«ཀྲུང་དབྱང་གི་དཔལ་འབྱོར་ལས་དོན་གྲོས་ཚོགས་ཐོག་གནང་བའི་གསུང་བཤད།»

       དར་གོས་ཚོང་ལམ་དཔལ་འབྱོར་རྒྱུད་དང་དུས་རབས༢༡པའི་མཚོ་ཐོག་དར་གོས་ཚོང་ལམ་འཛུགས་སྐྲུན་བྱེད་པ་ནི། ཏང་ཀྲུང་དབྱང་གིས་ཆབ་སྲིད་དང་། ཕྱི་འབྲེལ། དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་བ་བཅས་སྤྱི་ཡོངས་ལ་གཅིག་འདོམས་བྱས་ནས་བཏོན་པའི་འཐབ་ཇུས་ཀྱི་ཇུས་གཞི་གལ་ཆེན་ཞིག་དང་། རེབ་གསར་པའི་སྒོ་འབྱེད་རྒྱ་ཆེ་རུ་གཏོང་བའི་བྱེད་ཐབས་གལ་ཆེན་ཞིག་ཡིན་ལ། མཐའ་འཁོར་གྱི་ཁོར་ཡུག་ལ་ཕན་པའི་བྱེད་ཐབས་གལ་ཆེན་ཞིག་ཀྱང་ཡིན། དཔེ་བཞག་ནས་བཤད་ན། “རྒྱུད་གཅིག་ལམ་གཅིག”འདི་ཉིད་ཀྱིས་ང་ཚོའི་ཁྱུང་ཆེན་ལ་གཤོག་པ་གཉིས་བསྒར་བ་ཡིན་ཞིང་། འཛུགས་སྐྲུན་ཡག་པོ་བྱེད་ཐུབ་ཚེ་ཁྱུང་ཆེན་སྔར་བས་མཐོ་ས་དང་སྔར་བས་རིང་སར་འཕུར་ཐུབ། འདི་ཡང་ང་ཚོས་རྒྱལ་སྤྱིའི་སྤྱི་ཚོགས་ལ་ཁས་ལེན་དམ་བཅའ་བྱས་པ་ཞིག་ཡིན་པས་ངེས་པར་དུ་ཡག་པོ་སྒྲུབ་དགོས།