ཀརྨ་ཕུན་ཚོགས་གུང་ཧོ་རྫོང་དུ་སོང་ནས་དུས་ཆེན་གཉིས་ལ་འཚམས་འདྲི་ཞུས།

       ཉེ་སྔོན། མཚོ་ལྷོ་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀརྨ་ཕུན་ཚོགས་གུང་ཧོ་རྫོང་དུ་སོང་ནས་དུས་ཆེན་གཉིས་ལ་འཚམས་འདྲི་ཞུ་བའི་བྱ་འགུལ་སྤེལ་བ་རེད། ཁུལ་སྲོག་ཆགས་རིམས་ནད་སྔོན་འགོག་ཚོད་འཛིན་ལྟེ་གནས་ཀྱི་ཀྲུའུ་རེན་རྡོ་རྗེ་ཚེ་བརྟན་དང་ཁུལ་མི་དམངས་སྨན་ཁང་རུས་ནད་ཚན་ཁག་གི་ཀྲུའུ་རེན་འཕགས་མོ་ཚེ་རིང་གི་ཁྱིམ་དུ་ཀརྨ་ཕུན་ཚོགས་ཀྱིས་ཁོ་ཚོ་དང་གླེང་མོལ་བྱས་ཏེ་ཁོང་ཚོའི་བྱ་བ་དང་འཚོ་བའི་གནས་ཚུལ་ལ་རྒྱུས་ལོན་ཞིབ་ཕྲ་བྱས་པ་རེད།

       ཀརྨ་ཕུན་ཚོགས་ཀྱིས་ཁོ་ཚོས་ཆེད་ལས་ལག་རྩལ་དང་ཉམས་མྱོང་མུ་མཐུད་དུ་འདོན་སྤེལ་གང་ལེགས་བྱ་དགོས་པའི་སྐུལ་ལྕག་གནང་བ་དང་། སྲིད་གཞུང་གིས་དུས་ནམ་ཡང་ཤེས་ལྡན་མི་སྣའི་བྱ་བ་དང་འཚོ་བར་དོ་ཁུར་དང་རྒྱབ་སྐྱོར་བྱས་ཏེ་ཁོང་ཚོར་འཕེལ་རྒྱས་ཀྱི་སྟེགས་བུ་དང་ཆ་རྐྱེན་ལེགས་པོ་མཁོ་འདོན་བྱ་རྒྱུ་ཡིན་ཟེར།