ཚོགས་ཞུགས་ཆེད་མཁས་དང་མཁས་དབང་ཚོས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྟོན་དུ་འཛིན་པ་རྒྱུན་འཁྱོངས་བྱས་ཏེ།ཏང་གི་ཚོགས་ཆེན་ཉི་ཤུ་པའི་དགོངས་དོན་ཕྱོགས་ཡོངས་ནས་ལག་ལེན་མཐར་ཕྱིན་བྱེད་པ་དང་།མི་རིགས་ལས་དོན་ལ་ཤུགས་སྣོན་དང་ལེགས་བཅོས་བྱ་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་སློབ་སྦྱོང་དང་ལག་བསྟར་ནན་ཏན་དང་།ཚད་གཞི་མཐོན་པོ་དང་བླང་བྱ་ནན་པོའི་སྒོ་ནས་གཅིག་གྱུར་གཏན་འབེབས་ལས་དོན་ནན་ཏན་ངང་སྤེལ་བ།མི་རིགས་ཁག་གིས་ཡང་དག་པའི“ལྟ་བ་ལྔ”འཛུགས་པར་རྒྱུན་ཆད་མེད་པར་སྐུལ་འདེད་གཏོང་བ་དང་“ངོས་འཛིན་ལྔ་”ཇེ་བརྟན་དུ་གཏོང་བ།མི་རིགས་ཁག་གི་ཕུལ་བྱུང་སྲོལ་རྒྱུན་རིག་གནས་དར་སྤེལ་གཏོང་བ་བཅས་བྱས་ཏེ།ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་སྐྱེད་ཆེད་ལེགས་སྐྱེས་གསར་པ་སྔར་ལས་ཆེ་བ་འབུལ་རྒྱུ་ཡིན་པའི་ངོས་འཛིན་གནང་ཡོད་པ་རེད།...

ཟླ10ཚེས21ཉིན།བོད་ལྗོངས་བོད་ལུགས་གསོ་རིག་སློབ་ཆེན་དང་མཚོ་སྔོན་སློབ་ཆེན་བོད་ལུགས་གསོ་རིག་སློབ་གླིང་གཉིས་ཀྱིས་མཉམ་དུ་གཉེར་བ་དང་།“བོད་ལུགས་གསོ་རིག་རྒྱུན་འཛིན་དང་གསར་གཏོད་མཉམ་འདྲེས”ཞེས་པ་བརྗོད་དོན་གཙོ་བོར་བྱས་པའི་རྒྱལ་ཡོངས་ཀྱི་སྐབས་གསུམ་པའི་བོད་ལུགས་གསོ་རིག་འབུམ་རམས་ཞིབ་འཇུག་སློབ་མའི་གླེང་སྟེགས་ལྷ་སར་ཚོགས་འགོ་ཚུགས་ཡོད།རྒྱལ་ཡོངས་ས་གནས་ཁག་ནས་ཕེབས་པའི་བོད་ལུགས་གསོ་རིག་ཁྱབ་ཁོངས་ཀྱི་ཚན་ཞིབ་དང་སློབ་ཁྲིད།ནད་ཐོག་ཆེད་མཁས་བཅས་དང་སློབ་ཆེན་ཁག་གི་བོད་ལུགས་གསོ་རིག་ཁྱབ་ཁོངས་ཀྱི་འབུམ་རམས་ཞིབ་འཇུག་སློབ་མ་ཐེངས་འདིའི་གླེང་སྟེགས་ལ་ཞུགས་ཡོད།...

ཟླ10པའི་ཚེས19ཉིན།རྒྱལ་ཡོངས་ཀྱི་བོད་ཡིག་དཔེ་རྙིང་ལེགས་སྒྲིག་དང་ཞིབ་འཇུག་སྐོར་གྱི་མཐོ་རིམ་གླེང་སྟེགས་ཐེངས་ལྔ་པ་བདེ་ཆེན་ཁུལ་དུ་འཚོགས།ཐེངས་འདིའི་གླེང་སྟེགས་ནི་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་ཚན་ཞིབ་གཞུང་ལས་ཁང་དང་ཡུན་ནན་ཞིང་ཨུའི་འཐབ་ཕྱོགས་གཅིག་འགྱུར་པུའུ་ཡིས་གཙོ་གཉེར་བྱས་ལ།ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་དཔེ་མཛོད་ཁང་དང་ཡུན་ནན་བོད་བརྒྱུད་ནང་བསྟན་སློབ་གླིང་གིས་རོགས་གཉེར་གྱིས་སྒྲུབ་པ་ཞིག་རེད།འགོ་ཚུགས་མཛད་སྒོར་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་ཚན་ཞིབ་གཞུང་ལས་ཁང་གི་ཀྲུའུ་རེན་ཧུའུ་ཧྲའོ་ཅེ་དང་ཡུན་ནན་ཞིང་ཨུའི་འཐབ་ཕྱོགས་གཅིག་འགྱུར་པུའུ་ཡི་པུའུ་ཀྲང་གཞོན་པ་ཝུའུ་ཡུན་སན།བདེ་ཆེན་ཁུལ་ཨུའི་རྒྱུན་ཨུ།འཐབ་ཕྱོགས་གཅིག་འགྱུར་པུའུ་ཡི་པུའུ་ཀྲང་སྐལ་བཟང་རྣམ་རྒྱལ་བཅས་ཕེབས་ཡོད།...

ཟླ10ཚེས16ཉིན་ཀྲུང་གོའི་རྒྱལ་ཁབ་སྤྱི་ཚོགས་ཚན་རིག་ཐེབས་རྩའི་རྣམ་གྲངས་གལ་ཆེན«ཀྲུང་གོའི་བོད་བརྒྱུད་ནང་བསྟན་དགོན་པའི་ལོ་རྒྱུས་ཆེན་མོ»རྩོམ་སྒྲིག་དང་བོད་ཡིག་གི་དགོན་སྡེའི་གདན་རབས་ཡིག་ཚང་དག་སྒྲིག་དང་ཞིབ་འཇུག་ཅེས་པའི་དཔྱད་སྒོ་འབྱེད་པའི་ཚོགས་འདུ་མཚོ་སྔོན་དགེ་འོས་སློབ་ཆེན་དུ་འཚོགས་པ་རེད།«ཀྲུང་གོའི་བོད་བརྒྱུད་ནང་བསྟན་དགོན་པའི་ལོ་རྒྱུས་ཆེན་མོ»ཞེས་པའི་ཡན་ལག་ཞིབ་འཇུག་བྱ་གཞིས་བོད་ལྗོངས་ཀྱི་ལེའུ་དང་།སི་ཁྲོན་དང་ཡུན་ནན་གྱི་ལེའུ།ཀན་སུའུ་དང་མཚོ་སྔོན་གྱི་ལེའུ།པེ་ཅིང་དང་ནང་སོགཤིན་ཅང་གི་ལེའུ་བཅས་པོད་བཞིན་རྩོམ་སྒྲིག་བྱ་རྒྱུ་དང་།གཞན་བོད་ཡིག་གི་དགོན་པའི་གདན་རབས་ཡིག་ཚང་གྲངས་འཛིན་ཅན་མཉམ་སྤྱོད་ཞབས་ཞུའི་ལས་སྟེགས་ཀྱི་ཡན་ལག་ཞིབ་འཇུག་བྱ་གཞིས་རིག་ནུས་ཅན་གྱི་ཐག་གཅོད་ལ་ཕྱོགས་པའི་བོད་ཡིག་གི་དགོན་པའི་གདན་རབས་ཡིག་ཚང་གི་གྲངས་གཞིའི་མཛོད་འཛུགས་རྒྱུ་ཡིན་ཞིང་།པར་ངོས་དང་ཡི་གེ་ཞིབ་དཔྱད།དབྱེ་འབྱེད་སོགས་ཀྱི་ལག་རྩལ་སྤྱད་དེ་བོད་ཡིག་གི་དགོན་པའི་གདན་རབས་ཡིག་ཚང་རང་འགུལ་ངང་དབྱེ་འབྱེད་དང་ཞིབ་དཔྱད་ཐུབ་པ་བྱ་རྒྱུ་རེད།...

༢༠༢༣ལོའི་ཟླ༡༠པའི་ཚེས༡༥ཉིན།༢༠༢༢ལོའི་རྒྱལ་ཁབ་སྤྱི་ཚོགས་ཚན་རིག་ཐེབ་རྩའི་གནད་ཆེའི་ལས་གཞི«བོད་ལྗོངས་མཐའ་མཚམས་ཀྱི་རྒྱ་བོད་ལོ་རྒྱུས་ཡིག་ཚང་ལེགས་སྒྲིག་དང་ཡིག་སྒྱུར་ཞིབ་འཇུག»(22&ZD330)གི་དངོས་གཞི་ལག་བསྟར་དཔྱད་བརྗོད་ཚོགས་འདུ་དེ།ནུབ་བྱང་མི་རིགས་སློབ་གྲྭ་ཆེན་མོ་ནས་བདེ་བླག་ངང་བསྡུས།རྒྱལ་ཁབ་མི་རིགས་དོན་གཅོད་ཨུ་ཡོན་ལྷན་ཁང་དང་ཀྲུང་གོའི་བོད་རིག་པ་ཞིབ་འཇུག་ལྟེ་གནས།ནུབ་བྱང་མི་རིགས་སློབ་གྲྭ་ཆེན་མོ།ལན་གྲུ་སློབ་གྲྭ་ཆེན་མོ།བོད་ལྗོངས་སློབ་གྲྭ་ཆེན་མོ།ལྷོ་ནུབ་མི་རིགས་སློབ་གྲྭ་ཆེན་མོ།བོད་ལྗོངས་ཡིག་ཚགས་ཁང་།བོད་ལྗོངས་རྟེན་རྫས་ཁང་སོགས་མཐོ་སློབ་དང་ཞིབ་འཇུག་ལས་ཁུངས་ཀྱི་ཆེད་མཁས་པ༣༠ལྷག་དབུ་འབྱེད་ཚོགས་འདུར་ཞུགས།...

ཉིན་ཤས་གོང་།ཀྲུང་གོ་སྤྱི་ཚོགས་ཚན་རིག་ཁང་མི་རིགས་རྩོམ་རིག་ཞིབ་འཇུག་ཁང་གིས་གཙོ་གཉེར་བྱས་པའི་ཀྲུང་གོའི་དཔའ་བོའི་ལོ་རྒྱུས་སྙན་རྩོམ་ཆེན་མོ་གསུམ་གྱི་གསར་གཏོད་རང་བཞིན་གྱི་བརྗེ་སྒྱུར་དང་གསར་གཏོད་རང་བཞིན་གྱི་གོང་འཕེལ་ཞེས་པའི་རྒྱལ་སྤྱིའི་གླེང་སྟེགས་པེ་ཅིང་དུ་འཚོགས་པ་དང་།ཀྲུང་གོ་དང་།ཧང་ག་རི།ཨུ་རུ་སུ།མོང་གོལ།ཅིར་ཅི་སི་ཐན།ལྷོ་ཁོ་རེ་ཡ་བཅས་རྒྱལ་ཁབ་ནས་ཕེབས་པའི་རིགས་གཅིག་མཁས་པ་དང་ཤེས་ལྡན་པ་ལྔ་བཅུ་གླེང་སྟེགས་ལ་ཞུགས་ཏེ།ཀྲུང་གོའི་ལོ་རྒྱུས་སྙན་རྩོམ་ཆེན་མོ་གསུམ་སྲུང་སྐྱོབ་དང་རྒྱུན་འཛིན་བྱེད་པའི་ཐད་སྤེལ་རེས་དང་མཉམ་སྤྱོད་གནང་ཡོད།...

བརྙན་དེབ་འདི་ནི་ཀྲུང་གོ་གསར་པ་དབུ་བརྙེས་པ་ནས་བཟུང་།རང་རྒྱལ་དུ་རྩོམ་སྒྲིག་པར་སྐྲུན་བྱས་པའི་སྒྲུང་མཁན་གྱི་བརྙན་དེབ་ཆེ་གྲས་ཐོག་མ་དེ་ཡིན་ལ།རང་རྒྱལ་གླིང་སྒྲུང་ཞིབ་འཇུག་ཐད་ཀྱི་རིག་གཞུང་གྲུབ་འབྲས་གསར་ཤོས་དང་གལ་ཆེ་ཤོས་ཤིག་ཀྱང་ཡིན།དེབ་འདིར་པར་ཡིག་སྦྲགས་མ་དང་བོད་རྒྱ་ཤན་སྦྱར་གྱི་ལམ་ནས་བོད་ཡུལ་སྟོད་སྨད་བར་གསུམ་གྱི་སྒྲུང་མཁན་ཇི་སྙེད་གང་དུ་ཇི་ལྟར་བཞུགས་པའི་གནས་སྟངས་ཆུ་ལ་ཆུ་བཞག་གི་ཚུལ་དུ་ངོ་སྤྲོད་ཞིབ་གསལ་གནང་སྟེ།ཁོང་ཅག་གིས་ཁུར་སེམས་ཆེན་པོས་གེ་སར་རིག་གནས་རྒྱུན་འཛིན་དང་དར་སྤེལ་མཛད་པར་ལེགས་སོའི་བསྔགས་བརྗོད་དང་རྗེས་སུ་ཡི་རངས་ཞུས་ཡོད།དེ་བཞིན་ཀྲུང་གོ་གསར་པ་དབུ་བརྙེས་རྗེས་དང་བོད་ལྗོངས་དམངས་གཙོའི་བཅོས་སྒྱུར་བྱས་ཚུན་དུ་གེ་སར་སྒྲུང་པའི་སྤྱི་ཚོགས་གོ་གནས་ལ་སྔར་མེད་བཟང་ཕྱོགས་ཀྱི་འགྱུར་བ་བྱུང་བའང་ཤུགས་སུ་བསྟན་ཡོད་དོ།།...

དཔྱད་རྩོམ་འདིར་དེང་གི་བོད་ཀྱི་དམངས་སྲོལ་དུ་རྒྱུན་ལྡན་དར་འཕེལ་དུ་འགྲོ་བའི་སྐད་བརྡའི་ནང་རྟེན་འབྲེལ་ཞུ་ཞེས་ཁ་ནས་སྨྲ་བ་དང་ལག་གིས་བྲི་བ་འབྱམས་ཀླས་སུ་གྱུར་དང་འགྱུར་བཞིན་པ་ལ།ཁོ་བོས་རེ་ཞིག་སྐད་ཆ་དེ་ཉིད་ཀྱི་ཁུངས་དང་ངོ་བོ།གྲུབ་ཆ་བཅས་ལ་རྣམ་པར་དཔྱད་པ་དང་འབྲེལ་མིང་བརྡ་དེ་ཉིད་ཀྱི་དོན་ནི།ལེགས་ཤིང་ཕུན་སུམ་ཚོགས་པ་ཁོ་ན་ཞིག་གི་དོན་དུ་འཇུག་པ་ཞིག་མིན་པས་དེ་འདྲའི་ཤིས་ཚིག་དེ་ནི་ཡུལ་གྱི་བསྟན་དོན་ཆ་མི་ཚང་ཞིང་ཚིག་གི་སྦྱོར་བ་འོས་ཤིང་འཚམས་པ་མིན་པར་མཐོང་།དེས་ན།རྟེན་འབྲེལ་ལེགས་དང་།རྟེན་འབྲེལ་ཡག་ཅེས་པ་ལྟ་བུར་བསྒྱུར་ན་བོད་རང་གི་རིག་གཞུང་གི་རྐང་དང་འགྲིགས་ཤིང་སྐད་ཆའི་སྤྱི་འགྲོས་ལའང་མཐུན་ན།དེ་དང་དེ་མཚུངས་ཀྱི་སྐད་བརྡ་མང་བོ་ཞིག་ཀྱང་དོན་གྱི་གོ་བས་ཚིག་ལ་དག་འདོན་པ་འདི་ནི་རིགས་པ་དང་སྒྱུ་རྩལ་གང་ལའང་མེད་དུ་མི་རུང་བ་ཡིན་པར་གཏན་ཚིགས་ཀྱི་ལམ་ནས་དཔྱད་འཇོག་བྱས་ཡོད།...

བོད་སྐད་ཀྱི་སྦྱོར་བའི་ཁྲོད་དུ་མིང་གཞི་དང་མིང་གཞི་སྦྱར་བ།མིང་གཞི་དང་མིང་རྐྱེན་སྦྱར་བས་མིང་གི་སྦྱོར་བ་མང་པོ་ཞིག་མིང་གི་ཚོགས་པ་རུ་ཉར་ཡོད་ལ།གསར་བྱུང་གི་ཐ་སྙད་མང་པོ་ཞིག་ཀྱང་དོན་གྱི་ངོ་བོ་སྟོན་པའི་སྒྲ་གཉིས་ཡན་ལས་མིང་གི་གཞི་མར་གྱུར་པའི་སྒྲ་སྟེ།མིང་གཞི་གཉིས་སམ་དུ་མ་གཞི་གཅིག་ཏུ་སྦྲེལ་ནས་གསར་བྱུང་གི་མིང་དུ་གདགས་པ་དང་།མིང་གཞི་གཅིག་ལ་མིང་གི་ཆ་ཤས་ཕྱི་མ་རྐྱེན་དུ་སྦྱར་ཏེ་མིང་མཐའི་སྒོ་ནས་མིང་གི་བྱེ་བྲག་གསར་བ་བཟོ་ཞིང་།མིང་དོན་གྱི་ཁྱད་པར་འབྱེད་པས་ན།བརྡ་སྤྲོད་ཀྱི་ཁྱད་ཆོས་ལྡན་པའི་ཚིག་སྦྱོར་གྱི་གྲུབ་ཆ་གལ་ཆེན་ཞིག་གྲུབ་ཡོད་དེ།འདིར་དེང་རབས་རྒྱ་ཡིག་དང་སྐད་བརྡ་རིག་པའི་ཞིབ་འཇུག་བྱེད་ཐབས་ལ་བརྟེན་ནས་བོད་སྐད་ཀྱི་མིང་གི་གྲུབ་ཚུལ་ལས་མིང་གཞི་མཉམ་འདུས་ཀྱི་མིང་གི་གྲུབ་ཚུལ་ལ་དཔྱད་པ་ཅུང་ཟད་བཏང་ཡོད།...

ཉེ་རབས་ཀྱི་མཁས་དབང་དགེ་ཆོས་མཆོག་གིས་ཨམ་སྐད་དུ་དགྲའི་ཀློག་ལ་རྒྱའམ་དགྱ་བཞིན་འདོན་པ་རྒྱུ་མཚན་དུ་མཛད་ནས་བོད་སྐད་དུ་རྒྱ་དང་དགྲ་དོན་གཅིག་པར་གསུངས་པ་ནས་བཟུང་།རྗེས་བྱུང་བོད་ཀྱི་གཞོན་ནུ་མི་ཉུང་བ་ཞིག་གིས་བཞེད་ཚུལ་དེའི་རྗེས་སུ་འབྲངས་པ་མ་ཟད།མིག་སྔར་རྒྱ་དང་རྒྱ་ནག་ཅེས་པའི་མིང་དེ་དག་བོད་རྩོམ་གང་རུང་དུ་བྱུང་ཚེ།རྒྱ་བོད་མི་རིགས་དབར་འགལ་བ་བཟོ་བྱེད་ཀྱི་མིང་བརྡ་ཆེས་མི་རིགས་པ་ཞིག་ཏུ་འདོད་བཞིན་ཡོད།རྩོམ་ཡིག་འདིར་སྣང་ཚུལ་དེ་རིགས་ལ་གཞིགས་ཏེ།བོད་སྐད་དུ་ཤར་ཕྱོགས་མི་རིགས་ཀྱི་མིང་དུ་རྒྱ་ཟེར་བ་ནི་རྒྱའི་རབས་ལ་སྔ་བ་ཞ་རྒྱལ་རབས་ཀྱི་སྒྲ་ལས་བྱུང་ཞིང་།རྒྱ་ཞེས་པའི་ཡི་གེ་འགོད་ཚུལ་དེ་ནི་ལེགས་སྦྱར་གྱི་རྒྱལ་པོའི་སྐད་དོད་ར་ཛནྲ་ཞེས་པ་བོད་ཀྱི་སྐད་དུ་ཟུར་ཆག་པའི་ར་ཙ་དང་ར་གྱ།ར་ཇ་སོགས་འབྲི་ཚུལ་དུ་མ་བྱུང་བའི་ཁྲོད་ཀྱི་ར་ལྡན་གྱ་ལ་རྒྱ་ཞེས་པའི་འབྲི་སྲོལ་ཡིན་པ་དང་།དོན་གྱི་ངོས་ནས་ཆེ་བ་དང་ཆེན་པོར་འཇུག་ཚུལ་གྱི་སྐོར་གླེང་བརྗོད་བྱས་ཡོད།...