«ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱ་རྒྱུའི་གནད་དོན་གལ་ཆེན་འགའ་ཞིག་སྐོར་གྱི་ཀྲུང་གུང་ཀྲུང་དབྱང་གི་ཆོད་དོན་སྐོར་གྱི་གསལ་བཤད།»

       བསམ་བློ་དང་འདུ་ཤེས་ཀྱི་འཆིང་རྒྱ་བརྟོལ་བ་དང་ཁེ་ཕན་གཏན་ཆགས་སུ་གྱུར་པའི་སྒོ་ར་གཏོར་དགོས་ན། བསམ་བློ་བཅིངས་འགྲོལ་གཏོང་རྒྱུ་ནི་གལ་ཆེ་ཤོས་རེད། བསྒྱུར་བཅོས་ཟབ་སྤེལ་བྱེད་པའི་གནད་དོན་ཐད། བསམ་བློ་དང་འདུ་ཤེས་ཀྱི་འགོག་རྐྱེན་འགའ་ཞིག་ནི་སྒྲིག་སྲོལ་ཕྱི་ནས་བྱུང་བ་མ་ཡིན་པར་སྒྲིག་སྲོལ་གྱི་ནང་ནས་བྱུང་བ་རེད། བསམ་བློ་བཅིངས་འགྲོལ་མ་བཏང་ན། ཁེ་ཕན་སྣ་ཚོགས་གཏན་ཆགས་སུ་གྱུར་པའི་གཞི་རྩ་གང་ལ་ཐུག་པ་ང་ཚོས་གསལ་པོར་ཤེས་དཀའ་བ་དང་། ཐོད་བརྒལ་བྱེད་པའི་ཁ་ཕྱོགས་དང་ཤུགས་རྒྱག་ས་གནད་དུ་ཟིན་དཀའ་ལ། གསར་སྐྲུན་རང་བཞིན་གྱི་བསྒྱུར་བཅོས་བྱེད་ཐབས་འདོན་དཀའ་བ་རེད། དེར་བརྟེན་རང་ངོས་གསར་བརྗེ་བྱེད་ཕོད་པའི་བློ་སྟོབས་དང་བློ་རྒྱ་ངེས་པར་དུ་ལྡན་དགོས་པ་དང་། ངེས་སྲོལ་སྣ་ཚོགས་ཀྱི་འཆིང་རྒྱ་ལས་འགྲོལ་དགོས་ཤིང་། སྡེ་ཁག་གི་ཁེ་ཕན་གྱི་འགལ་རྐྱེན་སེལ་ཐོག། ཧུར་བརྩོན་རང་འགུལ་གྱི་སྙིང་སྟོབས་ཆེན་པོས་བསྒྱུར་བཅོས་ཀྱི་བྱེད་ཐབས་ཞིབ་འཇུག་དང་གསར་འདོན་བྱེད་དགོས།
       བསྒྱུར་བཅོས་ཀྱི་བྱེད་ཐབས་འདོན་སྐབས་གཟབ་ནན་ཆེ་དགོས་པ་ལོས་ཀྱང་ཡིན་པས། ཞིབ་འཇུག་ཡང་ཡང་དང་། རིགས་པས་ཁུངས་སྐྱེལ་ཡང་ཡང་བྱེད་དགོས་མོད་ཀྱང་། དེའི་དབང་གིས་གུ་དོག་བག་འཁུམས་ཀྱི་དབང་དུ་གྱུར་ནས་གང་ཡང་བྱེད་མི་ཕོད་པ་དང་ཚོད་ལྟ་བྱེད་མི་ཕོད་པ་བྱེད་མ་རུང་། བསྒྱུར་བཅོས་བྱེད་ན། ད་ལྟའི་ལས་དོན་གྱི་བཀོད་པ་དང་སྒྲིག་སྲོལ་འཁོར་སྐྱོད་བྱེད་སྟངས་དེ་ཕྲན་ཙམ་ཡང་མི་འཐོར་བ་མི་སྲིད། གཡོ་མེད་བརྟན་འཇགས་ཤིག་ཡོང་མི་སྲིད་ལ། ཉེན་ཁ་གང་ཡང་མི་འབྱུང་བ་གཏན་ནས་མི་སྲིད། རིགས་པས་ཁུངས་སྐྱེལ་དང་དཔྱད་དཔག་གང་ལེགས་བྱུང་བ་དང་། དོན་དངོས་དང་མཐུན་པ་དང་སྒྲུབ་དགོས་ངེས་ཀྱང་ཡིན་ཕྱིན། སྒྲུབ་དགོས་རིགས་ཚང་མ་བློ་ཁོག་ཆེན་པོས་སྒྲུབ་དགོས། 　　提出改革举措当然要慎重，要反复研究、反复论证，但也不能因此就谨小慎微、裹足不前，什么也不敢干、不敢试。搞改革，现有的工作格局和体制运行不可能一点都不打破，不可能都是四平八稳、没有任何风险。只要经过了充分论证和评估，只要是符合实际、必须做的，该干的还是要大胆干。