ཐེ་གེ་ནི་རྩེད་ཆས་ཤིག་སྟེ།དེ་ནི་ཕྱུགས་ཟོག་གི་སུག་རུས་ལས་བཏོན་པའི་རུས་ཚིགས་ཐུན་མོང་མ་ཡིན་པ་དེ་ཡིན།རྩེད་ཆས་དེ་ནི་ང་ཚོའི་མེས་པོ་གོང་མ་དག་གིས་རི་དྭགས་བསད་དེ་ཤ་ལ་སྤྱད་པ་ནས་བྱུང་ཞིང་།དེ་ཡང་འབྲོང་ཕོ་མོ་བཏུལ་ནས་ནོར་དང་།རྐྱང་ཕོ་མོ་བཏུལ་ནས་རྟ་དང་བོང་བུ།དགོ་བ་ཕོ་མོ་བཏུལ་ནས་ར་དང་ལུག་ཏུ་བསྒྱུར་བ་ནས་བོད་ཁྱིམ་རེ་རེར་སྒོ་ཟོག་བྱུང་བ་དང་།སྒོ་ཟོག་བྱུང་ཚུན་ནས་ཐེ་གེ་ནི་སྟོད་མངའ་རིས་སྐོར་གསུམ་དང་།བར་དབུས་གཙང་རུ་བཞི།སྨད་མདོ་ཁམས་སྒང་དྲུག་གི་ཡུལ་གྲུ་ཀུན་ཏུ་རྩེ་འགོ་ཚུགས་སོ།།...

བོད་ཀྱི་དམངས་ཁྲོད་དུ་དར་ཁྱབ་ཡོད་པའི་རིག་གནས་ཁག་གཅིག་ནི་གནའ་དུས་ཞིང་འབྲོག་མི་དམངས་རྣམས་ཀྱིས་རང་བྱུང་ཁམས་ཀྱི་འགྱུར་བའི་སྣང་ཚུལ་ལ་བརྟག་ནས་དེའི་རྒྱུ་རྐྱེན་དང་བྱེད་ལས་སོགས་ལ་སྐབས་དེའི་སྤྱི་ཚོགས་ཀྱི་ཤེས་རིག་གི་རྒྱབ་ལྗོངས་དང་བསྟུན་པའི་རང་རང་གི་ངོས་འཛིན་བྱས་པའི་རིག་གནས་ཤིག་རེད།...

ཕྱག་ཕྲེང་བས་སྒྱེད་པུ་ཐབ་ཀ་གཅིག་ཡིན་ཟེར་བ་ནི་རིགས་རྒྱུད་ཐ་དད་པའི་མི་ཡིན་ཡང་སྐྱིད་སྡུག་མཉམ་མྱོང་གི་ཁྱིམ་ཚང་གཅིག་པ་ཡིན་ཟེར་བའི་དོན་ཡིན་ལ།སྒྱེད་པུ་ཐབ་ཀ་ཁ་ཁ་ཡིན་ཟེར་བ་ནི་བརྩེ་བ་ཟབ་པའི་ཁྲག་རྒྱུད་གཅིག་པའི་ཕ་མ་བུ་ཚ་ཡིན་ཡང་།ཁྱིམ་ཚང་ཁ་ཁ་ཡིན་ཞེས་པའི་དོན་ཡིན་པས།ས་ཕྱོགས་གང་དུ་སོང་ཡང་ཐབ་ཀ་གཅིག་དང་ཐབ་ཚང་གཅིག།ལྟོ་ཚང་གཅིག་ཅེས་པར་ཁྱིམ་ཚང་གཅིག་པའི་འདུ་ཤེས་སུ་འཛིན་སྲོལ་ཡོད།...

བོད་མི་རིགས་ཀྱི་འཚོ་བའང་མེ་དང་འབྲེལ་བ་དམ་པོ་ཡོད་དེ།བོད་མིའི་འཚོ་བའི་ཁྲོད་དུ་མེ་ལ་ཟས་རིགས་སོགས་གཡོས་སྦྱོར་བྱེད་པའི་སྤྱི་མཐུན་གྱི་རིན་ཐང་ལས་གཞན།མེ་ལ་བརྟེན་ནས་མནོལ་གྲིབ་སེལ་བ།གནའ་བོའི་བོད་ཀྱི་ཆབ་སྲིད་ཀྱི་བྱ་བ་དམག་འདྲེན་གཡུལ་འགྱེད་བྱེད་པའི་སྐབས་ལ་མེ་བརྡ་གཏོང་བ།ལྷ་བསང་གཏོང་བ།མེ་ཐོ་སློང་བ།སྦྱིན་སྲེག་བྱེད་པ་སོགས་དེ་དག་ནི་མེ་དང་འབྲེལ་བ་ཡོད་ལ།དེ་ཡང་དམངས་ཁྲོད་ཆོས་ལུགས་ནང་དུ་ཡུལ་ལྷ་དང་།ཆུ་ལྷ།ཤིང་ལྷ།མེ་ལྷ།གནས་རི་གཞི་བདགརླུང་ལྷ་སོགས་ལྷ་རིགས་མང་པོ་ཐོན་དོན་ནི་དངོས་ཟོག་ཐམས་ཅད་ལ་བླ་སྲོག་གམ་བདག་པོ་ཡོད་པར་འདོད་པའི་གདོད་མའི་བསམ་བློ་ལས་བྱུང་བ་ཞིག་ཡིན་པར་འདོད།...

གབ་རྩེ་ཞེས་བྱ་བ་དེ་ནི་ལོ་གཅིག་གི་རིང་ཉིན་ཞག་སུམ་བརྒྱ་དྲུག་ཅུ་ཙམ་ཡོད་པ་དེ་དག་རེ་རེ་བཞིན་དུ་འབྱུང་བའི་ཁམས་དང་།སྨེ་བ་དང་།སྤར་ཁ་དང་།དེ་དག་ལ་དབང་བྱེད་པའི་ལྷ་དང་ཀླུ་དང་།གཉན་དང་ས་བདག་ལ་སོགས་པ་ཇི་སྙེད་ཅིག་ཡོད་པ་དེ་ཀུན་སྐྱེ་འགྲོ་ཕལ་པའི་དབང་པོའི་མངོན་སུམ་དུ་མ་གྱུར་པས་གབ་པ་དང་།དེ་དག་འགྲོ་བ་མིའི་རིགས་དང་འབྲེལ་མཐུད་ཀྱི་གསང་གནད་དམ།ཤིན་ཏུ་གཉན་པའི་གནད་དམ།གནད་དུ་ཐེབས་ངེས་པའི་དམིགས་ཏེ་རལ་གྲིའི་རྩེ་མོ་ལྟར་གསང་གནད་ཀྱི་རྩེར་གྱུར་པས་དེ་སྐད་དུ་གྲགས་པ་ཡིན།...

བཟའ་བཏུང་སྤྱིའི་ཆེས་ཐོག་མ་དང་།ཟས་རིགས་བཙོས་མ་ཟོས་པའི་མགོ་ཁུངས་ཏེ།དེ་གཉིས་སྤྱི་བྱེ་བྲག་གི་ཁྱད་པར་མ་གཏོགས་རིག་གནས་ཀྱི་གནད་གཅིག་ཏུ་འཁེལ་ངེས་ཤིང་།བོད་ཀྱི་བཤད་ཚུལ་ལ་སྲོག་ཆགས་མ་བྱུང་བའི་སྔོན་དུ་ཟས་རིགས་བྱུང་བ་དང་དེའི་གོང་དུ་བཏུང་བའི་རིགས་བྱུང་ངོ་ཞེས་ཡོངས་སུ་གྲགས་ལ«ཡན་ལག་བརྒྱད་པའི་སྙིང་པོའི་འགྲེལ་བ་ཟླ་ཟེར»ལས་ཀྱང་གནའ་འཇིག་རྟེན་ཆགས་པའི་དུས་སུ་དང་པོ་ཆུ་ཉིད་བྱུང་བ་ཡིན་ལ་དེའི་འོག་ཏུ་ཟས་བྱུང་ངོ་།།...

རྩོམ་ཡིག་འདིར་གཙོ་བོ«གསང་རྙིང་རྒྱན་དང་རོལ་མོའི་བསྟན་བཅོས»ཀྱི་མ་དཔེ་དང་པོ་ལས་བསྟན་པའི་གླུ་ཡི་ཡོན་ཏན་དང་།ངེས་པ་དྲུག་གི་བྱེད་ནུས་དང་ཁྱད་ཆོས།དབྱངས་རྟའི་རིགས་དང་ཁྱད་པར།ངག་གི་འགུགས་སྟངས།དེ་གཞན་གར་དང་བྲོ་ཡི་འཁྲབ་ལུགས་དང་མཚོན་དོན་སོགས་བརྗོད་གཞིར་བཟུང་ནས་གླེང་འདུག...

བདེན་རྫུན་བརྟགས་ནས་མ་བྱས་ན།ཕོ་གསར་ངར་དེ་ཁྱི་ངར་ཡིན།གྲོས་མགོ་ཤེས་རབ་ཅན་གྱིས་རྩོམ།གྲོས་ཐག་བསོད་ནམས་ཅན་གྱིས་བཅད།གཏམ་དང་རལ་གྲི་གཉིས་པོ་འདི།རྩེ་ནས་མི་འཆང་ཡུ་ནས་འཆང་།ལྷ་ཁང་རྙིང་པ་ལ།གནས་བཤད་གསར་པ།ཐུགས་ཆུང་ཆུང་ཐུགས་གཡེང་མ་གནང་དང་།རྡོ་ཆུང་ཆུང་ལྷགས་པས་འཁྱེར་དོགས་མེད།སྤྲང་ཁྱི་ཐོག་ཁར་བཏགས་པས་ནམ་མཁའི་སྐར་མར་རྨུག་གིས།དམ་བི་ཉི་མར་བསྲོས་པས་ཁ་ལས་ཞབས་ར་མཐོ་བ།བོང་བུ་ཆག་གིས་གསོས་པས་རྟ་ལ་ཕྲ་རྐང་གཏོང་གིས།...

དབྱངས་ཡིག་ནི་གསང་སྔགས་ཀྱི་ཆོ་ག་དང་།ཆོས་སྤྱོད་དག་གཙོ་བོ་བྱས་པའི་ཐོག།བླ་མ་གོང་མ་དག་གི་མགུར་རྟ་དང་།གླིང་གེ་སར་གྱི་སྒྲུང་རྟ།དམངས་ཁྲོད་ཀྱི་གླུ་དང་ལ་གཞས་སོགས་ཀྱང་དབྱངས་ཡིག་ཏུ་བྲིས་ཡོད་པ་མང་པོ་ཡོད་པས།འདི་ནི་ཧི་མ་ཡའི་རི་རྒྱུད་དུ་དར་བའི་ཐུན་མོང་མ་ཡིན་པའི་སྒྱུ་རྩལ་དང་།རིག་གནས།དད་མོས་དང་།ལོ་རྒྱུས་སོགས་ཀྱི་མཚོན་བྱེད་བླ་ན་མེད་པ་ཞིག་ཡིན་ནོ།།...

བོད་ཀྱི་དམངས་ཁྲོད་གཏམ་དཔེ།མྱི་ཡིས་མི་ཟ་མནའ།ཁྱི་ཡིས་མི་ཟ་ལྕགས།...