བོད་ཀྱི་རྩེད་རིག་འགྲན་སྡུར་སྐབས་དང་པོ་སྤེལ་བའི་བརྡ་སྦྱོར།

       བོད་ཀྱི་རྩེད་རིག་ནི་རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་ཡིན་པ་མ་ཟད། ཀྲུང་ཧྭ་མི་རིགས་ཀྱི་ཕུལ་བྱུང་སྲོལ་རྒྱུན་རིག་གནས་ཀྱི་ཆ་ཤས་གཙོ་བོ་ཞིག་ཀྱང་རེད། དེ་བས། རང་རེའི་ཕུལ་བྱུང་ཤུལ་བཞག་རིག་གནས་འདི་ཉིད་ཉམས་པ་སླར་གསོ་དང་མི་ཉམས་གོང་སྤེལ་གཏོང་ཆེད། ཐེངས་འདིར་མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་སྨྱན་སྦྱོར་ལྟེ་གནས་དང་། ཀྲུང་གུང་རྩེ་ཁོག་རྫོང་ཏང་ཨུ་དང་། རྫོང་མི་དམངས་སྲིད་གཞུངབཅས་ཀྱིས་མཉམ་དུ་བསྒྲུབས་པའི་དམེ་ཤུལ་ནགས་ཚལ་རྟགས་མའི་བོད་ཀྱི་རྩེད་རིག་འགྲན་སྡུར་སྐབས་དང་པོ་སྤེལ་འཆར་ཡོད་དེ། འབྲེལ་ཡོད་བླང་བྱ་གཤམ་གསལ་ལྟར།
༡  འགྲན་ཞུགས་ཁྱབ་ཁོངས་དང་མི་གྲངས།
       མཚོ་སྔོན་དང་ཀན་སུའུ། སི་ཁྲོན། ཡུན་ནན། བོད་ལྗོངས་སོགས་བོད་འབྲེལ་ས་ཁུལ་སོ་སོ་ནས་འགྲན་སྡུར་ལ་ཞུགས་ཆོག་ལ། ཚོགས་པ་རེར་འགྲན་ཞུགས་པ་མི་གྲངས4ནས15བར་ཡིན་དགོས།
༢ འགྲན་བྱའི་རྩེད་རིག་གི་ཆ་རྐྱེན།
       འགྲན་སྡུར་དུ་ཞུགས་པའི་རྩེད་རིག་ཚང་མ་བོད་ཀྱི་སྲོལ་རྒྱུན་རྩེད་རིག་རྐྱང་རྐྱང་ཡིན་དགོས་པ་ལས་དེང་རབས་རོལ་མོ་སོགས་ཀྱིས་ཟུར་བརྒྱན་མི་རུང་། གཞན་འཁྲབ་སྟོན་པའི་རྒྱན་གོས་སོགས་ཀྱང་ས་གནས་གང་དེའི་སྲོལ་རྒྱུན་གྱི་རྒྱན་གོས་ཡིན་དགོས། 
༣ འགྲན་སྡུར་དུས་ཚོད་དང་ས་གནས།
       འགྲན་སྡུར་དུས་ཚོད། 2026ལོའི་སྤྱི་ཟླ10པའི་ཚེས23ནས་ཚེས25བར། འགྲན་སྡུར་ས་གནས། རྩེ་ཁོག་རྫོང་དམེ་ཤུལ་རྒྱལ་ཁབ་ནགས་ཚལ་སྤྱི་གླིང་། 
༤ མིང་ཐོ་འགོད་ཡུན།
       2026ལོའི་སྤྱི་ཟླ9པའི་ཚེས30ནས་སྤྱི་ཟླ10པའི་ཚེས10བར་ཡིན།
༥ འབྲེལ་གཏུག་བྱ་ཡུལ།
       མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་སྨྱན་སྦྱོར་ལྟེ་གནས།
       ཁ་པར་ཨང་གྲངས། 17697352035
       ཡིག་ཟམ། 1017847973@qq.com
       གསལ་བཤད། ཐེངས་འདིའི་འགྲན་སྡུར་ལས་ཨང་དང་པོ་ཐོབ་མཁན་གྱི་རྩེད་རིག་ཚོགས་པ་དེ་མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་སྨྱན་སྦྱོར་ལྟེ་གནས་ཀྱི2027ལོའི་ལོ་གསར་དགོང་ཚོགས་སུ་ཆེད་དུ་གདན་ཞུས་ཀྱིས་དམིགས་བསལ་གཟིགས་མཐོང་སྤྲོད་རྒྱུ་ཡིན།