«མཉམ་གྲོས་མཉམ་སྐྲུན་མཉམ་སྤྱོད་བཅས་ཀྱི་གོ་ལ་ཧྲིལ་པོའི་བཅོས་སྐྱོང་འདུ་ཤེས་དར་སྤེལ་གཏོང་དགོས།»

       གོ་ལ་ཧྲིལ་པོའི་བཅོས་སྐྱོང་སྒྲིག་སྲོལ་ནང་གི་དྲང་གཞག་དང་ལུགས་མཐུན་མིན་པའི་བཀོད་སྒྲིག་བསྒྱུར་བཅོས་བྱེད་པར་སྐུལ་འདེད་གཏོང་བ་དང་། རྒྱལ་སྤྱིའི་དངུལ་ལོར་ཐེབས་རྩའི་རྩ་འཛུགས་དང་འཛམ་གླིང་དངུལ་ཁང་སོགས་རྒྱལ་སྤྱིའི་དཔལ་འབྱོར་དང་དངུལ་རྩའི་རྩ་འཛུགས་ཀྱིས་རྒྱལ་སྤྱིའི་གནས་སྟངས་འགྱུར་ལྡོག་ཏན་ཏིག་མཚོན་པར་སྐུལ་འདེད་བྱེད་ཅིང་། ཁྱད་པར་དུ་གསར་དར་ཚོང་རའི་རྒྱལ་ཁབ་དང་འཕེལ་རྒྱས་འགྲོ་བཞིན་པའི་རྒྱལ་ཁབ་ཀྱི་འཐུས་ཚབ་རང་བཞིན་དང་གཏམ་དབང་ཇེ་མང་དུ་གཏོང་བ། རྒྱལ་སྤྱིའི་དཔལ་འབྱོར་མཉམ་ལས་ཁྲོད་རྒྱལ་ཁབ་ཁག་གི་དབང་ཆ་འདྲ་མཉམ་དང་། གོ་སྐབས་འདྲ་མཉམ། སྒྲིག་སྲོལ་འདྲ་མཉམ་བཅས་ཡོང་བར་སྐུལ་འདེད་གཏོང་བ། གོ་ལ་ཧྲིལ་པོའི་བཅོས་སྐྱོང་སྒྲིག་སྲོལ་དམངས་གཙོ་ཅན་དང་ཁྲིམས་སྐྱོང་ཅན་དུ་འགྱུར་བར་སྐུལ་འདེད་གཏོང་བ་བཅས་ཀྱིས་གོ་ལ་ཧྲིལ་པོའི་བཅོས་སྐྱོང་སྒྲིག་སྲོལ་གྱིས་སྔར་ལས་དོ་མཉམ་གྱི་སྒོ་ནས་རྒྱལ་ཁབ་མང་ཆེ་བའི་འདོད་བློ་དང་ཁེ་ཕན་མཚོན་གང་ཐུབ་བྱེད་དུ་འཇུག་དགོས། རྒྱལ་སྤྱིའི་དཔལ་འབྱོར་དངུལ་རྩའི་ཁྱབ་ཁོངས་དང་། གསར་དར་ཁྱབ་ཁོངས། མཐའ་འཁོར་ས་ཁོངས་མཉམ་ལས་སོགས་ཐད་ཀྱི་ལམ་སྲོལ་གསར་པ་དང་སྒྲིག་སྲོལ་གསར་པ་འཛུགས་པར་སྐུལ་འདེད་དང་། ས་ཁོངས་མཉམ་ལས་ལམ་སྲོལ་འཛུགས་སྐྲུན་དང་འཐུས་སྒོ་ཚང་དུ་གཏོང་བར་སྐུལ་འདེད། མཐའ་འཁོར་ས་ཁོངས་མཉམ་ལས་བྱེད་ཤུགས་ཇེ་ཆེ། རྒྱལ་སྤྱིའི་སྤྱི་ཚོགས་ཀྱིས་ཐོན་ཁུངས་དང་ནུས་ཁུངས་བདེ་འཇགས་དང་། འབྲུ་རིགས་བདེ་འཇགས། དྲ་རྒྱའི་ཆ་འཕྲིན་བདེ་འཇགས། གནམ་གཤིས་འགྱུར་ལྡོག་ལ་ཁ་གཏད་འཇལ་བ། འཇིགས་སྐུལ་རིང་ལུགས་ལ་རྡུང་རྡེག་གཏོང་བ། འགོས་ནད་ཚབས་ཆེན་འགོག་ཟོན་བྱེད་པ་སོགས་གོ་ལ་ཧྲིལ་པོའི་རང་བཞིན་ལྡན་པའི་འགྲན་སློང་ལ་ཁ་གཏད་འཇལ་བའི་ནུས་པ་ཇེ་ཆེ་བཅས་སུ་གཏོང་དགོས།