«ཏང་དང་རྒྱལ་ཁབ་ཀྱི་སྒྲིག་གཞི་བསྒྱུར་བཅོས་དང་ཕྱོགས་བསྡོམས་གཏིང་ཟབ་བྱེད་པའི་གྲོས་ཚོགས་ཐོག་གི་གསུང་བཤད།»

       ཏང་གི་སྐབས་བཅུ་གཅིག་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་ནི་དུས་རབས་ཀྱི་དབྱེ་མཚམས་འབྱེད་པའི་གྲོས་ཚོགས་ཤིག་སྟེ། དེས་བསྒྱུར་བཅོས་སྒོ་འབྱེད་དང་སྤྱི་ཚོགས་རིང་ལུགས་དེང་རབས་ཅན་གྱི་འཛུགས་སྐྲུན་གྱི་ལོ་རྒྱུས་ཀྱི་དུས་སྐབས་གསར་པ་བཏོད་ཡོད། ཏང་གི་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའང་དུས་རབས་ཀྱི་དབྱེ་མཚམས་འབྱེད་པའི་གྲོས་ཚོགས་ཤིག་སྟེ། དེས་ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱེད་པ་དང་མ་ལག་ཅན་དང་སྤྱི་ཡོངས་ཅན་གྱི་ཇུས་འགོད་ཀྱི་སྒོ་ནས་བསྒྱུར་བཅོས་ལ་སྐུལ་འདེད་གཏོང་བའི་དུས་རབས་གསར་པའི་སྒོ་མོ་ཕྱེ་བ་དང་། རང་རྒྱལ་གྱི་བསྒྱུར་བཅོས་སྒོ་འབྱེད་ཀྱི་རྣམ་པ་གསར་པ་བཏོད་ཡོད། ང་ཚོས་སྔར་བྱུང་མྱོང་མེད་པའི་ཆོད་སེམས་དང་ཤུགས་ཚད་ལ་བརྟེན་ནས་ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱེད་པར་སྐུལ་འདེད་བཏང་སྟེ་དཀའ་གནད་མི་ཉུང་བ་ཞིག་སེལ་ཞིང་། ཉེན་ཁ་དང་ཛ་དྲག་མི་ཉུང་བ་ཞིག་བསྒྲལ་བ་དང་། བསྒྱུར་བཅོས་ཕྱོགས་ཡོངས་ནས་ཤུགས་བཏོན་ཞིང་སྣེ་མང་པོར་ཐོད་བརྒལ་བྱས་ལ། གཏིང་ཟབ་ཀྱི་ཕྱོགས་སུ་སྤེལ་བ་བཅས་བྱས་པས། ཁྱབ་ཁོངས་གཙོ་བོའི་བསྒྱུར་བཅོས་ཀྱི་སྒྲོམ་གཞི་གཙོ་བོ་གཞི་རྩའི་ཆ་ནས་གཏན་འཁེལ་བྱུང་ནས་བྱ་གཞག་ཁག་འཕེལ་རྒྱས་འགྲོ་རྒྱུར་སྐུལ་འདེད་ནུས་ལྡན་བཏང་ཡོད།