«གསར་གཏོད་དང་། མཐུན་སྦྱོར། ལྗང་མདོག། སྒོ་འབྱེད། མཉམ་སྤྱོད་བཅས་ཀྱི་འཕེལ་རྒྱས་འདུ་ཤེས་སློབ་སྦྱོང་དང་གོ་བ་གཏིང་ཟབ་ལེན་དགོས།»

       ལས་བྱེད་པས་བསྒྱུར་བཅོས་ལ་སྐུལ་འདེད་གཏོང་བའི་ཁྲོད་དུ་ཉམས་མྱོང་ཞན་པ་དང་ཐོག་མར་ལག་བསྟར་དང་ཚོད་ལྟ་བྱས་པ་ལས་བྱུང་བའི་ནོར་འཛོལ་དང་ནོར་འཁྲུལ་དེ་ནི། རྐང་བཙུགས་ནས་སྤེལ་བའི་སྒྲིག་འགལ་ཁྲིམས་འགལ་གྱི་བྱ་སྤྱོད་དང་དབྱེ་བ་འབྱེད་པ་དང་། གོང་རིམ་ནས་ཚོད་འཛིན་ཁ་གསལ་བཟོས་མེད་པའི་འཚོལ་ཞིབ་རང་བཞིན་གྱི་ཚོད་ལྟ་བྱས་པ་ལས་བྱུང་བའི་ནོར་འཛོལ་དང་ནོར་འཁྲུལ་དེ་ནི། གོང་རིམ་ནས་བཀའ་རྒྱ་གསལ་པོ་བསྡམས་རྗེས་ད་དུང་རང་སྣང་གང་ཤར་དུ་སྤེལ་བའི་སྒྲིག་འགལ་ཁྲིམས་འགལ་གྱི་བྱ་སྤྱོད་དང་དབྱེ་བ་འབྱེད་པ། འཕེལ་རྒྱས་ལ་སྐུལ་འདེད་གཏོང་བ་ལས་བྱུང་བའི་བསམ་ཡུལ་ལས་འདས་པའི་ལས་འཛོལ་ནི། སྒེར་དོན་སྒྲུབ་ཆེད་སྤེལ་བའི་སྒྲིག་འགལ་ཁྲིམས་འགལ་གྱི་བྱ་སྤྱོད་དང་དབྱེ་བ་འབྱེད་པ་བཅས་བྱས་ཏེ། སྤྱོད་ཚུལ་དྲང་ལ་ལས་དོན་སྒྲུབ་ཕོད་པ་དང་དཀའ་སྤྱད་ཡར་བརྩོན་བྱེད་པའི་ལས་བྱེད་པ་རྣམས་སྲུང་སྐྱོབ་བྱེད་པ་དང་། རྒྱ་ཆེའི་ལས་བྱེད་པའི་ཧུར་བརྩོན་རང་བཞིན་དང་། རང་འགུལ་རང་བཞིན། གསར་གཏོད་རང་བཞིན་བཅས་ཚད་ཆེ་ཤོས་ཀྱི་སྒོ་ནས་སྐུལ་སློང་བྱེད་པ། ཁོང་ཚོས་སྔར་ལས་ལྷག་པའི་སྒོ་ནས་མང་ཚོགས་ལ་སྣེ་ཁྲིད་བྱས་ཏེ་ལས་དོན་སྒྲུབ་ཅིང་ལས་ལམ་གསར་འབྱེད་བྱེད་པར་སྐུལ་མ་གཏོང་བ་བཅས་བྱས་ཐོག དུས་བཀག་ལྟར་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་ཚར་བ་ལ་འགན་ལེན་ཏན་ཏིག་བྱེད་དགོས་པ་དང་། རྒྱུན་ཆད་མེད་པར་སྤྱི་ཚོགས་རིང་ལུགས་ཀྱི་དེང་རབས་ཅན་འཛུགས་སྐྲུན་བྱེད་པའི་རྣམ་པ་གསར་པ་གཏོད་དགོས།