«ཨའོ་མོན་མེས་རྒྱལ་གྱི་པང་དུ་ལོག་ནས་ལོ་ངོ་ཉི་ཤུ་འཁོར་བར་རྟེན་འབྲེལ་ཞུ་བའི་ཚོགས་ཆེན་དང་ཨའོ་མོན་དམིགས་བསལ་སྲིད་འཛིན་ཁུལ་གྱི་སྲིད་གཞུང་སྐབས་ལྔ་པའི་འགན་བཞེས་མཛད་སྒོའི་ཐོག་གི་གསུང་བཤད།»

       ཐོག་མཐའ་བར་གསུམ་དུ་རྒྱལ་ཁབ་གཅིག་ལ་ལམ་ལུགས་གཉིས་ཀྱི་ལམ་ལུགས་ཀྱི་གདེང་ཚོད་བརྟན་པོ་བཅངས་པ། རྒྱ་ཆེའི་སྤུན་ཟླ་ཨའོ་མོན་པས་རྒྱལ་ཁབ་གཅིག་ལ་ལམ་ལུགས་གཉིས་ལ་སེམས་གཏིང་ནས་གོང་བཀིར་ཞུས་པ་དང་། རྒྱལ་ཁབ་གཅིག་ལ་ལམ་ལུགས་གཉིས་ནི་ཨའོ་མོན་དུས་ཡུན་རིང་པོར་དར་རྒྱས་བརྟན་བརླིང་མཐའ་འཁྱོངས་བྱེད་པའི་ལམ་ལུགས་ཡག་ཤོས་ཡིན་པ་ཁས་ལེན་གྱི་ཡོད། རྒྱལ་ཁབ་གཅིག་ལ་ལམ་ལུགས་གཉིས་ལག་ལེན་བསྟར་བའི་བརྒྱུད་རིམ་ནང་དུ། དམིགས་བསལ་སྲིད་འཛིན་ཁུལ་གྱི་སྲིད་གཞུང་དང་སྤྱི་ཚོགས་ལས་རིགས་ཁག་གིས་རྒྱལ་ཁབ་ཀྱི་བདག་དབང་དང་། བདེ་འཇགས། འཕེལ་རྒྱས་ཀྱི་ཁེ་ཕན་བཅས་སྲུང་སྐྱོང་བྱེད་པ་དང་ཨའོ་མོན་དུས་ཡུན་རིང་པོར་དར་རྒྱས་བརྟན་བརླིང་ཡོང་བ་སྲུང་སྐྱོང་བྱེད་པ་གཉིས་གཅིག་གྱུར་བྱ་རྒྱུ་རྒྱུན་འཁྱོངས་བྱས་པ་དང་། བློ་རྩ་བརྟན་པོའི་ངང་གནས་སྐབས་ཀྱི་དཀའ་ཚེགས་ལ་གཉའ་སྒུར་ནས་གཡོ་འགུལ་མ་བཏང་ཞིང་། ཕྱིའི་བར་ཆད་ལ་མགོ་མི་རྨོངས་པ་བྱས་ནས། རྒྱལ་ཁབ་ཀྱི་འཕེལ་རྒྱས་འཐབ་ཇུས་གལ་ཆེན་དང་སྲིད་ཇུས་ཀྱི་རྒྱབ་སྐྱོར་རབ་དང་རིམ་པ་ལས་བྱུང་བའི་གོ་སྐབས་སྟངས་འཛིན་བྱེད་མཁས་པོ་དང་། བབ་བསྟུན་འཕྲལ་སྒྲུབ་བྱས་ནས་རྒྱལ་ཁབ་འཕེལ་རྒྱས་ཀྱི་སྤྱི་ཡོངས་ནང་འདྲེས་ཐབས་བྱེད་པའི་གོ་རིམ་ནང་དུ་རང་ཉིད་ཀྱི་སྔར་ལས་ལྷག་པའི་འཕེལ་རྒྱས་མངོན་འགྱུར་བྱས་ཡོད།
       ཨའོ་མོན་གྱི་ལམ་ལྷོང་ལག་ལེན་ལས་ང་ཚོར་ར་སྤྲོད་བྱས་ཡོད་དོན། རྒྱལ་ཁབ་གཅིག་ལ་ལམ་ལུགས་གཉིས་ཡིད་ཆེས་བརྟན་པོས་ལག་བསྟར་བྱས་ཕྱིན། རྒྱལ་ཁབ་གཅིག་ལ་ལམ་ལུགས་གཉིས་གསོན་ཤུགས་དང་ཁྱད་འཕགས་རང་བཞིན་སྒོ་ཀུན་ནས་མངོན་ཡོང་གི་རེད།