«ཞིང་ལས་རྒྱལ་ཁབ་སྟོབས་ལྡན་འཛུགས་སྐྲུན་གང་མགྱོགས་བྱས་ནས། ཞིང་ལས་དང་གྲོང་གསེབ་དེང་རབས་ཅན་དུ་འགྱུར་བར་སྐུལ་འདེད་གཏོང་དགོས།»

       ཞིང་ལས་རྒྱལ་ཁབ་སྟོབས་ལྡན་འཛུགས་སྐྲུན་བྱེད་པར་མིག་སྔར་གྲོང་གསེབ་དར་རྒྱས་གཏོང་རྒྱུ་དམ་འཛིན་གང་ལེགས་བྱེད་དགོས། “ཞིང་གསུམ”ལས་དོན་གྱི་གཙོ་གནད་ལ་ལོ་རྒྱུས་རང་བཞིན་གྱི་སྤོ་སྒྱུར་མངོན་འགྱུར་བྱུང་བས། མི་ཤུགས་ཀྱི་གཏོང་ཆ་དང་། དངོས་ཤུགས་ཀྱི་བཀོད་སྒྲིག ནོར་ཤུགས་ཀྱི་འགན་སྲུང་བཅས་ཚང་མ་གྲོང་གསེབ་དར་རྒྱས་ཀྱི་ཕྱོགས་སུ་སྤོ་སྒྱུར་བྱེད་དགོས། ལས་དོན་འདི་འགོ་བརྩམས་མ་ཐག་པ་ཡིན་པས། དཀའ་ཚེགས་དང་ལྗིད་རྫོབ་ཆེ་བའི་ལས་འགན་ད་དུང་རྗེས་སུ་ཡོད་ཅིང་། ལྷོད་གཡེང་གཏན་ནས་བྱེད་མི་རུང་ལ་འགྲོ་ལམ་དེ་བས་ཀྱང་བརྗེ་མི་རུང་། སྤྱིའི་བླང་བྱ་ནི་སྔར་བཞིན་ཐོན་ལས་དང་། ཤེས་ལྡན་མི་སྣ། རིག་གནས། སྐྱེ་ཁམས། རྩ་འཛུགས་བཅས“དར་སྤེལ་ལྔ”ལ་ཕྱོགས་ཡོངས་ནས་སྐུལ་འདེད་གཏོང་རྒྱུ་དེ་ཡིན། “དར་སྤེལ་ལྔ”ནི་ཕན་ཚུན་འབྲེལ་བ་དང་། ཕན་ཚུན་འདེགས་སྐྱོར། ཕན་ཚུན་སྐུལ་འདེད་བཅས་བྱེད་པའི་གཅིག་གྱུར་དམ་ཚགས་ཀྱི་གོང་བུ་ཞིག་ཡིན་པས། གཅིག་འདོམས་ཀྱིས་བཀོད་སྒྲིག་དང་མཐུན་སྦྱོར་ངང་སྐུལ་འདེད་གཏོང་བ་དང་། གཙོ་གནད་དམ་འཛིན་དང་ཆད་སྐྱོན་གསབ་དགོས་པར་་མ་ཟད། ད་དུང་གནད་ལ་འཕིགས་པ་དང་ཡུལ་བབ་དང་བསྟུན་རྒྱུ་ནན་བཤད་དང་། སྒྱུར་གྲངས་ནུས་འབྲས་དང་རྫས་འགྱུར་འགྱུར་འབྱུང་སྐུལ་སློང་བྱས་ཏེ། ཕྱོགས་ཡོངས་ནས་གྲོང་གསེབ་དར་རྒྱས་ལ་སྐུལ་འདེད་གཏོང་བའི་ཕན་ནུས་དང་ཕྱོད་ནུས་ཆེ་རུ་གཏོང་དགོས།