«ཞིང་ཆེན་དང་པུའུ་རིམ་པའི་འགོ་ཁྲིད་ལས་བྱེད་འཛིན་གྲྭར་གནང་བའི་གཏམ་བཤད།»

       ལེ་དབར་བརྒྱ་ལ་ལུགས་མི་འདྲ། །ལེ་དབར་སྟོང་ལ་སྲོལ་མི་འདྲ། །རྒྱལ་ཁབ་ཅིག་གིས་བཅོས་སྐྱོང་མ་ལག་གང་འདྲ་ཞིག་གདམ་གསེས་བྱ་རྒྱུ་ནི་རྒྱལ་ཁབ་དེའི་ལོ་རྒྱུས་སྲོལ་རྒྱུན་དང་། རིག་གནས་སྲོལ་རྒྱུན། དཔལ་འབྱོར་དང་སྤྱི་ཚོགས་གོང་འཕེལ་ཆུ་ཚད་བཅས་ཀྱིས་ཐག་གཅོད་ཀྱི་ཡོད་པ་དང་། རྒྱལ་ཁབ་རང་རྒྱལ་གྱི་ལོ་རྒྱུས་སྲོལ་རྒྱུན་དང་། རིག་གནས་སྲོལ་རྒྱུན། དཔལ་འབྱོར་དང་སྤྱི་ཚོགས་ཀྱི་གོང་འཕེལ་བཅས་ཀྱི་རྨང་གཞིའི་ཐོག་དུས་ཡུན་རིང་པོར་གོང་འཕེལ་བྱུང་བ་དང་། རིམ་པར་ལེགས་སྒྱུར་བྱས་པ། ནང་སྐྱེས་རང་བཞིན་གྱི་འཕོ་འགྱུར་བྱུང་བ་བཅས་ཀྱི་འབྲས་བུ་ཡིན། རང་རྒྱལ་གྱི་རྒྱལ་ཁབ་བཅོས་སྐྱོང་མ་ལག་ལེགས་སྒྱུར་དང་འཐུས་ཚང་དུ་གཏོང་དགོས་ཀྱི་ཡོད་མོད། འོན་ཀྱང་ཇི་ལྟར་ལེགས་སྒྱུར་དང་ཇི་ལྟར་འཐུས་ཚང་གཏོང་རྒྱུའི་ཐད་ལ་ང་ཚོར་འདོད་བཞེད་ཡོད་དགོས་པ་དང་ངེས་ཤུགས་ཡོད་དགོས། གལ་ཏེ་རྒྱལ་ཁབ་ཀྱི་གནས་ཚུལ་ལ་མ་བལྟས་པར་གཞན་གྱི་ལམ་ལུགས་མ་དཔེ་འདྲ་སྤོ་འདྲ་བཤུ་བྱས་ན། སྟག་གི་རི་མོ་མ་འཁྱོངས་པར་ཁྱི་རྒན་རྒྱ་བོའི་གཟུགས་བརྙན་ལ་འགྱུར་སྲིད་པས། དོན་དངོས་ཀྱི་གནད་དོན་གང་ཡང་ཐག་གཅོད་མི་ཐུབ་པར་མ་ཟད། ས་ཆུ་མི་འཕྲོད་པའི་རྐྱེན་གྱིས་ངན་འབྲས་ཚབས་ཆེན་བཟོ་སྲིད།