ཀྲུང་དབྱང་གི་ཕྱོགས་ཡོངས་བསྒྱུར་བཅོས་ཟབ་སྤེལ་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་གཅིག་པའི་ཐོག་གི་གསུང་བཤད།

       ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ལམ་ལུགས་རྒྱུན་འཁྱོངས་དང་འཐུས་སྒོ་ཚང་དུ་གཏོང་རྒྱུ་དང་། རྒྱལ་ཁབ་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་དུ་འགྱུར་བར་སྐུལ་འདེད་གཏོང་རྒྱུ་གཞུང་ཤིང་བྱས་ཏེ། བསྒྱུར་བཅོས་ལ་བརྟེན་ནས་རྒྱལ་ཁབ་ལམ་ལུགས་དང་རྒྱལ་ཁབ་བཅོས་སྐྱོང་མ་ལག་འཛུགས་པའི་རང་རྟོགས་རང་བཞིན་ཆེ་རུ་སྐྱེད་པ་དང་། ལམ་ལུགས་འཛུགས་སྐྲུན་ཞེས་པའི་གཙོ་ཐིག་འདི་གཙིགས་སུ་འཛིན་པ། མུ་མཐུད་ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱེད་པ། བཀོད་སྒྲིག་བྱས་ཟིན་པའི་བསྒྱུར་བཅོས་ཀྱི་ལས་འགན་ཁག་གི་ཡོངས་འགྲུབ་གནས་ཚུལ་གྲལ་བཤེར་དང་དག་སྒྲིག་བྱེད་དགོས་པར་མ་ཟད། ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་ཐོག་བཀོད་སྒྲིག་བྱས་པའི་བྱེད་ཐབས་གལ་ཆེན་དུས་ཐོག་ཏུ་ཉིན་རེའི་ལས་ཀའི་གྲོས་རིམ་དུའང་འཇོག་དགོས་པ་དང་། ཏང་ཀྲུང་དབྱང་གིས་གསལ་སྟོན་བྱས་པའི་རྒྱལ་ཁབ་བཅོས་སྐྱོང་གི་ཉེར་མཁོའི་ལམ་ལུགས་དང་མི་དམངས་ཀྱི་དགའ་སྐྱིད་ལྡན་པའི་འཚོ་བར་བཅངས་པའི་རེ་སྨོན་གསར་པ་སྐོང་བའི་དགོས་ངེས་ཀྱི་ལམ་ལུགས་ལ་ཞིབ་འཇུག་དང་བཀོད་སྒྲིག་བྱ་རྒྱུ་དམ་འཛིན་བྱས་ཏེ། བསྒྱུར་བཅོས་ཀྱི་ཐབས་ཚུལ་དག་སྣ་སྦྲེལ་ནུས་ལྡན་དང་མཐའ་གསལ་མཐིལ་རྟོགས་ཡོང་རྒྱུ་མངོན་འགྱུར་དང་ཕན་འབྲས་ཏན་ཏིག་ཡོང་བའི་འགན་ལེན་ཏན་ཏིག་བྱེད་དགོས།