ཐང་ཤིང་གསར་སྐྱེས་མཁའ་ལ་ཟུག་ན་སྙམ།།སྨྱུག་མ་ངན་པ་སྡེབ་འབྲེག་བྱས་ན་ལེགས།།...

འཁྱོག་དང་མ་འཁྱོག་ཐིག་གིས་འཇལ།།བདེན་དང་མི་བདེན་ཁྲིམས་ཀྱིས་འཇལ།།...

སྲིད་ལུགས་ཆེན་པོ་སྤྱོད་པའི་ཚེ།།གནམ་འོག་སྤྱི་ལ་སྙོམས་པར་བྱ།།...

མཚན་ཉིད་ཚང་བའི་མི་ཡིན་ན།།ཡིད་རྟོན་མི་རུང་ག་ལ་འགྲིག།...

སུ་ཞིག་སྤྱོད་ལམ་ལེགས་ན་དེ།།ངེས་པར་གྲོགས་དང་ལྡན་པར་འགྱུར།།...

ཁ་བཤད་ངེས་པར་དོན་ལ་གནས། །དོན་ཐོག་ཅིས་ཀྱང་འབྲས་བུ་འབྱིན།།...

དམ་པའི་བདེན་ལུགས་གཙིགས་སུ་འཛིན།...

འབྲས་རྡོག་གཅིག་དང་ཁབ་སྐུད་ཙམ།།ཉུང་ཡང་བླངས་ན་ཁོ་བོ་རྫོབ།།ཉག་མ་གཅིག་དང་སོར་གང་ཡང་།།འབངས་ཀྱིས་རྔུལ་ཁྲག་བཞུར་ནས་བསགས།།ཕར་ལ་དོང་ཙེ་གཅིག་བྱིན་ཡང་།།འབངས་ལ་ཕན་པ་དཔག་མེད་འབྱུང་།།ཚུར་ལ་ཞོ་གང་བླངས་ན་ཡང་།།ཁོ་བོ་རིན་ཐང་མེད་པར་འགྱུར།།...

ཚུལ་མིན་ཐབས་ཀྱིས་ནོར་ཐོབ་ཀྱང་།།ཐན་སྤྲིན་བཞིན་དུ་སྙིང་པོ་མེད།།...

འབངས་རྣམས་གང་ལ་དགའ་ན་དེ་ནི་སྤེལ་བར་བྱ།།འབངས་རྣམས་ཅི་ལ་སྡང་ན་དེ་ནི་འགོག་པར་བྱ།།...

བློ་དཀར་བ་ནི་དགེ་བའི་མཆོག་གོ།...

དཔོན་ལས་དཀའ་ཤོས་གང་ཞེ་ན།དེ་ནི་རྫོང་དཔོན་འབའ་ཞིག་གོ།...

ཡིད་ལ་སྤྱི་སེམས་འབའ་ཞིག་བཅང་།།ལས་ཀུན་ཚུལ་མཐུན་དྲང་བདེན་སྒྲུབ།།...

འབངས་ལ་ཕན་ན་གནའ་ལུགས་བསྐྱུར་ཡང་རུང་།།དོན་ལ་སྨིན་ན་སྲོལ་རྙིང་དོར་ཡང་ཆོག།...

དྲང་མོ་འཁྱོག་པོའི་དཔོན་དུ་བསྐོས་ན་འབངས་ཀྱིས་བཀུར་རོ།།འཁྱོག་པོ་དྲང་མོའི་དཔོན་དུ་བསྐོས་ན་འབངས་ཀྱིས་སྨད་དོ།།...

འཇིག་རྟེན་གནམ་འོག་ལས་ཀུན་ལས།།ཁྲིམས་འཛུགས་མི་དཀའ་ཁྲིམས་བསྟར་དཀའ།།...

འཇིག་རྟེན་དགེ་བའི་ཁྲིམས་བཙུགས་ན།།གནམ་འོག་ཐམས་ཅད་བདེ་བར་འགྱུར།།རྒྱལ་ཁབ་དགེ་བའི་ཁྲིམས་བཙུགས་ན།།རྒྱལ་ཁམས་གང་དེ་བདེ་བར་འགྱུར།།...

གང་ཞིག་རྒྱལ་སྲིད་སྐྱོང་མཁན་རྣམས།།ཡུལ་གྱི་ཆོས་དང་རྒྱལ་ཁབ་ཀྱི།།རྩ་བར་མཐུན་པའི་ཁྲིམས་བཙུགས་ན།།འབངས་དང་རྒྱལ་སྲིད་སྐྱོང་བ་བདེ།།ཡུལ་གྱི་ཆོས་དང་རྒྱལ་ཁབ་ཀྱི།།རྩ་བར་འགལ་བའི་ཁྲིམས་བཙུགས་ན།།འབངས་ཀྱི་སྲིད་ལུགས་འཆོལ་བར་འགྱུར།།ལས་ལ་འབད་ཀྱང་འབྲས་བུ་མེད།།...

ངོ་ཚ་ཁྲེལ་དང་མི་ལྡན་པ།།དེ་ཡིས་མི་བྱེད་གང་ཡང་མེད།།...

གོ་སྐབས་ནམ་མཁའི་གློག་དང་འདྲ།།རྙེད་པ་དཀའ་ཡང་འཇིགས་པ་སླ།།...

སོ་སོར་གྱེས་ནས་སྟོབས་ཤུགས་ཉམས།།གཅིག་ཏུ་བསྡུས་ན་སྟོབས་ཤུགས་ཆེ།།...

ཆུ་མ་ཡོང་གོང་གི་རགས།དགྲ་མ་ཡོང་གོང་གི་དོགས།...

ནམ་མཁའ་ས་གཞི་མཐའ་ཡས་ཀྱང་།།​​​​​​​འབངས་ནི་སྲིད་ཀྱི་རྩ་བ་ཡིན།།...

ལས་ཀྱི་མདོ་གནད་གོང་ནས་འཛིན།།​​​​​​​བྱེ་བྲག་བྱ་བ་འོག་ནས་སྒྲུབ།།...

སྒྲུབ་ལུགས་ཐབས་ལ་མཁས་ན་ཡང་།།དུས་དང་མ་བསྟུན་ཕམ་པར་འགྱུར།།...