ལྟོ་ལ་འཕྲོད་པའི་ཟས་ཟ།།ལུས་ལ་འཚམ་པའི་གོས་གྱོན།།...

འབངས་ཀྱི་སྤྲོ་སྐྱིད་དང་ནི་སེམས་འཁུར་དེ།།རང་གི་སྐྱིད་སྡུག་དངོས་ལ་མཐོང་གྱུར་ན།།འབངས་ཀྱིས་ཀྱང་ནི་དེ་ལྟར་བྱེད་པར་འགྱུར།།...

མཐུན་རྐྱེན་སྤྱོད་མཁས་གཞན་གྱི་སྔོན་དུ་སླེབས།།མཐུན་རྐྱེན་སྐྲུན་མཁས་དོན་ཆེན་ལས་ཀྱིས་འགྲུབ།།...

བལྟས་ཚོད་ཙམ་གྱིས་སྤྱིར་བཏང་ཙམ།།འོན་ཏེ་བསམས་ཚེ་ཁྱད་མཚར་ཚེ།།ལྟོས་པ་ཙམ་གྱིས་ལས་སླ་ཡང་།།དོན་གྱིས་སྲེག་བཅད་བརྡར་ལས་བྱུང་།།...

ཅང་ཤེས་རྟ་ལ་བང་རྩལ་ཡོད་ཀྱང་།།ས་ཞིང་རྨོ་བར་ནོར་ལ་མི་དོ།།ཤིང་རྟ་འཁོར་ལོར་ཐེག་ནུས་ཡོད་ཀྱང་།།ཆུ་བོ་བརྒལ་བར་གྲུ་ལ་མི་དོ།།...

ཆུ་བོ་ཅིན་ཞིའི་བཙན་འགག་འགྲིམ་དུས་སུ།།སེམས་ཆུང་བག་ཟོན་བྱས་པས་བདེ་བར་བགྲོད།།གཙང་ངོས་སྙོམས་སར་དོགས་ཟོན་ལྷོད་པའི་རྐྱེན།།གྲུ་ལོག་བརྒྱབ་ནས་ཚེ་སྲོག་ཤོར་བ་མང་།།...

རང་ལ་སྐྱོན་ཆ་ཡོད་པ་བཞིན།།དམ་པས་རྟག་ཏུ་རང་བཤེར་བྱེད།།...

ཁུ་སིམ་ན་སེམས་པ་རྣལ་དུ་འབེབ།།སེམས་ལྷོད་ན་དོན་ལ་བསམ་བློ་འཁོར།།བསམ་ཐུབ་ན་དོན་བྱ་འགྲུབ་པར་ངེས།།...

པད་མའི་འདབ་མ་སྔོན་པོ་གནམ་མཐར་བསྲིངས།།ཆུ་སྐྱེས་མེ་ཏོག་ཉི་འོག་དམར་མདངས་རྒྱས།།...

གྲོན་ཆུང་ཚོད་འཛིན་ཤེས་ན་དགེ་བའི་འཆར་གཞི།།རྒྱས་སྤྲས་འཛེམ་བག་མེད་ན་སྡིག་པའི་རྒྱུ།།...

སྤུ་ཉག་གཅིག་ལས་ཅང་ཤེས་རྟའི་ངོ་མི་ཤེས།།ཚོན་མདོག་གཅིག་ལས་རི་མོའི་མཛེས་ཉམས་མི་རྟོགས།།...

གཞན་ལ་ཅི་ལྟར་རོགས་བྱས་ན།།དེ་ལྟར་རང་ཉིད་འཛོམས་པར་འགྱུར།།སྦྱིན་པ་ཅི་ལྟར་གཏོང་ཆེ་ན།།དེ་ལྟར་རང་ཉིད་ཕྱུག་པོར་འགྱུར།།...

སྒྲིག་ཁྲིམས་མེད་པར་བཟོས་པ་ན།།མི་འབྱུང་དོན་དག་ཅི་ཞིག་ཡོད།།...

རང་ཉིད་ཚུགས་ཚེ་གཞན་ཡང་ཚུགས་པར་བྱ།།རང་ཉིད་འཇོན་ཚེ་གཞན་ཡང་འཇོན་པར་བྱ།།...

ཆོག་ཤེས་ལྡན་ན་གནོད་པ་མེད།།འདོད་སྲེད་བྲལ་ན་འཚེ་བ་མེད།།...

མཁས་པས་མཁྱེན་ཀྱང་སྨྲ་བརྗོད་ཉུང་།།བརྩོན་པས་ལྷུར་ལེན་རང་བསྟོད་དབེན།།དེ་བས་མཚན་སྙན་གནམ་འོག་ཁྱབ།།...

ལྗོན་ཤིང་སྦོམ་པོ་མྱུ་གུ་ཕྲ་མོ་ལས།།སྐྱེས་ཤིང་ཁང་བརྩེགས་ས་རྡུལ་བསགས་ལས་བྱུང་།།...

མུ་མཐའ་བྲལ་བའི་རྒྱ་མཚོའི་ཀློང་ཆེན་དུ།།གྲུ་གཡོར་རླུང་གིས་དེད་ནས་ཕ་མཐར་འགྲིམ།།...

རྒྱལ་ཁབ་ལ་ནི་རྩ་བའི་ལུགས་བཞི་དེ།།གུས་ལུགས་དྲང་ལུགས་སྤྱོད་ལུགས་ཁྲེལ་ལུགས་སོ།།འདི་བཞི་ལེགས་པོར་འདྲོངས་པར་མ་བྱས་ན།།རྒྱལ་ཁབ་འཇིག་པའི་ཉེན་ཁ་འབྱུང་བར་སླ།།...

ནམ་ཡང་སྟོབས་འབྱོར་རྒྱས་པའི་རྒྱལ་ཁབ་དང་།།ནམ་ཡང་ཉམ་ཆུང་ཅན་གྱི་རྒྱལ་ཁབ་མེད།།ཁྲིམས་ལུགས་ལག་བསྟར་བཙན་ན་རྒྱལ་ཁབ་དར།།ཁྲིམས་ལུགས་ལག་བསྟར་གཉོམ་ན་རྒྱལ་ཁབ་རྒུད།།...

རྒྱལ་ཁབ་དར་རྒྱས་གཏོང་དགོས་ན།།རྒན་བཀུར་ལག་རྩལ་ཅན་ལ་འདུད།།དེ་ལྟར་བཅའ་ཁྲིམས་གནས་ཤིང་འཕེལ།།...

གནའ་རབས་ལོ་རྒྱུས་ཞིབ་ཏུ་བརྟག་པ་དང་།།དེང་གི་སྐབས་དོན་རེ་རེས་ར་སྤྲད་ནས།།འཇིག་རྟེན་ལུགས་ཀྱིས་དཔྱད་ཅིང་གོ་བསྡུར་ཚེ།།སྲིད་དབང་དར་རྒུད་གང་དེའི་ཆོས་ཉིད་རྟོགས།།...

མེ་ལོང་བལྟས་ནས་རང་སྐྱོན་བརྟག་མཁས་ན།།ལུས་ཀྱི་སྐྱོན་ཆ་མ་ལུས་འཇོམས་པར་བྱེད།།དྲང་པོ་བདེན་པའི་གཏམ་ལ་ཉན་མཁས་ན།།ནོར་འཁྲུལ་མ་ལུས་དུས་ཐོག་ཡོ་བསྲང་ཐུབ།།...

ཁེར་རྐྱང་གིས་ནི་དོན་མི་འགྲུབ།།མཉམ་ལས་བྱས་ན་ལས་མཐའ་ཆོད།།...

མི་ཚེའི་བདེན་ལུགས་གཅིག་ལས་རྟོག་འོག་འགྱུར་མང་མི་རུང་།།དེ་མིན་སོམ་ཉི་དྲ་བར་ལྟུང་ནས་ལས་ཀུན་འགྲུབ་ཏུ་མེད།།...