སྤྱིར་གནའ་བོའི་ཡུལ་མིང་ཞང་ཞུང་ཞེས་པ་འདི་དོན་དངོས་སུ་བོད་རྒྱལ་སྲོང་བཙན་སྒམ་པོས་བོད་ཁམས་གཅིག་གྱུར་མ་བྱས་གོང་གི་ད་ལྟའི་སྟོད་མངའ་རིས་ཡུལ་གྱི་མིང་རྙིང་པ་ཡིན་ལ།བོན་གྱི་ཡིག་ཆ་རྣམས་སུ་བོན་གྱི་སྟོན་པ་གཤེན་རབ་མི་བོ་ཆེ་ཟེར་བ་ཞིག་ཞང་ཞུང་འོལ་མོ་ལུང་རིང་ནས་འཁྲུངས་ཏེ་གཡུང་དྲུང་བོན་གྱི་བསྟན་པ་སྤེལ་བར་བཤད་ཅིང་།བོན་གྱི་ཡིག་ཆ་ལྟར་ན་ཞང་ཞུང་ལ་བྱ་རུ་ཅན་གྱི་རྒྱལ་པོ་བཅོ་བརྒྱད་དང་ཡུལ་ལ་སྒོ་ཕུག་བར་གསུམ་ཡོད་ཚུལ་སོགས་བཤད་པས།དེང་སང་ཞང་ཞུང་ཞེས་པ་ཕལ་ཆེར་བོན་ཁའི་ཆེད་སྤྱོད་མིང་བརྡ་ཞིག་ཏུ་གྱུར་དང་འགྱུར་བཞིན་ཡོད་པ་འདི་ནི་ལོགས་པ་ཞིག་དང་།གང་ལྟར་གནའ་བོའི་ཞང་ཞུང་ནི་བོད་བཙན་པོའི་རྒྱལ་རབས་ཀྱི་ཡར་སྔོན་ལ་སྟོད་ཀྱི་རྒྱལ་ཕྲན་ཞིག་ཡིན་ལ།སྲོང་བཙན་སྒམ་པོས་བོད་ཁམས་གཅིག་གྱུར་བྱེད་སྐབས་བོད་བཙན་པོའི་མངའ་རིས་སུ་གྱུར།...

དཔྱད་རྩོམ་འདིའི་ནང་དུ་གཙོ་བོ་གེ་སར་སྐུ་ན་ཕྲ་དུས་མཚོ་ལྷོའི་ཁྲི་ཀ་ནས་བཞུགས་མྱོང་ཟེར་བ་དེ་བདེན་མིན་ཐད་དུ་དོན་ཚན་གསུམ་བགོས་ཏེ་ལུང་དང་རིགས་པས་བསྒྲུབས་པ་སྟེ།གཅིག་ནི་སྔོན་བྱོན་མཁས་པའི་གེ་སར་མཆོག་འཁྲུངས་ཡུལ་བཅས་པའི་སྐོར་གྱི་གསུང་སྒྲོས།གཉིས་ནི་དེང་རབས་གེ་སར་ཆེད་མཁས་པས་གེ་སར་ཆུང་དུས་མདོ་སྨད་ཁྲི་ཀའི་ཡུལ་དུ་བཞུགས་མྱོང་བའི་སྐོར་གྱི་དཔྱད་གཏམ།གསུམ་ནི་གླིང་སྒྲུང་ལས་ཇོ་རུ་མ་བུ་གཉིས་སྤྱུགས་ཡུལ་རྨ་སྨད་གཡུ་ལུང་སུམ་མདོ་དེ་གང་ཡིན་པའི་སྐོར་བཤད་པ་བཅས་ཕྱོགས་ནས་ཞིབ་འཇུག་བྱས་ཡོད་ཅིང་རང་ཉིད་ཀྱིས་ཀྱང་ལྟ་བ་གསར་པ་དང་རིགས་ལམ་གསར་པ་བཏོན་ཡོད།...

ཏུན་ཧོང་ནས་ཐོན་པའི་བོད་ཀྱི་ཡིག་རྙིངP.T0996པ་ནི་བོད་བཙན་པོའི་དུས་ཀྱི་རྗེ་འབངས་ཉེར་ལྔའི་ཡ་གྱལ་སྣུབས་ནམ་མཁའི་སྙིང་པོ་དང་།དགེ་སློང་སྤུག་ཡེ་ཤེས་དབྱངས་གཉིས་ཀྱི་སྐུ་ཚེ་སྨད་ཀྱི་ལོ་རྒྱུས་གཙོར་བརྗོད་པའི་ཡིག་ཆ་གལ་ཆེན་ཞིག་དང་།མདོ་སྨད་མཐའ་མཚམས་སུ་བོད་རྒྱ་མི་རིགས་གཉིས་ཀྱི་རིག་གནས་བརྗེ་རེས་ཀྱི་གནས་ཚུལ་གསལ་བའི་ཡིག་ཆ་རིན་ཐང་ལྡན་པ་ཞིག་ཀྱང་ཡིན།...

སྐུང་ཡིག་ནི་སྒྲ་སྦྱོར་གྱི་ཡི་གེ་ཐམས་ཅད་ལ་མངའ་བའི་ཐུན་མོང་གི་ཁྱད་ཆོས་ཤིག་ཡིན་ལ།མི་རིགས་རེ་རེའི་སྐད་དང་ཡིག་རིགས་མི་འདྲ་བའི་དབང་གིས་སོ་སོར་ཐུན་མོང་མ་ཡིན་པའི་ཁྱད་ཆོས་ཀྱང་ཡོད་པ་སྨོས་མ་དགོས།རང་ཅག་བོད་ལ་མཚོན་ན་སྐུང་ཡིག་ནི་སྔ་རབས་བསྟན་བཅོས་ནང་དུ་ཁྱབ་རྒྱ་ཆེས་ཆེ་ཞིང་།ཡུལ་ལུང་སོ་སོའི་སྐད་ཀྱི་དབང་གིས་སྐུང་ཡིག་དང་བསྡུས་ཡིགསྦས་ཡིགམདོ་ཁམས་སུ་ཀཿཐོག་ཡིག་ལོག་སོགས་མིང་གི་རྣམ་གྲངས་དུ་མ་ཞིག་ཡོད་ཀྱང་“ཟུར་དང་རྟགས་ལ་བརྟེན་ནས་བརྗོད་དོན་གྱི་མིང་ཚིག་ཤུགས་ནས་སྟོན་པ”་ནི་གཅིག་མཚུངས་སུ་ངེས།...

རྩོམ་འདིར་མཛེས་རྟོག་དེང་རབས་རང་བཞིན་གྱི་མཐོང་སྣེ་སྤྱད་དེ་སྒོ་མེ་ཚེ་རིང་བཀྲ་ཤིས་ཀྱི་སྒྲུང་རིང«མར་ངོའི་ཟླ་བ»ལས་མངོན་པའི་ཟླ་བའི་མི་སྒེར་གྱི་ཁེར་རྐྱང་དང་དེའི་མཛེས་རྟོག་གི་རིན་ཐང་རགས་ཙམ་གླེང་ཡོད།...

སྒྲུང་གཏམ་བློས་སློང་བྱེད་སྐབས།རྩོམ་པ་པོས་བརྗོད་བྱ་རྫོགས་པར་སྟོན་པའི་དགོས་མཁོར་དམིགས་ཏེ།རྩོམ་གྲབས་ཡོད་པའི་སྒྲུང་གཏམ་ལ་ཁུངས་སྣེ་ཞིག་གཏན་འབེབས་བྱ་དགོས་འདུག་ལ།ལག་ལེན་དངོས་ལ་གཞིགས་ན་མི་སྣ་དང་།དོན་དག་དང་།དངོས་པོ་དང་།མི་སེམས་དང་།ཡུལ་བཅས་ནི་སྒྲུང་གཏམ་གྱི་ཁུངས་སྣེ་བྱས་ཆོག་པ་འདྲ།...

དཔྱད་རྩོམ་འདིའི་ནང་དྲེག་དང་དྲེག་ནད་ཅེས་པའི་ཐ་སྙད་སྐོར་ལ་དཔྱད་པ་བྱས་ནས་དྲེག་དང་དྲེག་ནད་ཀྱི་དབྱེ་བ་བསྟན་པ་དང་།ཁྱད་པར་དྲེག་ནད་ཀྱི་ངེས་ཚིག་ལ་དབྱེ་ཞིབ་བྱས་ནས་སྐབས་དོན་སོ་སོའི་གོ་དོན་མཚོན་པར་བྱས་ཡོད་པ་མ་ཟད།དྲེག་བཞི་ཡི་ངོས་འཛིན་དང་།དྲེག་ནད་ཀྱི་ཐོག་མའི་གནས་སོགས་ལ་དཔྱད་པ་བྱས་འདུག...

དཔྱད་རྩོམ་འདིར་བོད་བཙན་པོའི་སྐབས་ཀྱི་མནའ་ཡི་བྱུང་བ་དང་འཕེལ་རིམ་ནས་འགོ་བརྩམས་ཏེ།མནའ་དང་དངོས་ཡོད་སྤྱི་ཚོགས་བར་གྱི་འབྲེལ་བ་སོགས་གཞིར་བྱས་ནས་བོད་བཙན་པོའི་སྐབས་ཀྱི་མནའ་ཡི་ཕན་ནུས་ལ་དཔྱད་པ་ཅུང་ཟད་བྱས་ཡོད།...

དཔྱད་རྩོམ་འདིར་ལོ་རྒྱུས་ཡིག་ཚང་རིག་པའི་དཔྱད་ཐབས་སྤྱད་དེ་པཱེ་ཙང་སྟག་ལུང་དར་རྒྱས་དགོན་ཞེས་པ་མདོ་སྨད་ཀ་ཅི་ཡུལ་ཁོངས་སུ་གནས་པའི་བོད་བརྒྱུད་ནང་བསྟན་གྱི་གནའ་དགོན་དེའི་དགོན་མིང་པྭེ་ཙང་དང་སྟག་ལུང་།ཡུལ་དེར་གནས་པའི་བོད་མི་དང་དཔོན་པོའི་བྱུང་རབས་ལོ་རྒྱུས།དགོན་པ་འདི་ནམ་བཏབ་པའི་ལོ་ཚིགས་དང་ཕྱག་འདེབས་མཁན་བཅས་ཀྱི་སྐོར་ལ་དཔྱད་བརྗོད་བྱས་ཡོད།...