«དེང་རབས་ཀྲུང་གོའི་མར་ཁེ་སིའི་རིང་ལུགས་ཀྱི་ཆབ་སྲིད་དཔལ་འབྱོར་རིག་པའི་ཡུལ་ཁམས་གསར་པ་རྒྱུན་ཆད་མེད་པར་གཏོད་དགོས།»

       ད་ལྟ་རང་རྒྱལ་དང་འཛམ་གླིང་བར་གྱི་འབྲེལ་བ་སྔར་བས་དམ་ཟབ་ཏུ་གྱུར་ཞིང་། རང་རྒྱལ་གྱི་དཔལ་འབྱོར་གྱིས་འཛམ་གླིང་གི་དཔལ་འབྱོར་ལ་ཤུགས་རྐྱེན་ཐེབས་ཚུལ་དང་། འཛམ་གླིང་གི་དཔལ་འབྱོར་གྱིས་རང་རྒྱལ་གྱི་དཔལ་འབྱོར་ལ་ཤུགས་རྐྱེན་ཐེབས་ཚུལ་ཚང་མ་སྔར་བྱུང་མྱོང་མེད་པ་ཞིག་ཡིན། དཔལ་འབྱོར་གོ་ལ་ཧྲིལ་པོ་ཅན་དུ་འཕེལ་རྒྱས་གཏིང་ཟབ་ཏུ་འགྲོ་བའི་ཆ་རྐྱེན་འོག ང་ཚོས་སྒོ་བརྒྱབ་ནས་འཛུགས་སྐྲུན་བྱེད་མི་སྲིད་པར་རྒྱལ་ནང་དང་རྒྱལ་སྤྱིའི་ཁྱོན་ཡོངས་གཉིས་གཅིག་འདོམས་བྱེད་མཁས་པོ་བྱས་ཏེ། རྒྱལ་སྤྱི་རྒྱལ་ནང་གི་ཚོང་ར་གཉིས་དང་ཐོན་ཁུངས་གཉིས་བེད་སྤྱོད་ཡག་པོ་བྱེད་དགོས། རང་རྒྱལ་གྱི་དཔལ་འབྱོར་འཛམ་གླིང་གི་དཔལ་འབྱོར་དང་མཉམ་འདྲེས་གཏིང་ཟབ་བྱེད་པའི་འཕེལ་ཕྱོགས་དང་བསྟུན་ནས། རིམ་པ་སྔར་ལས་མཐོ་བའི་སྒོ་འབྱེད་ཅན་གྱི་དཔལ་འབྱོར་འཕེལ་རྒྱས་གཏོང་བ་དང་། གོ་ལ་ཧྲིལ་པོའི་དཔལ་འབྱོར་བཅོས་སྐྱོང་ནང་ཧུར་ཐག་ཞུགས་ཏེ་རྒྱལ་སྤྱིའི་དཔལ་འབྱོར་སྒྲིག་ལམ་འདྲ་མཉམ་དྲང་གཞག་དང་མཉམ་ལས་མཉམ་རྒྱལ་གྱི་ཕྱོགས་སུ་འཕེལ་རྒྱས་འགྲོ་བར་སྐུལ་འདེད་གཏོང་དགོས་པ་དང་། དུས་མཚུངས་སུ་ང་ཚོས་རང་རྒྱལ་གྱི་འཕེལ་རྒྱས་ཁེ་ཕན་སྲུང་སྐྱོང་མཐའ་གཅིག་ཏུ་བྱེད་པ་དང་། ཉེན་ཁ་སྣ་ཚོགས་འགོག་ཟོན་ཧུར་ཐག་བྱས་ནས་རྒྱལ་ཁབ་ཀྱི་དཔལ་འབྱོར་བདེ་འཇགས་ཡོང་བར་འགན་ལེན་ཏན་ཏིག་བྱེད་དགོས།