རྩོམ་ཡིག་འདིའི་ནང་སྤུ་རྒྱལ་བཙན་པོའི་དུས་སུ་བཀའ་གཙིགས་ཇི་ལྟར་བྱུང་བའི་ལོ་རྒྱུས་རྒྱབ་ལྗོངས་དང་ཕྱི་ནང་གི་རྒྱུ་རྐྱེན་ལ་ཐོག་མའི་དབྱེ་ཞིབ་དང་།དེ་བཞིན་དུས་རབས་བདུན་པ་ནས་དགུ་པའི་བར་གྱི་བཀའ་གཙིགས་ཡི་གེ་ད་ཕན་མཇལ་རིགས་སུ་གྱུར་པ་རྣམས་ཀྱི་ནང་དོན་དང་། རྣམ་པ།དགོས་པ་སོགས་ཀྱི་སྒོ་ནས་དཔེར་བརྗོད་དང་སྦྲགས་ཏེ་རིགས་དབྱེ་དང་ཞར་དུ་སྐད་གསར་བཅད་སྐོར་གྱི་ནང་དོན་ངོ་སྤྲོད་མདོ་ཙམ་བྱས་ཡོད།...

དཔྱད་རྩོམ་འདིའི་ནང་གཙོ་བོ་ས་སྐྱའི་སྲིད་དབང་སྐབས་སུ་བོད་ཀྱི་ལོ་ཙཱའི་གཞུང་ལུགས་ལ་འཕེལ་རྒྱས་ཇི་བྱུང་སྐོར་བརྗོད་པ་སྟེ།དེ་ཡང་བསྟན་པ་ཕྱི་དར་སྐབས་ཀྱི་ལོ་ཙཱའི་ལག་ལེན་དངོས་དང་།ས་སྐྱའི་སྲིད་དབང་སྐབས་སུ་ལོ་ཙཱའི་རིག་པ་འཕེལ་རྒྱས་ཡོང་རྒྱུར་མཐུན་རྐྱེན་ཇི་ལྟར་བྱུང་ཡོད་ཚུལ།སྐབས་དེའི་ལོ་ཙཱའི་གནས་བབས།དེས་ཕྱིས་བོད་ཀྱི་ལོ་ཙཱའི་བྱ་གཞག་གོང་འཕེལ་གཏོང་རྒྱུར་ཕན་ནུས་ཇི་ལྟར་ཐོན་ཚུལ་བཅས་ཀྱི་སྐོར་གླེང་འདུག...

རང་རེ་ཁ་བ་ཅན་ལ་མཚོན་ན་གནའ་སྔ་མོ་ནས་ཡུལ་གྲུ་གང་སར་གླུ་གར་རྩེད་འཇོ་སོགས་ཀྱི་རོལ་མོར་ལོངས་སུ་སྤྱོད་པའི་སྲོལ་མང་པོ་ཞིག་དར་ཁྱབ་བྱུང་ཡོད་པས།རོལ་ཆ་ནི་གནའ་བོའི་དུས་ནས་བཟུང་ཆོས་སྲིད་གཉིས་ཀྱིས་བེད་སྤྱོད་བཏང་ནས་མི་རབས་ནས་མི་རབས་སུ་བརྒྱུད་ཅིང་།དེ་དག་གི་བཟོ་རྩལ་དང་སྤྱོད་ཚུལ་གྱིས་མཚོན་པའི་སྒྱུ་རྩལ་གྱི་རྣམ་པ་དང་རིགས་དབྱེ།བྱེད་ནུས།སྤྱོད་སྟངས་ལ་སོགས་ཕྱོགས་གང་ཐད་ནས་དར་རྒྱས་ཆེན་པོ་བྱུང་སྟེ་རིག་གནས་ཀྱི་མཚོན་དོན་ཟབ་མོ་རེ་གྲུབ་ཡོད་པ་མ་ཟད།ཁ་བ་རི་བོའི་ཁོ་ར་ཁོར་ཡུག་གི་མི་རིགས་བར་འབྲེལ་འདྲིས་བྱུང་ཞིང་ཕན་ཚུན་བར་རིག་གནས་བརྗེ་རེས་ཀྱི་བརྒྱུད་རིམ་ནང་རོལ་ཆའི་རིག་གནས་དེ་ཡང་རིག་གནས་ཀྱི་སྣང་ཚུལ་གཞན་དག་དང་འདྲ་བར་རྒྱ་དཀར་ནག་བལ་བོ་སོགས་གནའ་བོའི་ཞང་བོད་ཀྱི་ཉེ་འབྲེལ་ཁྱིམ་མཚེས་རྒྱལ་ཁབ་བར་ཕན་ཚུན་ཤན་ཞུགས་ཐེབས་ཡོད་པ་ནི་བསྙོན་དུ་མེད་མོད།ཡིན་ནའང་བརྟག་དཔྱད་བྱས་པ་ལྟར་ན་བོད་ལྗོངས་ཀྱི་ས་འོག་ནས་བུད་པའི་རིག་དངོས་ནང་རྫ་བཟོས་སྤྱོད་ཆས་མང་པོ་བྱུང་ཞིང་།ངོས་གཅིག་ཅན་གྱི་རྫ་རྔ་བྱུང་བའི་ལོ་རབས་ནི་རྡོ་ཆས་གསར་མའི་དུས་སྐབས་ཡིན་པ་བདེན་དཔང་བྱས་ཡོད།...

དཔྱད་རྩོམ་འདིའི་ནང་བོད་ཀྱི་སྲོལ་རྒྱུན་རི་མོའི་ནང་རྒྱལ་བའི་སྐུ་གཟུགས་འབྲི་བཞེངས་བྱེད་པར་ཐོག་མར་ཐིག་ཡིག་ཚད་ཀྱི་ངེས་པ་རྙེད་དགོས་པ་དང་།དེ་ནས་དེ་ལ་བསྟུན་དགོས་ཚུལ།དེ་བཞིན་དུ་ཐང་གའི་མཛེས་དཔྱོད་ལྟ་བའི་རིན་ཐང་མངོན་པར་བྱེད་པ་ལའང་ཆ་ཚད་གཞུང་དང་།སྒོས་སུ་དབྱིབས་དང་ཁ་དོག་གི་འབྲེལ་བ།འགལ་འདུ་སོགས་ཕྱོགས་ཡོངས་ཀྱི་ཁྱད་ནུས་སམ་ལེགས་ཉེས་སྤང་བླང་གི་གནད་དུ་མ་ཞིག་འཛིན་དགོས་ཚུལ་སྐོར་བརྗོད་འདུག།...

རྩོམ་ཡིག་འདིའི་ནང་དུ་རྩོམ་པ་པོས་སྡེ་དགེ་གླིང་ཚང་གི་པར་མ་དང་།བོད་ལྗོངས་ཀྱི་པར་མ་ལྷ་གླིང་གབ་ཙེ་དགུ་སྐོར་ཞེས་པའི་པར་མ་མི་འདྲ་གཉིས་ཀྱི་བརྗོད་བྱ་དང་རྗོད་བྱེད་ཀྱི་ཁྱད་ཆོས་ལ་གཤིབ་བསྡུར་བྱས་ནས་དེ་གཉིས་ཀྱི་ཐུན་མོང་དང་ཐུན་མོང་མ་ཡིན་པའི་ཆ་ལ་དཔྱད་པ་བྱས་འདུག...

དཔྱད་རྩོམ་འདིར་བོད་ཀྱི་གསོ་བ་རིག་པའི་གཞུང་གི་ཡན་ལག་བརྒྱད་དང་རིགས་ཀྱི་ཚ་བ་བཞིའི་བྱེ་བྲག་ཏུ་གྱུར་ཅིང་།འདུ་བ་འཁྲུགས་པའི་སྒོ་ནས་འདུས་པའི་ནད་དེ་དུག་ནད་གསོ་བའི་རིགས་པའི་གཞུང་ལུགས་དང་འབྲེལ་ཏེ།སྔ་རབས་རྒྱ་བོད་མཁས་པས་མཛད་པའི་གསོ་དཔྱད་ཀྱི་བསྟན་བཅོས་ཚད་མར་གྱུར་པ་རྣམས་ལ་ཁུངས་གཏུགས་ཤིང་།དེང་རབས་ཀྱི་ཡིག་ཚང་ཇི་སྙེད་པ་དག་གིས་ཟུར་བརྒྱན་ཏེ་དུག་ནད་ཀྱི་བྱུང་འཕེལ་ལོ་རྒྱུས་དང་དུག་གི་མཚན་ཉིད།དབྱེ་བ།འཇུག་ཚུལ།ངོས་འཛིན།གསོ་ཐབས་རྣམས་གསལ་བར་བཀྲལ་ཅིང་།ཁྱད་པར་སྦྱར་དུག་གི་གསོ་བཅོས་ཀྱི་ད་ལྟའི་གནས་བབས་དང་འགོག་སྲུང་གི་གལ་ཆེན་རང་བཞིན་གླེངས་ཡོད།...

དཔྱད་རྩོམ་འདིར་རྒྱ་ཡིག་དང་དབྱིན་ཇིའི་ཡིག་རིགས་ནང་དུ་བཀོད་པའི་ཡིག་ཆ་གཞིར་བཟུང་ནས་དུས་རབས་གསུམ་པ་ནས་བཅུ་པ་བར་བོད་ཀྱི་གླ་རྩིའི་ཚོང་དོན་ལ་དཔྱད་རྗེས་སྐབས་དེའི་བོད་ཀྱི་གླ་རྩིའི་ཚོང་དོན་གཙོ་བོར་གྱུར་པའི་ཚོང་ལས་ཀྱི་ལོ་རྒྱུས་དང་།གནའ་བོའི་ཚོང་འབྲེལ་དེ་དག་གིས་ཀྲུང་གོའི་དེང་གི་བརྒྱུད་གཅིག་ལམ་གཅིག་ཅེས་པའི་ཕུགས་ཀྱི་ཇུས་ཆེན་བསྐྲུན་རྒྱུར་ནུས་པ་ལེགས་པོ་ཐོན་ཚུལ་གྱི་དགོངས་ཚུལ་བསྟན་འདུག...

དཔྱད་རྩོམ་འདིར་ལོ་རྒྱུས་ཡིག་ཚང་རིག་པའི་དཔྱད་ཐབས་སྤྱད་དེ་པཱེ་ཙང་སྟག་ལུང་དར་རྒྱས་དགོན་ཞེས་པ་མདོ་སྨད་ཀ་ཅི་ཡུལ་ཁོངས་སུ་གནས་པའི་བོད་བརྒྱུད་ནང་བསྟན་གྱི་གནའ་དགོན་དེའི་དགོན་མིང་པྭེ་ཙང་དང་སྟག་ལུང་།ཡུལ་དེར་གནས་པའི་བོད་མི་དང་དཔོན་པོའི་བྱུང་རབས་ལོ་རྒྱུས།དགོན་པ་འདི་ནམ་བཏབ་པའི་ལོ་ཚིགས་དང་ཕྱག་འདེབས་མཁན་བཅས་ཀྱི་སྐོར་ལ་དཔྱད་བརྗོད་བྱས་ཡོད།...

དཔྱད་རྩོམ་འདིའི་ནང་དུ་གཡང་གི་རིག་གནས་ཐོག་མར་ཇི་ལྟར་བྱུང་བ་དང་།བར་དུ་རིག་གཞུང་མ་ལག་ཆ་ཚང་ཞིང་བརྗོད་དོན་ཟབ་མོའི་སྒོས་བོད་མིའི་དད་མོས་དང་གཞི་གཅིག་ཏུ་འདྲེས་པ།མཐའ་མར་བོད་ཀྱི་གྲུབ་མཐའ་སོ་སོའི་གཞུང་དོན་དང་འབྲེལ་ནས་འཕེལ་རྒྱས་བྱུང་བ། རིག་གནས་དེའི་མཚོན་དོན་དང་མི་རྣམས་ཀྱི་འདོད་པ།ཆོ་གའི་རིམ་པ་དང་མཆོད་རྫས་སོགས་ལ་དཔྱད་ཞིབ་བྱས་ཡོད་དོ།།...