དེ་ནས་དཀར་བཟོ་བ་ཚོས་དཀར་ཡོལ་བཟོ་བའི་རྒྱུ་ཆ་བཟང་ཞན་དང་།བཟོས་རྗེས་དྭངས་ལོས་ལ་གཞིགས་ཏེ།དཀར་ཡོལ་ཚེ་དར་དེའང་རྣམ་པ་དྲུག་ལ་ཕྱེ་ནས་བཟོས་པ་དང་།རྒྱལ་པོའི་བཀའ་བཀོད་བཞིན་དཀར་ཡོལ་ལེགས་གྲས་གསུམ་ལ་ཁག་སོ་སོར་དཀར་ཚེ་དང་།གནམ་ཚེ།ནང་ཚེ་ཞེས་དང་།དེ་མིན་དཀར་ཡོལ་ཕལ་པ་རྣམས་ལ་དར་ཚེ་དང་།སྔོ་ཚེ།འདོལ་ཚེ་ཞེས་བཏགས་སོ།།ཚེ་དར་ཞེས་པའི་མིང་དུ་བཏགས་པའི་དཀར་ཡོལ་དེ་དག་ནི་སྔར་རྒྱ་ནག་ཡུལ་དུ་བྱུང་མྱོང་མེད་པར་བོད་བཙན་པོ་ཁོ་ནར་ཡོད་པ་ཞིག་ཡིན་པར་གྲགས་སོ།།...

ཡ་ད།དེ་རིང་བཀྲ་ཤིས་ཉི་མ་ལ།།བཀྲ་ཤིས་གཡང་གི་སྨོན་འདུན་ཞུ།།དྲིན་ཅན་དགེ་རྒན་དམ་པ་རྣམས།།སྐུ་ཚེ་བརྟན་པའི་བཀྲ་ཤིས་ཤོག།འདང་ཆེན་སློབ་གྲོགས་ཕོ་མོ་ཀུན།།མདུན་ལམ་ཡངས་པའི་བཀྲ་ཤིས་ཤོག།མ་ཡུམ་སློབ་གྲྭའི་བྱ་གཞག་ཀུན།།གོང་དུ་འཕེལ་བའི་བཀྲ་ཤིས་ཤོག།འཛམ་གླིང་སྒང་གི་བྱིས་པ་རྣམས།།བདེ་ཞིང་སྐྱིད་པའི་བཀྲ་ཤིས་ཤོག།བཀྲ་ཤིས་བདེ་ལེགས་ཡང་ནས་ཡང་དུ་ཤོག།...

སྐལ་ཉིན་མོ་བདེ་ལེགས་འདི།ཤར་རྒྱལ་མོ་གཏེར་མཛོད་གླིང་ནས་བླངས་པའི་རྒྱ་ཡི་བཀྲ་ཤིས་ཁ་དར།བོད་ཀྱི་བསོད་ནམས་ཁ་དར།དར་མགོ་ན་བཀྲ་ཤིས་རྟགས་བརྒྱད།དར་སྐེད་ན་རྒྱལ་སྲིད་སྣ་བདུན།དར་མཐའ་ན་ཚེ་རིང་བཅུ་གསུམ་འཛོམས་པའི་བཀྲ་ཤིས་པའི་ཁ་དར།ངའི་ཚ་ཞང་འཛོམས་པའི་འཛོམས་དར།...

རྟ་ཕོའི་སྐད་དེ་སེང་གེའི་ངར་སྐད་འདྲ།།རྟ་ཕོའི་སྒལ་པ་སྤང་གཤོངས་མཐིང་སྔོན་འདྲ།།རྟ་ཕོའི་སུག་བཞི་རླུང་གི་གཤོག་པ་འདྲ།།རྟ་ཕོའི་གྲོད་ཁོག་རྩྭ་ཡི་བང་མཛོད་འདྲ།།རྟ་ཕོའི་གཞུ་གུ་རྒྱ་ནག་སྟོང་སྐུ་འདྲ།།...

ཨེ་ཛིས་མྱི་རྫོད།བྱེ་མས་སྤང་རྫོད།ནད་ཨེ་ཛི་འགོས་ན་བཅོས་ཐབས་མེད།ལུས་ཐལ་རྡུལ་འགོས་ན་སྤུགས་ཐབས་ཡོད།དུག་ཨེ་ཛི་མི་འགོ་འཕྲོད་བསྟེན་དགོས།ཕྱི་དམྱལ་བར་མི་ལྷུང་དགེ་སེམས་དགོས།...

ད་ནངས་ནམ་ལངས་ཀྱི་མགོ་མ་ཉི་ཤར་གྱི་རྩེ་མོར།།ཨ་ཅེ་གསེར་མོ་མཚོ་དང་དངུལ་མོ་མཚོ་ཡིས།།ཆུ་བཙལ་གིན་བཙལ་གིན་ནགས་ལ་སོང་ཟིག།ནགས་ནས་མ་རྙེད་རྫ་ལ་སོང་ཟིག།རྫ་ནས་རྫ་ཆུ་བསིལ་མ་རྙེད་ཟིག།རྫ་ཡི་རྫ་ཆུ་བསིལ་མ་འདི།།ཁ་ནས་བཅུས་ན་གཡའ་དྲི་བྲོ་གི།ཞབས་ནས་བཅུས་ན་འདམ་དྲི་བྲོ་གི།བར་གྱི་རྫ་ཆུ་བསིལ་མ་བཅུས་དགོས་ཟེར་རྒྱུ།།...

སྔོན་དུ་ས་བཤད་མདོར་བསྡུས་ཤིག་བྱེད་ན།གནས་ཁམས་ཆེན་བྲག་དཀར་སྤྲེལ་རྫོང་ལ།ངས་བསྟོད་པ་རྣམ་གསུམ་རེ་རྒྱབ་ན།ས་འདི་ནས་ཡར་ལ་ལྟོས་དང་།རི་མགོ་སྤང་གིས་བརྒྱན་ས།རྟ་ནོར་ལུག་གིས་གང་ས།རི་ཁོག་གཏེར་གྱིས་གང་ས།གསེར་སེར་པོ་རྒྱ་མ་བཀྱག་ས།རི་འདབས་ཟངས་ཀྱིས་བསྐོར་ས།འབྲུ་དྲུག་སྣ་ལྔ་འཁྲུངས་ས།སངས་རྒྱས་སྟོང་གི་བླ་རི།དགེ་འདུན་སྟོང་གི་གདན་ས།ཁ་མི་དལ་མ་ཎི་ཡིག་དྲུག་འདོན་ས།ལུས་མི་དལ་ཕྱག་དང་བསྐོར་བ་བྱེད་ས།ད་སྟོད་ཀྱི་ཡུལ་དུ་འབྲོག་གི་ས།ཐང་ཆེན་པོ་གོས་གདན་བཏིང་འདྲ།སྨན་མེ་ཏོག་ལོ་འདབ་རྒྱས་ས།རྟ་ནོར་ལུག་འཕེལ་ཁ་དར་ས།ཤིང་སིལ་ཏོག་འབྲས་བུ་སྨིན་ས།ད་སྨད་ཀྱི་ཡུལ་དུ་རོང་གི་ས།ས་ཞིམ་པོ་སྣུམ་གྱིས་བཟུང་ས།འབྲུ་ལོ་ཡག་སྙེ་མ་འཁྲུངས་ས།ཆར་སིལ་མ་དུས་ལྟར་འབབ་ས།སྐྱིད་སྐལ་བཟང་ལོ་ཡག་འཁྲུངས་ས།འཛོམ་གསུམ་འཛོམས་པའི་ས་ཆ།ཡ་དེང་ལྷ་ཡི་སྡེ་པ།སྟོབས་འབྱོར་རྒྱས་པའི་ཡུལ་གྲུ།རི་ནག་པོ་གོ་མཛོད་གཡུ་རྩེ།སྤང་སེར་པོ་གསེར་ཐང་དྲུག་མདོ།ཆུ་གཙང་པོ་རྫ་ཆུ་ཟིལ་མ།དཀར་འོ་མའི་རྒྱ་མཚོ་འཁྱིལ་འདྲ།སོགས་གང་འོས་སྦྱར།...

ཤོག་ཁུག་གྲུ་བཞི་གླིང་བཞི།།འཕྲེན་ས་ལྕགས་སྒམ་ལྗང་ཁུ།།འགྲོ་སྤྱད་སྣ་མ་སྣ་ཚོགས།།ཐོན་ན་ཁ་བརྡ་རྐྱང་རྐྱང་།།༼འཕྲིན་ཡིག༽ནག་རིལ་ནག་ཆུང་ཧེ་རུ་ཀ།ས་ལ་ས་ལའི་རྒྱན་ཆ་ཅན།།ས་བདག་རྒྱལ་པོས་དམ་ལ་བཏགས།།༼བཏགས་ཁྱི།༽...

འདི་ནི་ཁམས་ནང་ཆེན་འབྲོང་པ་རྒྱལ་པོས་མཚར་བྲིས་བྱས་པ་ལགས་སོ།འཛམ་གླིང་འདིར་འགྲོ་བ་མིའི་རིགས་ཀྱི་འབྱུང་གནས་དང་བཟང་སྤྱོད་ནི་གནའ་བོའི་སྲོལ་རྒྱུན་དང་བཤད་སྒྲུང་དངོས་རྫས་སོགས་ལ་གཞིགས་ཏེ་དེའི་རྗེས་འཛིན་གྱིས་མི་རིགས་ཀྱི་ལོ་རྒྱུས་རིང་མོར་ཆགས་པའི་བྱེ་བྲག་ཆེས་རྨད་དུ་བྱུང་བའི་གངས་ཅན་བོད་ཀྱི་ཁྱད་ཆོས་དར་དཀར་དྲི་མེད་ཀྱི་བཤད་པ་འདི་ཕྱི་རབས་བོད་འབངས་རྣམས་ལ་ཉེར་བར་མཁོ་བའི་རྒྱུ་རྐྱེན་གྱིས་ཁམས་ནང་ཆེན་འབྲོང་སྨད་ཀ་བཀྲ་ཤིས་དགོན་གྱི་མཁན་མིང་འཛིན་པ་རུས་མིང་དཔང་བོ་ཞེས་འབོད་པའི་དཀོན་མཆོག་བསྟན་འཛིན་ཉི་མས་དེང་རབས་ཀྱི་ཤེས་བྱ་གློག་རྡུལ་འཕྲུལ་ངོགས་སུ་མཛུབ་བྲིས་དང་དག་བཅོས་བྱས་ཏེ་གངས་ཅན་པ་རྣམས་ལ་ལེགས་སྐྱེས་སུ་ཕུལ་བས་ཕྱོགས་ལས་རྣམ་པར་རྒྱལ་བའི་བཀྲ་ཤིས་ཤོག།...

ཁིས་གོང་མའི་ནང་ནས་རྙི་ཞིག་བཙུགས།།རྙི་དཀར་ནང་ལ་བྱ་དཀར་བཟུང་།།བྱ་དཀར་ཁ་ནས་ནས་དཀར་བླངས།།ཁིས་བར་མའི་ནང་དུ་རྙི་སྔོན་བཙུགས།།རྙི་སྔོན་ནང་ལ་བྱ་སྔོན་བཟུང་།།བྱ་སྔོན་ཁ་ནས་ནས་སྔོན་བླངས།།ཁིས་ཞོལ་མའི་ཁ་ནས་རྙི་ནག་བཙུགས།།རྙི་ནག་ནང་ལ་བྱ་ནག་བཟུང་།།བྱ་ནག་ཁ་ནས་ནས་ནག་བླངས།།ནས་དེ་གསུམ་འཁྱེར་ནས་གང་ལ་སོང་།།ནས་དེ་གསུམ་འཁྱེར་ནས་དགུང་ལ་སོང་།།དགུང་ཨ་སྔོན་དཀྱིལ་ནས་ས་ཞིག་བཟུང་།།འབྲུག་ཕོ་ཁྱུང་གཉིས་ལ་གཉའ་ཤིང་བཅོས།།གསེར་གྱི་སྐེ་ཤིང་ཕྲེད་ཀྱིས་བཞག།དངུལ་གྱི་ཤོག་མདའ་ཕྲེད་ཀྱིས་བཞག།འབྲུག་ཝ་ར་ར་ལ་ཝི་རི་རི།།ས་དེ་ནས་ཞིང་ས་མི་ཉན་གི།ནས་དེ་གསུམ་འཁྱེར་ནས་གང་ལ་སོང་།།...