«ཨའོ་མོན་མེས་རྒྱལ་གྱི་པང་དུ་ལོག་ནས་ལོ་ངོ་ཉི་ཤུ་འཁོར་བར་རྟེན་འབྲེལ་ཞུ་བའི་ཚོགས་ཆེན་དང་ཨའོ་མོན་དམིགས་བསལ་སྲིད་འཛིན་ཁུལ་གྱི་སྲིད་གཞུང་སྐབས་ལྔ་པའི་འགན་བཞེས་མཛད་སྒོའི་ཐོག་གི་གསུང་བཤད།»

       ཐོག་མཐའ་བར་གསུམ་དུ་རྒྱལ་ཁབ་གཅིག་ལ་ལམ་ལུགས་གཉིས་ཀྱི་ཡང་དག་པའི་ཁ་ཕྱོགས་བཟུང་བ། རྒྱ་ཆེའི་སྤུན་ཟླ་ཨའོ་མོན་པས་རྒྱལ་ཁབ་གཅིག་ནི་ལམ་ལུགས་གཉིས་ཀྱི་སྔོན་འགྲོ་དང་རྨང་གཞི་ཡིན་པ་ཁས་ལེན་ཟབ་མོ་བྱེད་པ་དང་། དར་ཆ་གསལ་སྒྲེང་གིས་རྩ་ཁྲིམས་དང་གཞི་རྩའི་བཅའ་ཁྲིམས་ལས་གཏན་ལ་ཕབ་པའི་རྩ་ཁྲིམས་ཅན་གྱི་སྒྲིག་ལམ་སྲུང་སྐྱོང་དང་། རྒྱལ་ཁབ་ཀྱི་གཙོ་གཞིས་ལག་བསྟར་བྱེད་པའི་སྤྱི་ཚོགས་རིང་ལུགས་ཀྱི་ལམ་ལུགས་ལ་བརྩི་འཇོག ཀྲུང་དབྱང་དང་དམིགས་བསལ་སྲིད་འཛིན་ཁུལ་ལ་འབྲེལ་བ་ཡོད་པའི་འབྲེལ་ཡོད་གནད་དོན་ཐག་གཅོད་ཡང་དག་པ་བཅས་བྱེད་ཀྱི་ཡོད། དམིགས་བསལ་སྲིད་འཛིན་ཁུལ་གྱི་སྲིད་འཛིན་དང་། ཁྲིམས་འཛུགས་དང་། ཁྲིམས་འཛིན་བཅས་ཀྱི་ལས་ཁུངས་ཚང་མས་ཀྲུང་དབྱང་གིས་དམིགས་བསལ་སྲིད་འཛིན་ཁུལ་ལ་ཕྱོགས་ཡོངས་ནས་དོ་དམ་དང་བཅོས་སྐྱོང་བྱེད་པའི་དབང་ཆ་སྲུང་སྐྱོང་བྱེད་པ་དང་དམིགས་བསལ་སྲིད་འཛིན་ཁུལ་གྱི་ཚད་མཐོའི་རང་སྐྱོང་དབང་ཆ་འགན་སྲུང་བྱེད་པ་གཉིས་གཞི་མཐུན་པར་ཟུང་འབྲེལ་བྱ་རྒྱུ་རྒྱུན་འཁྱོངས་བྱས་ཏེ། རྒྱལ་ཁབ་གཅིག་གི་རྩ་དོན་གྱི་མཐའ་ཚད་བརྟན་པོར་བསྲུངས་ཤིང་ཀྲུང་དབྱང་གི་དབང་ཆ་དང་གཞི་རྩའི་བཅའ་ཁྲིམས་ཀྱི་དབང་གྲགས་རང་རྟོགས་ངང་སྲུང་སྐྱོང་བྱས་ཡོད།
       ཨའོ་མོན་གྱི་ལམ་ལྷོང་ལག་ལེན་གྱིས་ང་ཚོར་ར་སྤྱོད་བྱས་ཡོད་དོན། རྒྱལ་ཁབ་གཅིག་ལ་ལམ་ལུགས་གཉིས་ཀྱི་ལག་ལེན་དེ་རྣམ་པ་དང་ངོ་བོ་མི་འགྱུར་བར་འགན་ལེན་ཏན་ཏིག་བྱས་ན་གཞི་ནས་རྒྱལ་ཁབ་གཅིག་ལ་ལམ་ལུགས་གཉིས་ཀྱི་བྱ་གཞག་གོམ་སྟབས་བརྟན་པོའི་ངང་ཕ་མཐར་སྐྱོད་ཐུབ་པ་རེད། 　　澳门的成功实践告诉我们，确保“一国两制”实践不变形、不走样，才能推动“一国两制”事业行得稳、走得远。