དེང་གི་སོམ་ཉི་ཟློག་ན་གནའ་ལ་རྟོགས།།མ་འོངས་མགོ་འཐོམ་སེལ་ན་འདས་པར་བལྟོས།།...

བཟའ་འབྲུ་རྡོག་པ་རེ་རེ་ཡང་།།དཀའ་སྤྱད་ལས་བྱུང་དྲན་པ་གཅེས།།དར་སྲིང་ཉག་མ་རེ་རེ་ཡང་།།ནོམ་དང་ངལ་བས་བསྐྱེད་པ་ཤེས།།...

སྤྱི་སེམས་རྒྱལ་ཁམས་དར་བའི་རྒྱུ།།སྒེར་སེམས་རྒྱལ་ཁམས་རྒུད་པའི་རྐྱེན།།དེ་བས་སྤྱི་སྒེར་ཁྱད་པར་ཆེ།།...

སྦྱོང་བ་འཇོན་ཐང་འཕེལ་ཕྱིར་ཡིན།།རྡར་བ་གྲི་ཁ་རྣོ་ཕྱིར་ཡིན།།...

ཐོག་མར་རང་གཅུན་བློ་སྦྱོང་བྱེད།།དེ་ནས་གནམ་འོག་སྲིད་དབང་སྐྱོང་།།...

བྱ་སྤྱོད་ལེགས་པར་བསླབས་ནས་ཡུལ་སྲོལ་སྒྱུར་མི་དགོས།།སྲིད་བཀའ་གཅིག་གྱུར་བྱས་ནས་གོམས་གཤིས་སྒྱུར་མི་དགོས།།...

བྱ་སྤྱོད་རང་ལས་བྱུང་།།སྐད་གྲགས་གཞན་གྱིས་བསྩལ།།...

ཐོག་མར་གཙོ་བོ་བརྟན་པོར་འཆང་གྱུར་ཚེ།།ཕལ་བའི་ཙག་ཙིག་གིས་ནི་གནོད་མི་འགྱུར།།...

ཟས་ཞིམ་མིན་ཟ་མཁན་གྱིས་ཤེས།།ལམ་བདེ་མིན་འགྲོ་མཁན་གྱིས་རྟོགས།།...

མཚོན་མདོག་སྣ་ལྔ་སྦྱར་བས།།གཅིག་ངོ་གཅིག་གིས་བརྒྱན་སོང་།།དབྱངས་ཀྱི་ངེས་བརྒྱད་བསྡེབས་པས།།འགྱུར་ཁུག་བདེ་སྙོམ་བྱུང་སོང་།།...

ཚེ་ལ་མཐའ་ཡོད་ཀྱང་།།ཤེས་བྱར་མཐའ་མེད་དོ།།...

རྩོམ་རིག་འཇིག་རྟེན་ལུགས་དང་བསྟུན་ནས་འགྱུར།།གང་གི་འཕེལ་འགྲིབ་དུས་ཀྱི་འགྲོས་དང་མཐུན།།...

མིག་གིས་མ་མཐོང་དབང་མེད་བློ་ཉེ་བའི།།གོང་མ་གང་ལ་འབངས་ཀྱིས་རྒྱབ་རྟེན་བཅོལ།།དུས་ཡུན་རིང་པོར་བརྗེད་དུ་མེད་པ་ཡི།།གོང་མ་གང་ལ་འབངས་ཀྱིས་སྐྱབས་སུ་བསྟེན།།...

དོན་དག་མ་བྱུང་སྔོན་ལ་འགོག།བྱུར་ཆག་མ་བྱུང་སྔོན་ལ་སེལ།།...

ཀུན་སྤྱོད་བཟང་པོས་རྒྱལ་སྲིད་སྐྱོང་ལུགས་ནི།།སྐར་ཚོགས་དབུས་ཀྱི་ཟླ་བ་ཇི་བཞིན་མཛེས།།...

ཐོས་པའི་ཐབས་མཆོག་བསམ་པ་ཡིན།།བསམ་པ་ཟབ་མོ་མེད་པ་གང་།།ལམ་གྱི་གོ་འཕང་ཐོབ་མི་འགྱུར།།དེ་ལྟར་ཐོབ་ཀྱང་ཤོར་བར་སླ།།...

མི་ཡི་ཡུལ་ལ་སེམས་སྐྱེད་ཅིང་།།སྐྱེ་འགྲོའི་དོན་ལ་སྲོག་ཀྱང་བསྡོ།།དམ་པ་གོང་མའི་རིག་རྒྱུན་སྐྱོང་།།བསྐལ་བརྒྱའི་ཞི་བདེའི་སྲོལ་ནི་འབྱེད།།...

བློ་ཁ་མཐུན་པའི་བསམ་སྤྱོད་ཀྱིས།།ཐོག་མཐའ་བར་གསུམ་རྒྱུན་བསྐྱངས་ན།།དེ་ནི་དམ་པའི་གྲོགས་མཆོག་ཉིད།།...

གནམ་གྱིས་དངོས་རིགས་སྐྱེད་པར་དུས་ཡོད་ལ།།ས་ཡིས་རྒྱུ་ནོར་སྤེལ་བར་ཚད་ཡོད་མོད།།མི་ཡི་འདོད་ཞེན་གང་དེར་ཚད་མེད་དོ།།...

གནམ་འོག་བྱུར་རྐྱེན་སེལ་ཐབས་དཀའ་བ་གང་།།ཕྱི་ཚུལ་འཇགས་པར་སྣང་ཞིང་དོན་དམ་དུ།།དཔག་དཀའི་བག་ལ་ཞ་བའི་རྐྱེན་ངན་ལགས།།ལྟད་མོར་བལྟས་ནས་སེལ་ཐབས་མ་བཙལ་ན།།བྱུར་ཆགས་འཕེལ་ནས་ཟློག་ཐབས་མེད་པར་འགྱུར།།...

བྱ་བ་ཐམས་ཅད་གྲོས་ཀྱིས་འགྲུབ།།རང་ཤེད་ཚ་བས་འགྲུབ་མི་འགྱུར།།...

ཆེན་པོའི་འཕྲིན་ལས་སུ་ལ་བསྐོས་པ་དེར།།ཐོག་མར་ལུས་དང་སེམས་ནི་ངལ་བར་བྱེད།།བཀྲེས་སྐོམ་ཕོངས་གསུམ་གྱིས་ནི་གདུང་བར་བྱེད།།བྱ་བ་སྤྱོད་པ་ཀུན་ཀྱང་དཀྲུག་པར་བྱེད།།དེ་ནས་གང་དེའི་བློ་ནི་བརྟན་འགྱུར་ལ།།བག་ལ་ཉལ་བའི་སྟོབས་ནི་མངོན་པར་འགྱུར།།...

དཔའ་བོའི་བརྗིད་ཉམས་གནམ་འོག་གང་།།ཇི་སྲིད་བར་དུ་གནས་པར་ངེས།།...

འབྲས་ལྡན་ཤིང་གིས་མ་བོས་ཀྱང་།། མི་རྣམས་དེ་ལ་ངང་གིས་འཁོར།།...

དགའ་སྤྲོའི་གཏམ་གླེང་བྱེད་ཞོར་དུ།།དོན་ཆེན་ངང་གིས་འགྲུབ་པར་བྱེད།།...