ཨ་རིའི«ཧྭ་ཨེར་སྲང་ལམ་ཉིན་རེའི་ཚགས་པར»གྱི་ཡིག་ཐོག་བཅར་འདྲི་དང་ལེན་བྱེད་སྐབས་ཀྱི་དྲིས་ལན།

       འཛམ་གླིང་ཐོག་དཔྱོད་ལྡན་པ་མང་པོ་ཞིག་གིས། འཛམ་གླིང་རྒྱུན་ཆད་མེད་པར་འཕེལ་རྒྱས་དང་འགྱུར་ལྡོག་བྱུང་བ་དང་། མིའི་རིགས་ཀྱི་མདུན་དུ་ལྷགས་པའི་རྒྱལ་མཚམས་བརྒལ་བའི་རང་བཞིན་དང་སའི་གོ་ལ་ཧྲིལ་པོའི་རང་བཞིན་གྱི་འགྲན་སློང་ཚབས་ཆེན་ཉིན་བཞིན་ཇེ་མང་དུ་སོང་བ་དང་ཆབས་ཅིག། གོ་ལ་ཧྲིལ་པོའི་བཅོས་སྐྱོང་སྒྲིག་སྲོལ་དང་ལམ་སྲོལ་ལ་བབ་མཚུངས་ཀྱི་ལེགས་སྒྲིག་དང་བསྒྱུར་བཅོས་བྱེད་པའི་དགོས་པ་ཡོད་པར་དགོངས། བསྒྱུར་བཅོས་འདི་རིགས་ནི་ལྡོག་འདེད་བྱེད་པ་ཞིག་མིན་ལ། ཐབ་གསར་ལོགས་སུ་འཛུགས་པ་ཞིག་ཀྱང་མིན་པར། གསར་གཏོད་དང་འཐུས་ཚང་དུ་གཏོང་བ་ཞིག་ཡིན། “དབུལ་ན་བསྒྱུར་བ་དང་། བསྒྱུར་ན་འཕེལ་བ”ཡིན། རྒྱལ་ཁབ་ཅིག་དང་ཡང་ན་འཛམ་གླིང་གང་ཡིན་རུང་ཚང་མ་དུས་བསྟུན་མདུན་སྐྱོད་བྱེད་དགོས་ཏེ། དེ་ལྟར་བྱས་ན་ད་གཟོད་སྐྱེ་སྟོབས་རྒྱུན་འཁྱོངས་བྱེད་ཐུབ། གོ་ལ་ཧྲིལ་པོའི་བཅོས་སྐྱོང་མ་ལག་སྔར་ལས་དྲང་གཞག་ལུགས་མཐུན་ནུས་ལྡན་བཅས་ཀྱི་ཕྱོགས་སུ་འཕེལ་རྒྱས་འགྲོ་བར་སྐུལ་འདེད་གཏོང་རྒྱུ་དེ་འཛམ་གླིང་རྒྱལ་ཁབ་ཁག་གི་ཡོངས་ཁྱབ་ཀྱི་དགོས་མཁོ་དང་མཐུན།