«ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ལམ་ལུགས་འཐུས་ཚང་དང་འཕེལ་རྒྱས་གཏོང་རྒྱུ་དང་། རྒྱལ་ཁབ་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་དུ་སྐུལ་སྤེལ་གཏོང་རྒྱུ་དེ་ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱེད་པའི་སྤྱིའི་དམིགས་འབེན་དུ་འཛིན་དགོས།»

       རྒྱལ་ཁབ་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་དུ་འགྱུར་བར་སྐུལ་འདེད་གཏོང་བ་ནི་དུས་རབས་ཀྱི་འགྱུར་ལྡོག་ལ་བསྟུན་ནས་ལག་ལེན་གོང་འཕེལ་ཡོང་བའི་བླང་བྱ་དང་མི་མཐུན་པའི་སྒྲིག་སྲོལ་དང་ལམ་སྲོལ། བཅའ་ཁྲིམས་དང་ཁྲིམས་སྲོལ་བསྒྱུར་བཅོས་བྱེད་དགོས་པར་མ་ཟད། སྒྲིག་སྲོལ་དང་ལམ་སྲོལ། བཅའ་ཁྲིམས་དང་ཁྲིམས་སྲོལ་གསར་པ་ཡང་རྒྱུན་ཆད་མེད་པར་བཙུགས་ནས་ཕྱོགས་གང་ཐད་ཀྱི་ལམ་ལུགས་སྔར་བས་ཚན་རིག་དང་མཐུན་པ་དང་། སྔར་བས་འཐུས་ཚང་ཡོང་བར་བྱས་ཏེ། ཏང་དང་རྒྱལ་ཁབ་དང་སྤྱི་ཚོགས་བཅས་ཀྱི་ལས་དོན་བཅོས་སྐྱོང་བྱེད་པ་དེ་ལམ་ལུགས་ཅན་དང་། ཚད་ལྡན་ཅན། གོ་རིམ་ཅན་བཅས་སུ་མངོན་འགྱུར་ཡོང་བ་བྱ་རྒྱུ་དེ་ཡིན། བཅོས་སྐྱོང་ནུས་པ་འཛུགས་སྐྲུན་བྱ་རྒྱུར་དེ་བས་ཀྱང་མཐོང་ཆེན་བྱས་ཏེ། ལམ་ལུགས་ལྟར་དོན་དག་སྒྲུབ་པ་དང་བཅའ་ཁྲིམས་ལྟར་དོན་དག་སྒྲུབ་པའི་འདུ་ཤེས་ཟབ་ཏུ་གཏོང་དགོས་པ་དང་། ལམ་ལུགས་དང་བཅའ་ཁྲིམས་སྤྱད་དེ་རྒྱལ་ཁབ་སྐྱོང་མཁས་དགོས་ཐོག ཕྱོགས་གང་ཅིའི་ཐད་ཀྱི་ལམ་ལུགས་ཀྱི་དགེ་མཚན་རྒྱལ་ཁབ་སྐྱོང་བའི་ཕན་ནུས་ལ་སྒྱུར་དགོས་པ་དང་། ཏང་གི་ཚན་རིག་དང་མཐུན་པར་སྲིད་སྐྱོང་དང་། དམངས་གཙོས་སྲིད་སྐྱོང་། ཁྲིམས་ལྟར་སྲིད་སྐྱོང་བཅས་ཀྱི་ཆུ་ཚད་མཐོ་རུ་གཏོང་དགོས།