དེ་ཡང་ཨ་ཁུ་སྟོན་པ་ཞེས་པའི་མི་སྣ་དེ་ཐོག་མར་ཇི་ལྟར་བྱུང་ཚུལ་སྐོར་ལ་རང་ཉིད་ཀྱི་ལྟ་ཚུལ་ཙམ་གླེང་ན།ཨ་ཁུ་སྟོན་པ་ཞེས་པ་ནི་བླ་མའི་སྐུ་སྐྱེ་འཁྲུངས་པ་ལྟར་ཡུམ་གྱི་མངལ་ལས་འཁྲུངས་ཙམ་ནས་སྙན་གྲགས་ཅན་གྱི་སྐྱེས་བུ་ཞིག་མ་ཡིན་པར་མི་སྣ་དེ་ཉིད་སྐྱེད་མའི་སྤང་དུ་རིམ་པས་འཚར་ལོངས་བྱེད་པའི་རྒྱུན་རིམ་ཁྲོད་དང་།ལྷག་དོན་ན་སོན་ཏེ་འཇིག་རྟེན་འཚོ་བའི་ཁྲོད་ཀྱི་བྱ་གཞག་སྣ་ཚོགས་ནང་ཞུགས་སྐབས་ཁོང་གི་གཏམ་བརྗོད་དང་བྱ་སྤྱོད་མང་པོ་ཞིག་ལས་སྤྱིར་བཏང་གི་མི་དང་མི་འདྲ་བའི་ཁྱད་ཆོས་དམིགས་བསལ་ཅན་ཞིག་མངོན་པར་བྱས་ནས་མི་རྣམས་ཀྱི་ཡིད་དབང་རབ་ཏུ་འཕྲོག...

ལེགས་བཤད་འཕྲུལ་གྱི་དྲྭ་བ་ནི་གཙོ་བོ་དམངས་ཕལ་བར་ཁ་གཏད་པའི་མི་ཆོས་ཀུན་སྤྱོད་ཀྱི་སྐོར་ནས་གདམས་པ་རིན་ཆེན་ནོར་བུ་ལྟ་བུ་ཞིག་ཡིན་པས།འདིར་ཁོང་གི་ལེགས་བཤད་བསྟན་བཅོས་འདིའི་རྩོམ་རིག་གི་རིན་ཐང་སྐོར་ནས་སྤྲོས་བརྗོད་བྱས་ཡོད།...

དཔྱད་རྩོམ་འདིར་ཁྲི་ཀ་གོང་འོག་གཉིས་ཀྱིས་སྐྱེས་ལྷར་བཀུར་ཞིང་།སྔོན་བྱོན་སྐྱེས་ཆེན་དམ་པ་མང་པོས་ནང་བའི་བསྟན་སྲུང་དུ་བཀའ་བསྒོས་པའི་ཨ་མྱེས་སྲིན་པོའི་གནས་ཡུལ་དང་།སྐུའི་ཆ་བྱད་ག་འདྲ་ཡིན་པ།གསོལ་མཆོད་ཀྱི་ཁྱད་ཆོས་དང་དམངས་ཁྲོད་ཀྱི་ངག་རྒྱུན།ལོ་རྒྱུས་ཡིག་ཚང་དག་ཟུང་དུ་འབྲེལ་ཏེ།ཨ་མྱེས་སྲིན་པོའི་བྱུང་བ་གང་འདྲ་ཡིན་པ་དང་།ད་ལྟའི་དད་མོས་ཀྱི་སྣང་ཚུལ་བཅས་ལ་དབྱེ་ཞིབ་ཅུང་ཟད་བྱས་ཡོད། ...

བསམ་ཡས་བཞེངས་པའི་ལོ་དུས་དང་འགོར་ཡུན་ཐད་ལོ་རྒྱུས་ཀྱི་ཡིག་ཆ་རྣམས་བཞེད་པ་མི་མཐུན་པས་འདིར་རྒྱལ་རབས་དང་འབྲེལ་ནས་རགས་ཙམ་དཔྱད་པར་བྱའོ།། ...

ལ་དོན་དང་འབྲེལ་སྒྲ་སྦྱོར་ཚུལ་མ་དག་པའང་མང་དག་ཅིག་ཐོན་པ་ནི་བོད་ཀྱི་སྐད་ཡིག་གི་ཕྲད་རྣམ་དབྱེ་དང་།དུས་གསུམ་བྱ་བྱེད་སོགས་ཀྱི་བརྗོད་པ་གསལ་ཞིང་བཙན་པའི་རང་བཞིན་ཉམས་དམས་སུ་འགྲོ་བའི་ཉེན་ཁར་ལྷུང་།...

དཔྱད་རྩོམ་འདིར་བོད་ཀྱི་བསླབ་བྱའི་རྩོམ་རིག་གིས་བོད་ཀྱི་སྤྱི་ཚོགས་ལ་ཐོན་པའི་དགེ་མཚན་དེ་རིགས་ཆེན་པོ་དྲུག་ཏུ་དབྱེ་ནས་གླེང་ཞིང་།སྔོན་བྱོན་མཁས་དབང་གསེར་རིའི་ཕྲེང་བ་ལྟ་བུ་རྣམས་ཀྱིས་རང་གི་བུ་སློབ་དང་བཅས་པར་སྙིང་ནས་གདམས་པའི་ལེགས་བཤད་ཀྱི་བཅུད་བཟང་བོ་དག་གཤིབ་བསྡུར་དང་གདམ་གསེས་བཟང་བོའི་སྒོ་ནས་གྲུབ་མཐའ་རིས་མེད་དུ་བྱས་ཏེ་ཅུང་ཙམ་གླེང་ཡོད།...

བོད་ལུགས་གསོ་རིག་གི་ལུས་ཀྱི་ངོས་འཛིན་དང་དབྱེ་བ་མཛད་པ་ལ་ཐུན་མོང་མ་ཡིན་པའི་ཁྱད་ཆོས་ལྡན་པ་སྟེ།ལུས་ཞེས་པ་ནད་དང་ལུས་ཟུངས་དྲི་མ་གསུམ་ཕན་ཚུན་གཅིག་ལ་གཅིག་བརྟེན་དང་།ལུས་འདིར་ཆགས་པ་དང་གནས་པ།འཇིག་པའི་བྱ་བ་ཕལ་རགས་མ་ལུས་པ་རག་ལུས་པས་ལུས་ཞེས་པ་དང་།དེ་ལ་རྟེན་དང་ན་ཚོད།རང་བཞིན།རྣམ་པ་བཅས་ཀྱི་སྐོ་ནས་དབྱེ་བ་མཛད་པ་བཅས་སྤྱི་དང་བྱེ་བྲག་གང་ངོས་ནས་གསོ་བཅོས་ཐད་རིགས་ལམ་གྱི་གནད་མི་འདྲ་བ་རེ་སྟོན་ནུས་པས་ཁྱད་ཆོས་འདི་ལ་གཞིགས་ནས་ལུས་ཀྱི་དབྱེ་བའི་རྣམ་གཞག་འཇོག་ཚུལ་དང་དེ་དག་གི་ནད་ཐོག་རིན་ཐང་རྣམས་སྔོག་འདོན་གྱི་ཚུལ་དུ་དཔྱད་པ་ཅུང་ཟད་བྱས་པའོ།།...

རིམས་སྲུང་བའི་ཐབས་ཚུལ་ལ་ཡང་སྨན་གྱི་རིམས་སྲུང་།རྫས་ཀྱི་རིམས་སྲུང་།སྔགས་ཀྱི་རིམས་སྲུང་བཅས་དོན་ཚན་གསུམ་གྱི་སྒོ་ནས་འགོད་པར་བྱའོ།།...

དཔྱད་རྩོམ་འདིར་ལུང་རིགས་གཉིས་ལས་རིགས་པ་གཙོ་བོར་བཟུང་སྟེ།ཐོག་མའི་དོན་ཅན་གྱི་མགོ་གང་འས་འཕུལ་ཅན་གྱི་འགོ་དང་མས་འཕུལ་ཅན་གྱི་མགོ་གཉིས་ལས།རང་ལུགས་སུ་མས་འཕུལ་ཡང་དག་པ་ཡིན་ཚུལ་བསྒྲུབས་འདུག...

དཔྱད་རྩོམ་འདིར་བ་ཡིག་བདག་སྒྲར་འགྲོ་མིན་དེ་རྡོ་རིང་དང་ཡིག་རྙིང་།བཀའ་བསྟན་བཅས་ལ་གཞི་བྱས་ཏེ་ར་སྤྲོད་བྱས་ཡོད་པ་མ་ཟད།སུམ་ཅུ་པའི་རྩ་འགྲེལ་ཁག་ཏུ་བསྟན་པའི་བདག་སྒྲའི་ཕྲད་ཀྱི་ངོས་འཛིན་དང་དེ་དག་གི་བཞེད་དགོངས།པ་བ་གཉིས་ཀྱི་ཕྲད་སྦྱོར་འཕེལ་རིམ་དང་དེ་དག་གི་ཁྱད་པར།དེ་བཞིན་གསུང་རབ་ཀུན་ན་བདག་སྒྲ་དང་མིང་མཐའི་པ་བ་གཉིས་ཇི་ལྟར་སྦྱར་ཚུལ་རྣམས་ལ་དཔྱད་ཞིབ་ཀྱིས།《ལེགས་བཤད་ལྗོན་དབང》ནང་བསྟན་པའི་པ་བའི་ཕྲད་སྦྱོར་གྱི་འགྲེལ་ལུགས་དེ་ལྟར་བྱས་ན་ལེགས་ཚུལ་གླེང་བརྗོད་བྱས་ཡོད།...