མཉམ་འབྲེལ་རྒྱལ་ཚོགས་ཀྱི་སློབ་གསོ་ཨང་དང་པོའི་གོ་ལ་ཧྲིལ་པོའི་གྲོས་འགོའི་བྱ་སྤྱོད་སྤེལ་ནས་ལོ་གཅིག་འཁོར་བའི་དྲན་གསོའི་བྱེད་སྒོའི་ཐོག་སྤེལ་བའི་བརྙན་ལམ་གྱི་ཤིས་ཚིག

       ཀྲུང་གོས་བློ་རྩ་བརྟན་པོས་ཚན་རྩལ་དང་སློབ་གསོ་ལ་བརྟེན་ནས་རྒྱལ་ཁབ་དར་རྒྱས་གཏོང་བའི་འཐབ་ཇུས་ལག་བསྟར་བྱེད་པ་དང་། ཐོག་མཐའ་བར་གསུམ་དུ་སློབ་གསོ་སྔོན་ལ་གོང་འཕེལ་གཏོང་བའི་འཐབ་ཇུས་ཀྱི་གོ་གནས་སུ་འཇོག་པ། རྒྱུན་ཆད་མེད་པར་གཏོང་སྒོ་ཆེ་རུ་གཏོང་བ། དམངས་ཡོངས་ཀྱི་སློབ་གསོ་དང་ཚེ་གང་སློབ་གསོ་གོང་སྤེལ་ཧུར་ཐག་གཏོང་བ། སློབ་སྦྱོང་ཅན་གྱི་སྤྱི་ཚོགས་འཛུགས་སྐྲུན་བཅས་བྱས་ནས། ཕྲུ་གུ་ཚང་མར་སློབ་གསོ་མྱོང་བའི་གོ་སྐབས་རག་པར་འབད་བརྩོན་དང་། མི་དམངས་དུང་ཕྱུར༡༣ལ་སྔར་བས་ལེགས་པ་དང་སྔར་བས་འདྲ་མཉམ་གྱི་སློབ་གསོ་མྱོང་རྒྱུ་ཡོད་པར་འབད་བརྩོན་བྱས་ཏེ། རང་ཉིད་ཡར་རྒྱས་ཡོང་བ་དང་། སྤྱི་ཚོགས་ལ་ལེགས་སྐྱེས་འབུལ་བ། མི་དམངས་ལ་བདེ་སྐྱིད་སྐྲུན་པ་བཅས་ཀྱི་ནུས་པ་ཐོབ་ཏུ་འཇུག་དགོས།