ཡུན་ནན་དུ་བརྟག་ཞིབ་གནང་སྐབས་གནང་བའི་གསུང་བཤད།

       ཏང་གི་ལོ་རྒྱུས་དང་ཀྲུང་གོ་གསར་པའི་ལོ་རྒྱུས་སློབ་སྦྱོང་བྱས་ནས། ཏང་གི་ཐོག་མའི་བསམ་འདུན་དང་འགན་འཁྲིའི་རིན་ཐང་རྟོགས་དགོས་ལ། ཏང་གི་ཐོག་མའི་བསམ་འདུན་དང་འགན་འཁྲི་སྲུང་བའི་གལ་འགངས་རང་བཞིན་ཡང་རྟོགས་དགོས། ཡུན་ནན་དུ་གཟི་བརྗིད་ལྡན་པའི་གསར་བརྗེའི་སྲོལ་རྒྱུན་ཡོད་ལ། མི་སེམས་འགུལ་བའི་གཏམ་རྒྱུད་ཀྱང་མང་པོ་ཡོད། གཏམ་རྒྱུད་འདི་དག“ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”སློབ་གསོའི་གསོན་ཉམས་ལྡན་པའི་བསླབ་གཞིར་བཟུང་ནས། རྒྱ་ཆེའི་ཏང་ཡོན་དང་ལས་བྱེད་པས་རྒྱུན་ཆད་མེད་པར་ཐོག་མའི་བསམ་འདུན་ལ་ཞིབ་བཤེར་དང་ཐོག་མའི་བསམ་འདུན་ལེགས་པར་སྐྱོང་རྒྱུར་ཁྲིད་སྟོན་བྱས་ཏེ། ལྷག་བསམ་རྣམ་དག་དང་། སྤྱོད་གཙང་། འགན་འཁྲི་འཁུར་ཕོད་པ་བཅས་ཀྱི་ཆབ་སྲིད་ཀྱི་གཤིས་རྒྱུད་ལ་རྒྱུན་ཆད་མེད་པར་ཞུན་བརྡར་སྤྲོད་དགོས།