«ཐོག་མའི་བསམ་འདུན་མི་བརྗེད་པར་འགན་འཁྲི་བློ་ལ་བརྟན་པོར་འཆང་བ་ཡི་བརྗོད་དོན་གཙོ་བོའི་སློབ་གསོ་ཕྱོགས་བསྡོམས་བྱེད་པའི་ཚོགས་ཆེན་ཐོག་གནང་བའི་གསུང་བཤད།»

       ཐོག་མའི་བསམ་འདུན་མི་བརྗེད་པར་འགན་འཁྲི་ཡིད་ལ་བརྟན་པོར་འཆང་ཞེས་པ་དེ་ངེས་པར་དུ་ཏང་འཛུགས་སྐྲུན་བྱེད་ཤུགས་ཆེ་རུ་གཏོང་བའི་རྟག་བརྟན་གྱི་བརྗོད་གཞི་དང་། ཏང་ཡོན་དང་ལས་བྱེད་པ་ཡོངས་ཀྱི་ཚེ་གང་གི་བསྒྲུབ་གཞི་ཞིག་ཏུ་བརྩིས་ནས་དམ་འཛིན་ལྷོད་མེད་བྱེད་དགོས། མི་སྒེར་རམ་སྲིད་ཏང་གང་ཞིག་ཡིན་ཡང་། ཆེས་རྩ་ཆེ་བ་ནི་དཀའ་སྡུག་མང་པོ་བརྒྱུད་ནའང་ཐོག་མའི་བསམ་འདུན་མི་འགྱུར་བ་དང་དཀའ་སྡུག་ཚད་མེད་མྱངས་ནའང་རང་མདངས་སྔར་བཞིན་སྲུང་ཐུབ་པ་དེ་ཡིན། ཏང་གི་ཐོག་མའི་བསམ་འདུན་དང་འགན་འཁྲི་ནི་ཏང་གི་ངོ་བོ་དང་དམིགས་ཡུལ། ཕུགས་བསམ་དང་དད་སེམས། འབད་འཐབ་དམིགས་འབེན་བཅས་ཀྱི་གཅིག་བསྡུས་ཀྱི་མཚོན་བྱེད་ཡིན་ཞིང་། དེས་ང་ཚོའི་ཏང་གིས་གཏན་དུ་སྲུང་བརྩི་བྱེད་པར་སྐུལ་ལྕག་དང་བློ་རྩ་བརྟན་པོས་མདུན་དུ་སྐྱོད་པར་སྐུལ་མ་གཏོང་བཞིན་ཡོད།