རིགས་རྒྱུད་ཀྱི་བདེ་ཐང་གི་ཆེད་དུ་བོད་ཁུལ་ནས་རིགས་རུས་ཆོ་འབྲང་མི་རབས་བདུན་སོགས་མ་ཕྱིན་པར་གཉེན་མི་སྒྲིག་པ་དང་།དེ་ནི་གཅིག་ནས་མི་རིགས་ཀྱི་ཡ་རབས་ངོ་ཚ་ཁྲེལ་ཡོད་ཀྱི་ལུགས་སྲོལ་བཟང་པོ་ཞིག་དང་།གཉིས་ནས་རྒྱལ་ཁབ་ཀྱི་ཁྲིམས་ལུགས་དང་ཡང་མཐུན་ལ།གསུམ་ནས་རིགས་རྒྱུད་ནད་མེད་བདེ་ཐང་གི་རིག་པ་གལ་ཆེན་ཞིག་ཀྱང་ཡིན་པས།མི་རབས་ནས་མི་རབས་སུ་འདི་ལ་བརྩི་བསྲུང་དང་རྒྱུན་འཛིན།མཐོང་ཆེན།དོ་སྣང་བཅས་བྱ་རྒྱུ་ནི་ཤིན་ཏུ་འགངས་ཆེ་བ་ཞིག་རེད།གཞན་དུ་རྩོམ་ཐུང་འདིར་མ་རྟོགས་ལོག་རྟོག་དང་ཧོལ་རྒྱུགས་ཀྱི་མི་འདང་ས་ཅི་ཞིག་མཆིས་པར་ནོར་བ་ཡོ་སྲང་ཡོད་པར་ཞུའོ།།...

ཨ་མདོའི་དམངས་གླུའི་སྐོར་ལ་ཆེད་དུ་བརྟག་དཔྱོད་དང་ཞིབ་འཇུག་བྱེད་མཁན་མང་དུ་བྱུང་ཞིང་།གཙོ་བོ་དམངས་གླུའི་སྒྱུ་རྩལ་གྱི་ཁྱད་ཆོས་དང་བརྗོད་བྱའི་ཁྲོད་ཀྱི་རིག་གནས་རྟོག་དཔྱོད།དམངས་གླུའི་རིགས་དབྱེའི་ཞིབ་འཇུག་སོགས་ཀྱི་དཔྱད་འབྲས་འགོད་པ་གཙོ་བོར་བཟུང་བས་དམངས་གླུའི་ཚིག་དོན་དབྱངས་གསུམ་གྱི་གཏན་སྲོལ་དང་རྣམ་གཞག་སྐོར་བཀོད་པ་ཉུང་དྲགས་པ་དང་།དེའི་ཐད་དུ་སྟོང་ཆ་དང་ཉམས་དམུས་ཀྱི་གནས་སུ་བདོག་པས་ན།འདིར་སྔ་རབས་བོད་ཀྱི་རོལ་མོའི་གཞུང་ལུགས་ལ་གཞི་བཅོལ་ཏེ་ཨ་མདོའི་དམངས་གླུའི་བརྗོད་བྱ་དོན་གྱི་སྟོན་ལུགས་དང་རྗོད་བྱེད་ཚིག་གི་སྦྱོར་ལུགས།ངག་གི་དབྱངས་རྟའི་འགུག་ལུགས་བཅས་ལ་རྣམ་གཞག་ངེས་ཅན་ཞིག་ཡོད་པའི་རིག་པ་བསེད་བཀྲོལ་བྱས་ཡོད།...

གོ་རེ་ནི་བོད་པའི་ཁྱིམ་ཚང་ནང་གི་ཆེས་རྒྱུན་སྤྱོད་ཀྱི་ཁ་ཟས་མེད་དུ་མི་རུང་བ་དེ་ཡིན།དེ་བཟོ་བའི་རྒྱུ་གཙོ་བོ་ཕྱེ་ཡིན།ཕྱེ་ལ་གྲོ་ཕྱེ་དང་ནས་ཕྱེ།སྲན་ཕྱེ་སོགས་ཀྱི་དབྱེ་བ་ཡོད་ཀྱང་།རང་གི་དགའ་ཕྱོགས་དང་དགོས་མཁོའི་དབང་གིས་ད་དུང་རུ་མ་དང་སྣུམ།གོར་རྫས་དང་གོར་རྩི་སོགས་ཀྱང་རྒྱུ་ལ་སྤྱོད་སྲོལ་ཡོད།...

བོད་མིའི་རྒྱུན་ལྡན་འཚོ་བའི་ཁྲོད་མར་ནི་མེད་དུ་མི་རུང་བ་ཞིག་རེད།ང་ཚོ་ཚང་མས་མཁྱེན་གསལ་ལྟར་མར་ཇའམ་དཀྲུག་ཇ།ཡང་ན་ཇ་སྲུབ་མ་ནི་སྙན་གྲགས་ཤིན་ཏུ་ཆེ་བའི་བོད་ཀྱི་བཏུང་བྱ་མཆོག་ཏུ་གྱུར་བ་ཞིག་རེད།དེ་ནི་མཚོ་བོད་མཐོ་སྒང་གི་གནམ་གཤིས་དང་འཚམས་པའི་བཏུང་བྱ་ཞིག་རེད།བོད་ཀྱི་འཚོ་བ་ལ་ཆ་རྒྱུས་དེ་ཙམ་མེད་པའི་མི་མང་པོ་ཞིག་གི་བོད་ཅེས་པའི་ཐ་སྙད་ཐོས་མ་ཐགབརྗིད་ཆགས་ཀྱི་ཕོ་བྲང་པོ་ཏཱ་ལ་ཡིད་ལ་འཆར་བ་བཞིན་ཇ་སྲུབ་མ་ཙམ་མ་ཡིན་པར་བོད་རིགས་ཀྱི་འཚོ་བའི་ཁྲོད་མར་གྱི་སྤྱོད་སྒོ་ཧ་ཅང་མང་ཞིང་དེ་དག་ལ་རྒྱུན་རིང་འཚོ་བའི་ལག་ལེན་དངོས་ཀྱི་ནང་ནས་ཉམས་མྱོང་གསོག་འཇོག་བྱས་ནས།ཡུལ་ལུང་སོ་སོའི་གནམ་གཤིས་དྲོ་གྲང་།འཚོ་བའི་ཁྱད་ཆོས་ལྟར་ལུགས་དང་མཐུན་པའི་སྒོ་ནས་བེད་སྤྱོད་བྱེད་ཀྱི་ཡོད།...

དཔྱད་རྩོམ་འདིར།ལྗོངས་ཞིང་ལྔའི་མཉམ་བསྒྲིགས་སློབ་དེབ(སློབ་ཆུང་ལོ་རིམ་བཞི་བའི་སྐད་ཡིག་སྟོད་ཆ)སོགས་སུ།དེ་རིང་སང་ཉིན་གནངས་ཉིན། གཞེས་ཉིན་དགུ་ཉིན་བཅུ་ཉིན།དེ་རིང་ཁ་སང་ཁེ་ཉིན།གཞེ་ཉིན་དགུ་ཉིན་བཅུ་ཉིན།ད་ལོ་སང་ལོ་གནངས་ལོ་དགུ་ལོ་བཅུ་ལོ།ད་ལོ་ན་ནིང་གཞེ་ནིང་དགུ་ནིང་བཅུ་ནིང་།ཞེས་དགུ་ཉིན་དང་།དགུ་ལོ།དགུ་ནིང་བཅས་ལ་སྒྲ་ཐོབ་ཙམ་གྱི་ཡི་གེ་གྲངས་ཀྱི་དགུ་བྲིས་ཡོད་པ་དང་།ད་དུང་བཅུ་ཉིན་དང།བཅུ་ལོ།བཅུ་ནིང་ཟེར་བའི་ཐ་སྙད་འགའ་གསར་སྣོན་བགྱི་ཁུལ་བྱས་ཏེ།བོད་ཀྱི་ལོ་ཚེས་བགྲང་ཚུལ་སྐོར་གྱི་རྒྱུན་སྤྱོད་མིང་བརྡ་ཁག་ཅིག་ལ་བསྲེས་བསླད་དང་ཡིག་སྐྱོན་དོན་སྐྱོན་ཐེབས་ཡོད་པ་གླེང་གཞིར་བཟུང་ནས།དེ་དག་གི་སྒྲ་ཐོབ་ཡི་གེ་གང་དང་དོན་ཐོབ་ཡི་གེ་དངོས་གང་ཡིན་ཐད་ལ་ཡུལ་ཁམས་སོ་སོའི་མིང་གི་འབོད་སྟངས་རྣམས་གུང་བསྒྲིགས་ནས་གཤིབ་བསྡུར་དང་།ཡུལ་ལུང་དེ་དག་གི་མཁས་པ་དང་རྒན་རབས་པ་ཁག་ཅིག་ལ་བཀའ་འདྲི་དང་རྒྱུས་ལོན་གསལ་བོ་བྱས་ཏེ།བོད་རང་གི་སྐད་བརྡ་རིག་པའི་འགྲོས་དང་མཐུན་ཅིང་ཁ་སྐད་ཡིག་སྐད་གཉིས་བར་གྱི་སྒྲ་ཡི་འགྱུར་ལུགས་དང་།དོན་གྱི་འབབ་ལུགས་ཀྱི་ཆོས་ཉིད་དང་མི་འགལ་བར་ལུང་དང་རིགས་པས་དཔྱད་པ་ཞིབ་མོ་བགྱིས་ནས།གསང་བ་ལྐོག་གྱུར་དུ་ཕྱིན་པའི་མིང་བརྡ་དེ་དག་གི་དཀའ་གནད་རེ་རེ་བཞིན་བཀྲལ་ཡོད།...

དེ་ཡང་བྲག་དཀར་རྫོང་གི་འབྲོག་ཁུལ་དུ་སྐྱེས་མ་རྣམས་ལ་དམར་གདན་ཞེས་པའི་འདོགས་ཆ་ཞིག་ཡོད་པ་དང་།བུད་མེད་ཚོ་གཉེན་སྡེབ་ཟིན་པའི་རྗེས་ནས་འདོགས་དགོས་པ་ཞིག་ཡིན།དེ་ནི་གཅིག་ནས་རྒྱན་ཆ་ཞིག་ཡིན་པ་དང་།གཉིས་ནས་གདོད་མ་ནས་འཕྱོར་བྱེད་པའི་རྒྱན་ཆ་ཙམ་མ་ཡིན་པར་བདེ་ཐང་ལ་དམིགས་ནས་བཟོས་པ་ཞིག་ཡིན་པས།གཤམ་དུ་དེའི་ཕྱོགས་ནས་ཅུང་ཙམ་གླེང་བར་བྱ།...

སྲིད་པའི་ཐོར་ཅོག་ཏུ་གྲགས་པའི་གངས་ཅན་ལྗོངས་འདིར་ལོ་ངོ་སྟོང་ཕྲག་མང་པོའི་སྔོན་དུ་ཟས་སུ་ཤ་དང་རྩམ་པ་སྤྱོད་ཅིང་།གོས་སུ་སློག་པ་བསྟེན་ནས་འཚོ་ཞིང་གནས་པའི་བོད་པ་དག་ནི།དཔའ་ངར་ཆེ་ལ།ལས་ལ་བརྩོན་པ།བློ་རིག་བཀྲ་ཞིང་།ཡུལ་གོམས་གཤིས་ལུགས་བཟང་བ་སྟེ།སྔ་མོའི་དུས་ནས་རྐང་བྲོ་གླུ་གཞས་ལ་དགའ་བས་བོད་པར་རྒྱུས་མངའ་ཅན་གྱི་འཛམ་གླིང་མི་རིགས་ཚོས་གླུ་གར་གྱི་རྒྱ་མཚོ་ཞེས་པའི་བསྔགས་འརྗོད་ཀྱི་མེ་ཏོག་གཏོར་མུས་ཡིན་ལགས།བཙན་པོའི་རྒྱལ་རབས་དུས་ནས་ཀྱང་དམག་ལ་རྒྱལ་ཁ་ཐོབ་པ་དང་།བཙན་མཁར།གཙུག་ལག་ཁང་བཞེངས་པ་ལ་སོགས་པའི་མཛད་སྒོའི་དགའ་སྟོན་རྟེན་འབྲེལ་གྱི་དུས་རྒྱལ་བློན་ཚང་མས་གླུ་ལེན་སྲོལ་ཡོད།...

རྩོམ་ཡིག་འདིར་དམངས་སྲོལ་རིག་པའི་གཞུང་ལུགས་ཐད་ཀྱི་དམངས་སྲོལ་ཚོད་འཛིན་སྨྲ་བའི་གཞུང་ལུགས་གཞིར་བཟུང་ནས་བྲིས་པ་ཞིག་ཡིན་ལ།འདིར་གཙོ་བོ་སྒྲ་དོག་འཇུག་ལྟར་གྱི་དམངས་ཁྲོད་དད་མོས་ཀྱི་ནང་དོན་དང་ཁྱབ་ཁོངས།དམངས་སྲོལ་གྱི་གྲུབ་ཆ་དང་ཕན་ཚུན་གྱི་འབྲེལ་་པ་སོགས་བརྗོད་དེ།དམངས་སྲོལ་ལ་སྤྱི་ཚོགས་ཚད་གཞི་ཅན་དང་མི་རྣམས་ཚུལ་ལྡན་དུ་གཏོང་བའི་བཅའ་ཁྲིམས་ལྟ་བུའི་ནུས་པ་ཡོད་པ་བྲིས་ཡོད།...

གནའ་དེང་གང་ཡིན་ཡང་གཉེན་སྒྲིག་པ་ནི་མི་ཚེ་གཅིག་རིང་གི་བྱ་བ་གལ་འགངས་ཆེ་ཤོས་ཤིག་ཆགས་འདུག་པས།དུས་རབས་ཉི་ཤུ་བའི་སྟོད་ཀྱི་བདུད་ཤུལ་ཀླུ་ཚང་ལ་མཚོན་ན།སོ་སོའི་ཕ་མས་ཁྱིམ་ཚང་དང་ཤ་རུས།སྲུང་མ་སོགས་ལ་རྟོག་དཔྱོད་ནན་མོ་བྱས་རྗེས།གཉེན་སྒྲིག་གི་བྱ་བ་སྒྲུབ་ཀྱི་ཡོད་པ་ལས།སྔོན་ཆད་བུ་དང་བུ་མོ་རང་རང་གི་འདོད་མོས་ལྟར་གཉེན་སྒྲིག་བྱས་པའི་གནས་ཚུལ་ཤིན་ཏུ་ཉུང་།བུའི་ཕ་མ་གཉིས་ཀས་ཐོག་མར་ཁྱིམ་ཚང་གང་ཞིག་གི་བུ་མོའི་སྐྱེས་གཟུགས་དང་ལས་ཀའི་འཇོན་ཐང་།མི་གཤིས་སྤྱོད་ལམ་སོགས་བློར་བབས་ཚེ།རྩིས་པ་ལ་རྩིས་བྱེད་དུ་བཅུག་ནས་རང་གི་བུ་དང་ཕ་རོལ་བ་ཚང་གི་བུ་མོ་གཉིས་ཀྱི་ལོ་ཁམས་སྤར་ཁ་སོགས་མཐུན་མིན་ལ་ལྟ་བ་དང་།བླ་སྤྲུལ་སོགས་ལ་ལུང་བསྟན་ཞུས་ནས་ཕྱིས་འབྱུང་གི་བདེ་སྡུག་ལ་བརྟག་པར་བྱེད།...

དཔྱད་རྩོམ་འདིར་གནས་རི་རིག་གནས་ཀྱི་ལྟ་ཚུལ་སྟེང་ནས་བྲག་དཀར་སྤྲེལ་རྫོང་གི་ཐོག་མའི་ལོ་རྒྱུས་དང་།དེ་ཉིད་བན་བོན་གཉིས་ཀྱི་ཐུན་མོང་གི་གནས་རིར་གྱུར་བའི་གོ་རིམ།དུས་ཀྱི་འཕེལ་འགྱུར་ཁྲོད་ནས་གནས་རི་རིག་གནས་ལ་འགྱུར་བ་བྱུང་སྟེ།གྲུབ་མཐའ་རིས་མེད་ཀྱི་སྐྱེས་ཆན་དམ་པ་མང་པོས་སྒྲུབ་སྦྱོང་ཉམས་ལེན་བྱེད་སའི་གནས་རི་ཁྱད་པར་ཅན་དང་།གྲུབ་མཐའ་སོ་སོའི་སྐྱེས་ཆེན་དམ་པ་ཚོའི་རང་རང་གི་སྣང་ངོར་ཤར་བའི་གནས་ཆེན་འདིའི་བཞེངས་སྐྲུན་མི་འདྲ་བ་མང་པོ་བྱུང་ཚུལ།བྲག་དཀར་སྤྲེལ་རྫོང་གི་གནས་རིའི་ཡིག་ཚགས་བཅས་ལ་དཔྱད་ཞིབ་བྱས་འདུག...