འདིར་གཙོ་བོ་རྨོག་རུ་སྡེ་བའི་འབྲོག་མིའི་དུས་རྒྱུན་འཚོ་བའི་ཁྲོད་དུ་བཀོལ་བའི་མིང་བརྡ་སྣ་ཚོགས་ལས་འབྲི་མོ་གཙོ་བྱས་པའི་ནོར་གནག་གི་མིང་འདོགས་སྟངས་དང་།རི་སྤོ་སྐྱས་འགེལ་དང་བལ་འབྲེག་སོགས་དང་འབྲེལ་བའི་འབྲོག་ལས་ཀྱི་མིང་བརྡ་སྐོར་ཞིག་དང་།ད་དུང་ཚེ་ཐར་བཏང་བའི་ཕྱུགས་ཟོག་གི་མིང་འདོགས་ཚུལ་ལ་རགས་བསྡུས་ཤིག་དཔྱད་ཡོད།...

རྡོ་འགྱོག་ནི་བོད་རིགས་དམངས་ཁྲོད་དུ་དར་ཁྱབ་ཆེ་བའི་ལུས་རྩལ་རྣམ་གྲངས་ཤིག་ཡིན། དེའི་འབྲེལ་ཡོད་ཀྱི་དཔྱད་གཞིའི་རྒྱུ་ཆ་མང་ཤོས་ནི་དམངས་ཁྲོད་ངག་ཐོག་ནས་སྲུང་འཛིན་བྱེད་པ་ལས་ཡིག་ཐོག་ཏུ་བཀོད་པ་ཤིན་ཏུ་ཉུང་། ཡིན་ཡང་ཀུན་འདུས་ཀྱི་གླེགས་བམ་ཆེན་མོ་ཞེས་འབོད་པའི་ལོ་རྒྱུས་སྙན་རྩོམ་རིང་མོ་གླིང་སྒྲུང་ལས་རྡོ་འགྱོག་ལུས་རྩལ་སོགས་ཀྱི་དཔྱད་ཡིག་མང་པོ་བཀོད་ཡོད་ཅིང་། དེ་ནི་རིག་གནས་སྒྱུ་རྩལ་སྣ་མང་གི་འབྱུང་ཁུངས་དང་དེ་དག་གི་སྲུང་འཛིན་ཐད་ལ་ནུས་པ་གལ་ཆེན་ཞིག་ཐོན་བཞིན་པས། རྩོམ་འདིར་གེ་སར་སྒྲུང་ལས་བྱུང་བའི་རྡོ་འགྱོག་ལུས་རྩལ་དེ་སྔོག་འདོན་བྱས་ཤིང་། འབྲེལ་ཡོད་ལོ་རྒྱུས་ཡིག་ཚང་དང་འབྲེལ་ནས་དེའི་གོ་དོན་དང་། བྱུང་བ། འགྲན་སྲོལ། རྗེས་ཤུལ་སོགས་ཀྱི་ཐད་ནས་འཚོལ་ཞིབ་བྱས་འདུག...

བྱུ་རུ་ཞེས་པར་ཚིག་མཛོད་དག་ལས་མིང་གི་འགྲེལ་ཚུལ་མི་འདྲ་བ་ཡོད་དེ། ཀློང་རྡོལ་ངག་དབང་བློ་བཟང་གི«རིན་པོ་ཆེ་བརྟགས་ཐབ་མདོར་བསྡུས་ཉུང་གསལ»ལས།“རྒྱུ་དངོས་རྡོ་ཡིན་ཡང་རྒྱ་མཚོའི་འགྲམ་གྱི་བྲག་དང་བྱེ་མ་ལས་ཤིང་ལྟར་སྐྱེས་པ་སྟེ་རིགས་དཀར་དམར་གཉིས་ཡོད”ཚུལ་གསུངས།«སྨོན་ལམ་ཚིག་མཛོད»ལས།“རྒྱ་མཚོར་གནས་པའི་བྱུ་རུའི་འབུའམ་སྲོག་ཆགས་རིགས་འགའ་ཞིག་གི་ལུས་ལས་བྱུང་བའི་རྡོ་ཐལ་གྱི་རྒྱུ་དང་རྭ་སྤྱིན་འདྲེས་པ་ལས་གྲུབ་པའི་རུས་པའི་མིང་།”ཅེས་པ་ལྟ་བུའོ། །...

དེ་ཡང་མེས་པོ་མཁས་མཛངས་ལྡན་པ་ཚོའི་འཚོ་བ་ཟས་ཀྱི་མདོ་དང་།སྦྱོར་བ་སྨན་གྱི་མདོ་གཉིས་ཀྱི་ནང་ནས་དང་པོ་འཚོ་བ་ཟས་ཀྱི་མདོ་དེ་གལ་ཆེ་བར་བརྩིས་ཡོད་པ་ལྟར།ང་ཚོས་ཀྱང་མདོ་དབུས་མཐོ་སྒང་གི་ཁྱད་ཆོས་ལྡན་ཞིང་ལྷད་མེད་ཀྱི་བཟའ་བཏུང་དག་མའི་ཤེས་རིག་འདིས།འཛད་སྤྱོད་པའི་གཟུགས་གཞི་བདེ་ཐང་ཁོ་ན་ལ་དམིགས་ནས།ཚེ་རིང་བ།ནད་ཉུང་བ།གཟུགས་གཞི་བདེ་ཐང་ཡོང་བ་སོགས་ཁ་ཡོད་ལག་ཡོད་ཀྱི་ཕན་ཐོགས་ཡོད་པ་སོགས་ཡིད་ཆེས་དང་རེ་བས་ཁེངས་པའི་བཟའ་བཏུང་དག་མ་ཞིག་གཡོས་སྦྱོར་བྱ་ནས།སྤྱི་ཚོགས་དང་།དཔལ་འབྱོར།རིག་གནས་ཀྱི་རིན་ཐང་མངོན་འགྱུར་ཡོང་བར་ལེགས་སྐྱེས་འབུལ་ཐུབ་པ་བྱུང་ན་བསམ།།...

རྩོམ་ཡིག་འདིའི་ནང་བོད་ཀྱི་ཆོས་འབྱུང་རྣམ་ཐར་སོགས་ཚད་ལྡན་གྱི་ཡིག་ཚང་ཁག་དཔྱད་གཞིར་བཟུང་ནས།གོང་དཀར་སྒང་སྟོད་མཁྱེན་རྩེ་ཆེན་མོ་ཞེས་བོད་ཡུལ་དུ་ཉི་ཟླ་ལྟར་གྲགས་པའི་བཟོ་བོ་ཆེན་པོ་གང་དེའི་ཕྱག་བཞེས་ཀྱི་རྒྱུན་འཛིན་པའི་བཟོ་བོ་རྣམས་ཀྱི་མཛད་པའི་སྐོར་ལ་ཆེད་དུ་ཞིབ་འཇུག་མཛད་པའི་དཔྱད་འབྲས་སོགས་ཧ་ཅང་ཉུང་བར་གཞིགས་ཏེ།འདིར་མཁྱེན་ལུགས་ཀྱི་རྒྱུན་འཛིན་པའི་སྤྲུལ་པའི་བཟོ་བོ་སྦྱིན་པ་རྣམ་རྒྱལ་དང་རྣམ་རྒྱལ་རིག་པ།སྤྲུལ་སྐུ་རྡོ་རྗེ།གསང་སྔགས་མཁར་པ་ཆོས་མཛད་དང་ཚེ་འཕེལ་སོགས་པའི་སྐྱེས་བུ་ཆེན་པོ་དེ་དག་གིས་བོད་ཡུལ་གྱི་ས་ཕྱོགས་གང་སར་མཁྱེན་ལུགས་ཀྱི་མཛད་པ་བསྐྱངས་པའི་སྐོར་གྱི་མཛད་རྣམ་སྐོར་གླེང་འདུག...

དམངས་སྲོལ་རིག་གནས་ཀྱི་རྒྱ་སྐྱེད་ཚུལ་ལ་རྣམ་པ་མང་པོ་ཡོད་སྲིད་དེ།མི་སྒེར་དང་ཚོགས་པ་གང་ཞིག་ཡིན་རུང་ཆགས་ཟིན་པའི་དམངས་སྲོལ་རིག་གནས་དེ་ཡུལ་གྲུ་མི་གཅིག་པ་ཞིག་ནས་སྤྱད་ཅིང་མྱོང་ན།ཡུན་གྱིས་རྒྱ་བསྐྱེད་ཀྱི་དམིགས་ཡུལ་ཏོག་ཙམ་ཞིག་མི་འགྲུབ་པ་མི་སྲིད་དོ།།འོན་ཀྱང་དམངས་སྲོལ་རིག་གནས་རྒྱ་སྐྱེད་སྟངས་གཙོ་བོ་རྒྱུན་ལྡན་དང་རྒྱུན་ལྡན་མ་ཡིན་པའི་རྣམ་པ་གཉིས་སུ་འདུ།...