ཀྱི་ཚབ་མཚོན་ལྟ་བུར་གྱུར་ཡོད་པ་མ་ཟད།སྐབས་དེར་རུས་རྒྱུད་འདི་དང་མི་ཉག།སོག་པོ་བཅས་ཀྱི་བར་ལ་འབྲེལ་འདྲིས་ཟབ་ཅིང་འབྲེལ་བ་བརྟན།དུས་རབས་བཅུ་བཞི་པའི་སྐབས་སུ་ཕྱི་ནང་གི་རྐྱེན་དུ་མའི་དབང་གིས་རྨ་རྫ་སྒང་ནས་བེ་རིའི་རུ་སྡེ་དག་སྟོད་སྨད་གཉིས་སུ་གྱེས་ནས་བེ་རི་སྟོད་པས་གསེར་ལྡན་ཆུ་བོའི་སྟོད་རྒྱུད་དང་ལྷོ་ཟླ་ངང་མའི་ཆུ་རྒྱུད་ཀྱི་ཡུལ་གྲུ་དག་ལ་མངའ་མཛད་ཅིང་ཕྱིས་སུ་བེ་རི་སྟོད་པ་དགེ་རྒྱལ་ཞེས་སྙན་པའི་གྲགས་པ་བར་ཁམས་ཀུན་ལ་ཁྱབ།བེ་རི་སྨད་པས་གཞི་བདག་སྐུ་ལྷ་ངང་ཡག་འདབས་ཀྱི་ཡུལ་ལུང་དག་ལ་མངའ་མཛད་ཅིང་ཕྱིས་སུ་རིམ་གྱིས་སྟོད་དགེ་རྒྱལ་རྫ་དཀར་ནག་སུམ་མདོ་ནས་སྨད་མི་ཉག་གི་བར་ཏེ།བར་ཁམས་སྤྱི་ལ་དབང་བསྒྱུར་ཡང་དུས་རབས་བཅུ་བདུན་པའི་སྐབས་དེར་དགེ་སོག་དམག་གིས་གཏོར་ཕམ་བཏང་ཚུལ་བཅས་ཀྱི་སྐོར་ལ་དཔྱད་པ་བགྱིས་ཡོད་དོ།།...

བདག་གིས་དབུ་ནག་མིའུ་འདྲ་ཆགས་ལས་ཁམས་ཀྱི་ར་རྒྱ་གྲུ་སོ་ཞེས་པ་དེར་བསམ་བློ་ཞིབ་ཏུ་བཏང་བ་ན་ཁམས་ཞེས་པའང་མདོ་ཁམས་ཀྱི་ཁོངས་སུ་གཏོགས་པའི་ད་ལྟའི་མཚོ་སྔོན་ཞིང་ཆེན་མགོ་ལོག་ཁུལ་རྭ་རྒྱ་གྲོང་རྡལ་འདི་ནི་བོད་དབུས་གཙང་གི་ཡུལ་གྲུ་ལས་ཁམས་སམ་མཐར་གཏོགས་པ་དང་།ར་རྒྱ་གྲུ་སོ་ཞེས་པའང་རྗེ་ཀརྨ་བ་རྒྱ་ནག་ཏུ་ཕེབས་སྐབས་ཀྱི་བཞུད་ལམ་ལས་ཀྱང་ར་རྒྱ་གྲུ་སོ་ཞེས་བྱུང་བ་སོགས་གང་ཅིའི་ཐད་བསམ་ཡང་རྭ་རྒྱ་དགའ་ལྡན་བཀྲ་ཤིས་འབྱུང་གནས་ཀྱི་ཡུལ་གྲུ་འདི་ལས་གཞན་པའི་ཡུལ་ཞིག་མེད་པས་མིང་འདི་ནི་ཤིན་ཏུ་གལ་ཆེ་བར་འདོད།འོན་ཀྱང་གནས་སྐབས་མིང་ཚིག་འདི་གཞིར་བཞག་སྟེ་དཔྱད་བརྗོད་ཚད་དང་ལྡན་པ་ཞིག་བྱེད་ལོངས་མ་བྱུང་ཡང་མ་འོངས་པར་ར་རྒྱ་གྲུ་སོ་ལས་འཕྲོས་པའི་རྩོམ་ཡིག་གང་མང་རེ་འབྱུང་བའི་རེ་བ་དང་ཡིད་ཆེས་ཟབ་མོ་ཡོད།...

ས་མིང་གིས་ལོ་རྒྱུས་ཞིབ་འཇུག་བྱེད་པའི་ཁྲོད་དེ་སྔའི་ཡིག་ཚང་ནང་གི་ས་མིང་དག་ད་ལྟའི་ཡུལ་དངོས་ཀྱི་ས་མིང་ལ་ཐོད་གཏུགས་ཐུབ་ཚེ་ལོ་རྒྱུས་ཡིག་རྙིང་ནང་གི་ས་ཆ་དེ་དག་ད་ལྟའི་གནས་ཡུལ་གང་དུ་ཡིན་པར་ཤེས་རྟོགས་བྱ་ནུས་ལ།ལོ་རྒྱུས་ཡིག་ཚང་ནང་གི་ས་མིང་ལ་བརྟེན་ནས་གནའ་བོའི་ཡུལ་ལུང་སོ་སོའི་ཁྱབ་ཁོངས་ཇི་ཙམ་ཡིན་པའང་ཤེས་རྟོགས་བྱེད་ནུས།...

སྔར་བྱ་ཡུལ་ཁྲི་སྐོར་གྱི་ལྟེ་གནས།བྱ་པ་ཁྲི་དཔོན་གྱི་བཞུགས་ས།ཕོ་བྲང་ཡང་རྩེ་ཞེས་པ་དེ་ད་ལྟ་རྩིག་ཤུལ་ཙམ་ལས་མཐོང་རྒྱུ་མེད་མོད།དེ་ཡང་ཡིན་ཏེ།མིའི་རིགས་ཀྱི་སྤྱི་ཚོགས་གོང་དུ་འཕེལ་བའི་བརྒྱུད་རིམ་ནང་ཆད་མེད་དྲག་ཏུ་བཞུར་བའི་སྙིགས་དོར་བཅུད་ལེན་གྱི་ཀླུང་ཆེན་དེ་སུ་ཞིག་གིས་ཟློག་ཐུབ།...