«ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱེད་པར་ངེས་པར་དུ་ཏང་གི་འགོ་ཁྲིད་ལ་ཤུགས་སྣོན་དང་ལེགས་བཅོས་བྱེད་དགོས།»

       བསྒྱུར་བཅོས་ལ་སྐུལ་འདེད་གཏོང་སྐབས་བསམ་བློའི་ཐབས་ཤེས་ཡང་དག་དང་རྩོད་སྒྲུབ་རིག་པ་རྒྱུན་འཁྱོངས་བྱས་ཏེ། བསམ་བློ་བཅིངས་འགྲོལ་དང་དངོས་ཐོག་བདེན་འཚོལ་བར་གྱི་འབྲེལ་བ་དང་། སྤྱི་ཡོངས་ནས་སྐུལ་འདེད་དང་གཙོ་གནད་ཐོད་བརྒལ་བར་གྱི་འབྲེལ་བ། ཁྱོན་ཡོངས་དང་ཆ་ཤས་བར་གྱི་འབྲེལ་བ། རྩེ་རིམ་ཇུས་འགོད་དང་ཆུ་ལ་དཔགས་ནས་རབ་བརྒལ་བའི་འབྲེལ་བ། སྤོབས་པ་ཆེ་ཙམ་དང་གོམ་པ་བརྟན་ཙམ་སྤོ་དགོས་པའི་འབྲེལ་བ། བསྒྱུར་བཅོས་འཕེལ་རྒྱས་བརྟན་བརླིང་གསུམ་གྱི་འབྲེལ་བ་བཅས་ཐག་གཅོད་ཡག་པོ་བྱེད་པ་དང་། བཀོལ་སྤྱོད་བྱེད་ནུས་དང་ལག་བསྟར་བྱེད་ནུས་ཆེ་རུ་གཏོང་གང་ཐུབ་བྱས་ཏེ། ཀྲུང་དབྱང་གི་ཐབས་ཇུས་བཀོད་སྒྲིག་དུས་ཐོག་དང་གནད་ལ་འཁེལ་བའི་སྒོ་ནས་དོན་ཐོག་ཏུ་འཁྱོལ་བར་འགན་ལེན་ཏན་ཏིག་བྱེད་དགོས། ཐེངས་འདིའི་ཚང་འཛོམས་གྲོས་ཚོགས་ཐོག་བཏོན་པའི་བསྒྱུར་བཅོས་བྱེད་ཐབས་མང་པོ་ཞིག་ད་ལྟ་སྤྱོད་བཞིན་པའི་བཅའ་ཁྲིམས་ཀྱི་གཏན་འབེབས་དང་འབྲེལ་བ་ཡོད། བསྒྱུར་བཅོས་གལ་ཆེན་ཡིན་ཕྱིན་བཅའ་ཁྲིམས་ཀྱི་གཞི་འཛིན་ས་ཡོད་དགོས། བཅའ་ཁྲིམས་བཟོ་བཅོས་རྒྱག་དགོས་རིགས་སྔོན་ལ་བཅའ་ཁྲིམས་བཟོ་བཅོས་བརྒྱབ་སྟེ་སྔོན་འཛུགས་རྗེས་གཏོར་བྱས་ནས་གོ་རིམ་ལྡན་པའི་སྒོ་ནས་སྤེལ་དགོས། བསྒྱུར་བཅོས་བྱེད་ཐབས་གལ་ཆེན་འགའ་ཞིག་ལ་བཅའ་ཁྲིམས་ཀྱིས་དབང་སྤྲོད་དགོས་རིགས་བཅའ་ཁྲིམས་ཀྱི་གོ་རིམ་ལྟར་སྤེལ་དགོས།