«ཏང་གི་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ཐོག་བསམ་བློ་གཅིག་གྱུར་ཏན་ཏིག་བྱེད་དགོས།»

       ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱེད་ན་ངེས་པར་དུ་སྤྱི་ཚོགས་དྲང་སྙོམས་དྲང་བདེན་ཡོང་རྒྱུ་དང་མི་དམངས་ཀྱི་ཕན་བདེ་ཆེ་རུ་གཏོང་རྒྱུ་དེ་ཀུན་སློང་དང་དམིགས་ཡུལ་དུ་འཛིན་དགོས། འདི་ནི་ང་ཚོའི་ཏང་གིས་བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་དགོས་པའི་གཞི་རྩའི་དམིགས་འབེན་གྱི་ལྡོག་མེད་བླང་བྱ་རེད། ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱེད་ན་ངེས་པར་དུ་སྔར་ལས་དྲང་སྙོམས་དྲང་བདེན་ཡོང་བའི་སྤྱི་ཚོགས་ཁོར་ཡུག་བསྐྲུན་རྒྱུར་དམིགས་ནས། དྲང་སྙོམས་དྲང་བདེན་དང་འགལ་བའི་སྣང་ཚུལ་རྒྱུན་ཆད་མེད་པར་ཁྱད་དུ་བསད་དེ་བསྒྱུར་བཅོས་ཀྱི་གྲུབ་འབྲས་དེ་སྔར་ལས་དྲང་སྙོམས་ཀྱི་སྒོ་ནས་མི་དམངས་ཡོངས་ལ་ཕན་པའི་གསོས་སུ་འགྱུར་བར་བྱེད་དགོས། གལ་སྲིད་མི་སེར་རྣམས་ལ་མིག་མཐོང་ལག་ཟིན་གྱི་ཁེ་ཕན་སྐྲུན་མ་ཐུབ་པ་དང་། སྔར་ལས་དྲང་སྙོམས་ཀྱི་སྤྱི་ཚོགས་ཁོར་ཡུག་སྐྲུན་མ་ཐུབ་པ། ཐ་ན་དྲང་སྙོམས་མེད་པ་དེ་བས་མང་བ་བཟོས་པ་ཡིན་ན་བསྒྱུར་བཅོས་དོན་མེད་དུ་གྱུར་པ་དང་རྒྱུན་མཐུད་ཀྱང་ཐུབ་མི་སྲིད།