དཔྱད་རྩོམ་འདིར་བོད་སྲོལ་རྒྱུན་གྱི་ལོ་ཙཱའི་གཞུང་ལུགས་ཉིད་གནའ་དེང་ཕྱི་ནང་གི་ལོ་ཙཱའི་གཞུང་དཔྱད་སྣ་ཚོགས་དང་ཞིབ་སྡུར་བྱས་པ་བརྒྱུད་དེའི་ཐུན་མིན་གྱི་ཁྱད་ཆོས་དང་ཞན་ཆ་སོགས་ཟུར་དུ་བཏོན་པའི་རྨང་གཞིའི་སྟེང་།རྒྱལ་ཁབ་དང་མི་རིགས་གཞན་གྱི་ལོ་ཙཱའི་གཞུང་ལུགས་ལས་ཉིང་བཅུད་དང་ལེགས་ཆ་རྣམས་སྡུད་ལེན་བྱས་ཏེ་རང་གི་སྟོང་ཆ་སྐོང་བའི་གསོས་སུ་བསྒྱུར་རྒྱུ་སྟེ།ཅིའི་ཕྱིར་བསྡུ་ལེན་བྱེད་དགོས་པ་དང་།ཇི་ལྟར་བསྡུ་ལེན་བྱེད་པ།གང་ཞིག་བསྡུ་ལེན་བྱེད་དགོས་པ་ལ་སོགས་པར་དཔྱད་པ་མདོར་བསྡུས་ཙམ་བཏང་ཡོད་དོ།།...

འདིའི་ནང་དུ་ཆོས་འབྱུང་དང་དཀར་ཆག་ཆེན་མོ་རྣམས་ལ་གཞི་བཅོལ་ནས《མཛངས་བླུན་ཞེས་བྱ་བའི་མདོ》འདི་ལ་མ་ཡིག་གམ་རྒྱ་དཔེ་མ་ཡོད་མེད་དང་དེ་ལ་འགྱུར་ཡིག་མི་འདྲ་བ་གང་དག་ཡོད་པ་དང་།དེ་དག་བྱུང་བའི་དུས་སོགས་ཀྱི་ཆ་ནས་དཔྱད་པ་ཅུང་ཙམ་བྱས་ཡོད།...

སློབ་གསོ་ནི་མིའི་རིགས་ཀྱི་བླ་སྲོག་བཟོ་བཀོད་ཀྱི་ལས་ཀ་ཞིག་ཡིན་ལ།མི་གང་གི་མི་ཚེ་དང་མདུན་ལམ་ལ་ཐག་གཅོད་རང་བཞིན་གྱི་ནུས་པ་ཐོན་གྱི་ཡོད་པས།སློབ་གསོ་ཡག་པོ་ཞིག་མྱོང་རྒྱུ་ནི་མི་ཀུན་གྱི་ཆེས་རྩ་བའི་ཐོབ་ཐང་ཞིག་རེད།...

དཔྱད་རྩོམ་འདིར་སྔོན་གྱི་ལོ་རྒྱུས་ཟིན་ཐོ་དང་དབྱངས་གསལ་རྣམས་བརྗོད་པ་གང་བདེར་འབྲི་བའི་ཆོས་ཉིད་གཞིར་བཟུང་ནས་སྟོད་ཀྱི་སྟེང་གཉིས་དང་བར་གྱི་སྟེང་གཉིས་ཀྱི་མཚན་དོན་དང་དེའི་འབྲི་སྟངས་ལ་དཔྱད་པ་བཏང་ཡོད།...

འ་ཞ་ཞེས་པ་ནི་ལེགས་སྦྱར་གྱི་འཕགས་པའི་སྐད་དོད་ཨརྱའི་སྒྲ་འགྱུར་བའི་འབོད་ཚུལ་ཞིག་ཡིན་པའི་ངོས་ནས་བརྟག་ན།སྤྱིར་བཏང་རིགས་རུས་ཀྱི་མིང་དུ་བྱེད་པའི་འ་ཞ་ནི་ཚོ་ཁག་དང་རུས་རྒྱུད་ཀྱི་མིང་ཡིན་པ་དང་།འ་ཞ་བོན་པོ་ཟེར་བ་ནི་ཆོས་དང་རིག་གནས་གང་རུང་ལ་མཁས་པའི་མིང་སྟེ་དེང་སང་ལྟར་ན་བླ་མ་འཕགས་པ་ཞེས་པའི་དོན་ཡིན།འ་ཞ་མི་རིགས་ཀྱི་ཐོག་མའི་སྡོད་གནས་སམ་འཚོ་ཡུལ་ནི་གུ་ར་ཝ་ཏ་ཅེས་བྱའི་ཡུལ་ཁམས་ཡིན་པ་དང་།རྒྱའི་ཡི་གེར་ཨརྱ་མི་རིགས་ཀྱི་ཐོག་མའི་སྡོད་གནས་སམ་འཚོ་ཡུལ་གྱི་མིང་དུ་乌拉尔山脉ཟེར་བ་གཉིས་ཕན་ཚུན་བསྡུར་ཚེ་སྒྲ་དོན་གཅིག་ལ་ངེས་པ་དང་།ཨརྱ་མི་རིགས་དེ་རིམ་གྱིས་རྒྱ་གར་འཕགས་པའི་ཡུལ་ནས་ཡ་གླིང་གི་ས་ཆ་ཁག་ལ་སླེབས་པའི་མི་རིགས་ཤིག་ཡིན་པ་སོགས་རྒྱུ་མཚན་དུ་མའི་ངོས་ནས་བརྟག་ན་འ་ཞ་མི་རིགས་ཀྱི་རུས་རྒྱུད་ཀྱི་ཐོག་མའི་མཆེད་ཁུངས་དེ་ཨརྱ་མི་རིགས་སུ་གཏུགས་དགོས་པའི་གནས་ལུགས་ཤིག་ཤེས་ཐུབ།...

་ཙཱ་བས་གཞུང་ཡིག་སྒྱུར་སྐབས་ཐ་སྙད་ཚད་ལྡན་བཀོལ་རྒྱུར་དོ་སྣང་བྱེད་དགོས་ཤིང་དེའི་བསྟན་དོན་ཇི་བཞིན་མཚོན་པར་བྱེད་རྒྱུ་ཧ་ཅང་གལ་འགངས་ཆེན་པོ་ཡིན།མིག་སྔར་མིང་བརྡ་དང་ཚིག་ལས་བྱུང་བའི་འགྱུར་སྐྱོན་ཡོད་པ་དེ་དག་སེལ་ཐབས་སྐོར་ལ་རྩོམ་པ་པོ་རང་གི་ལྟ་ཚུལ་བརྗོད་པ་དང་སྦྲགས་དཔེར་བརྗོད་ཀྱང་བཀོད་ཡོད།...

《པདྨ་བཀའ་ཐང》ནི་སློབ་དཔོན་པདྨ་འབྱུང་གནས་ཀྱིས་སྐབས་དེའི་བོད་ཀྱི་རྒྱལ་བློན་རྣམས་ལ་གང་གསུངས་པ་དབྱངས་ཅན་སྤྲུལ་བ་ཡེ་ཤེས་མཚོ་རྒྱལ་གྱིས་ཡི་གེར་བཏབ་སྟེ་རིན་ཆེན་གཏེར་དུ་སྦས།མཚན་གཞན་ལ་པདྨ་བཀའ་ཡི་ཐང་ཡིག་དང་།རྣམ་ཐར་སྐྱེས་རབས་རྒྱས་པ།ཁྲི་སྲོང་ལྡེའུ་བཙན་བཀའ་ཆེམས་ཞེས་བྱ་བ་ངང་།ཆུ་འབྲུག་ཟླ་བ་བཞི་བའི་ཚེས་བརྒྱད་གཟའ་ཟླ་བ་དང་སྐར་མ་དབོ་འཛོམས་པའི་ཉིན།ཡར་ཀླུང་ཤེལ་གྱི་བྲག་རྫོང་པདྨ་བརྩེགས་པའི་ངོས་པདྨ་ཤེལ་ཕུག་གི་སྒོ་སྲུངས་ཁྱབ་འཇུག་ཆེན་པོའི་ཐུགས་ཀ་ནས་གུ་རུ་ཨུ་རྒྱན་གླིང་པས་ལས་ལྡན་གྱི་གྲོགས་གཞུ་ཀུན་རབ་ཧོར་བ་སྒོམ་ཤཱཀ་དང་བཅས་གཏེར་ནས་སྤྱན་དྲངས་པའོ།།...

རྩོམ་ཡིག་འདིའི་ནང་དུ་རྔོག་ལོ་ཙཱ་བ་བློ་ལྡན་ཤེས་རབ་ཀྱི་ལོ་རྒྱུས་རགས་བསྡུས་སུ་བརྗོད་པ་བརྒྱུད་ནས་ཁོང་གིས་བརྩམས་པའི《དག་ཡིག་ཉེར་མཁོ་བསྡུས་པའི》པར་གཞི་དང་།ནང་དོན།སྒྲིག་གཞི་བཅས་གསེད་བཀྲོལ་བྱས་ཏེ་མིང་བརྡ་ཞིབ་བརྗོད་རིག་པ་དང་ཡིག་ཚང་ཞིབ་བསྡུར་རིག་པའི་ཐབས་ལམ་སྤྱད་དེ《དག་ཡིག་ཉེར་མཁོ་བསྡུས་པའི》རིན་ཐང་དང་།དག་ཡིག་ཞིབ་བརྗོད་ཀྱི་རྣམ་པ་གླེང་བརྗོད་བྱས་ཏེ།དག་ཡིག་འདི་ནི་སུམ་རྟགས་བརྩམས་གྲུབ་རྗེས་ཀྱི་བརྡ་སྤྲོད་ཀྱི་གཞུང་གལ་ཆེན་ཞིག་ཡིན་པ་མ་ཟད།བོད་སྐད་ཡིག་སྲོལ་གཏན་འབེབས་མཛད་པའི་ཚད་ལྡན་གྱི་བསྟན་བཅོས་ཤིག་ཡིན་པའི་དགོངས་ཚུལ་གླེང་འདུག...

རིན་པོ་ཆེ་དེ་བསྲེགས་བཅད་བརྡར་བ་གནད་དུ་དེ་འདྲ་མ་ཐིངས་པས།མིང་དང་འགྲེལ་ལས།མིང་གཅིག་ལ་ཡིག་གཟུགས་མི་འདྲ་བ་གཉིས་རེ་དང་།མཐའ་ན་གསུམ་རེ་ཡང་བྲིས་སྣང་།རགས་བརྩིས་ལྟར་ན།ཉིས་བརྒྱ་ཉེ་བ་ཞིག་ཡོད་པ་ལས།གདམ་ང་དང་།སྡེབ་སྦྱོར་དུ་ཧ་ལམ་བཞི་ཆ་གཅིག་འགྲིག་པར་སྣང་ཡང་།སྒྲའི་ཞིབ་ཆ་མི་གཅིག་པའི་དབྱེ་བ་མ་ཕྱེད་པར་ཉ་ཉུང་མཉམ་བསྲེས་སུ་གྱུར་པའི་མ་དག་པ་བཞི་ཆ་གསུམ་སྣང་།...